Mostafa Adel (@mostafaadel111) • ONVO

مشيت يعني !

رجعنا 🧑🏻‍🦯

هو إيه فرصة السفر للصيادله لأمريكا وتعرف المعادلة بتكلف قد ايه

لأ معرفش حاجة عن الموضوع ده أو المعادلة بتاعتكم غير لو هتسافر كباحث أو هتكمل ماجستير هناك عادي زي خريج أي كلية عملية ممكن تشوف على فيسبوك أكيد هتلاقي جروبات خاصة بالمعادلة والطريق ده لمجالك

ممكن نسافر امريكا ونشتغل أبحاث بس من غير نيابة ولا معادلة؟

أه ده طريق منفصل تماماً مش محتاج معادلة خالص وناس كتير بتمشي فيه سواء شغل ريسرش بس ويشتغلوا في مراكز أبحاث أو شركات أو... أو حتى سفر كدراسة في منح دكتوراه مثلا أو research fellowship

انت مهتم بالريسرش ولا بتنشر عشان يساعدك في المعادلة ونبدأ ازاي لازم كورس ولا مش شرط

عشان الاتنين حابب الموضوع وعشان ضروري المعادلة ممكن نبدأ من غير كورسات عادي بمصادر متاحة على يوتيوب وكورسات انجليزي على كورسيرا بس الموضوع بيكون غير منظم شوية الكورس بيختصر وقت الصراحة لكن مش أساسي

😂عندك حد بيكويلك جلابية العيد ولا لا

مش هعيد بجلابية النهارده أساساً 😂😂🧑🏻‍🦯🧑🏻‍🦯

ايه md دي ما شاء الله، أنت عديت step2 ولا ايه؟

لأ لسة ممتحنش وملهاش علاقة ب Step 2 "MD stands for Doctor of Medicine, the title awarded to medical graduates after completing medical school. It is equivalent to MBBS (Bachelor of Medicine, Bachelor of Surgery), which is the degree awarded to medical students upon graduation in many countries. Both degrees are equivalent in terms of qualification."

اللي بدأ step1 دلوقتي والدفعة اللي اكبر منك ممكن يقدم على الماتش سنة كام؟

على حسب لو مثلا خلصت الامتحانات ومعاك ال certificate تقدر تقدم السنة الجاية عادي جدا

معلش والميكرو بردو زي الفارما كده اعمل ايه

تمام 😂 شوف فيديوهات اسكتشي كافية جداً بس الموضوع هيكون ممل لو مش بتحب تشوف الصور كتير لأن الشرح عبارة عن صور أصلا وعدد الفيديوهات كتير فلو حسيت الموضوع مش شغال معاك شوف أنكي زي الفارما أو اقرأ الميكرو من ال first aid كام مرة قبل الحل وخلاص

بنسى الفارما علطول حتى مع حل ال uworld والأسئلة بتكون مفهومة بس عايزة حفظ عشان تتحل صح في نصيحة معينة الموضوع ده؟

الموضوع هيظبط مع التكرار في اللفة التانية لما تحل random لكن ممكن تشوف دلوقتي Anki cards for pharmacology حلهم بعد كل سستم هيثبتوا معاك علطول شوف أي anki Deck مش هتفرق وحل منه أسئلة الفارما بس زي janki

الأفضل لحد هيمشى في طريق أمريكا يتجوز دكتوره ولا واحدة من بره المجال؟ ؟؟؟ ولو اتجوز دكتورة الموضوع بيفشل بعد السفر أو بيكون في تقصير منها في تربية الولاد عشان شغلها وكاريرها والحاجات دي؟

كل واحد على حسب اختياره ييشوف المناسب له ومفيش صح وغلط في النقطة دي لأنها المفروض تفضيلات شخصية يعني لأ مش بيفشل ولا حاجة وجزء كبير بيكونوا الاتنين دكاترة وحياتهم طبيعية وعامة طالما ناوي على سفر فلازم هيكون ليك دور في تربية الأطفال مع زوجتك سواء هي بتشتغل أو لأ دكتورة أو لأ لأن مش هينفع ترمي مسئولية التربية عليها لوحدها زي في مصر وتركز على الشغل لأن الموضوع محتاج مجهود كبير للحفاظ على قيمهم وتربيتهم بطريقة كويسة

تعرف مين تاني عندنا واخدstep1?

في رشوان من دفعتي ده خلص ستيب ١ قبلي ما شاء الله ونشر عادي وفي ناس من دفعات تانية بس مأعلنوش ولا نشروا على الفيسبوك إنهم نجحوا.. مش معرفين غير الدائرة المقربة منهم بس أو اللي ماشي معاهم في نفس الطريق عشان الخصوصية يعني ربنا يوفق الجميع وكل اللي ماشيين في الطريق ده

هو مرتبات الدكاترة هناك بتكون اادكاترة اللى سافروا وعملو معادله بس مش امريكيين يعني من مصر والدول التانية ولا الدكاترة اللي معاهم الجنسية الامريكية وبتوصل الارقام الكبيرة دي من اول يوم شغل في النيابة؟

كلهم واحد 😂 مش فارقة الجنسية بتاعتك ايه أمريكي زي أجنبي ومفيش تمييز في المرتبات على أساس الجنسية بتاعتك أو مكان حصولك على الشهادة زي في بعض الدول العربية اللي بنسافر ليها كدكاترة بتلاقي ابن البلد ليه رينج مرتبات مختلف عن اللي معاه جنسية أوربية أو أمريكية وعن اللي معاه جنسية مصرية رغم إن كلهم على نفس الدرجة استشاري مثلا لكن في تفاوت كبير بينهم اختصارا يعني في أمريكا كله زي بعضه اختلاف المرتبات بيكون على أساس مكان شغلك في أي ولاية أو نوع المستشفى وطبعا التخصص مش الجنسية خالص والأرقام الكبيرة اللي انت بتسأل عليها غالباً كنت تقصد اللي كنت كاتبها في التويتة من فترة بتاعة ال ٤٠٠ ألف😂 دي بتكون بعد نهاية النيابة يعني مثلا بعد ما تخلص ٣ سنين باطنة عامة تبدأ تقبض كده ولو خدت تخصص زي الكارديو أو الجهاز الهضمي بعدها المرتب بيزيد أكتر وهكذا لكن خلال سنين النيابة نفسها المرتب بيكون حوالي ٦٠:٩٠ ألف دولار على حسب التحصص والولاية

ممكن أعرف وجهة نظرك أيه في مين مسئول عن مصروف البيت، ووجهة نظرك في المشاركة بالتساوى بين الراجل والست؟

بالنسبة للجواز بشكل عام لو الاتنين متفاهمين شايف إن كل واحد يعمل اللي يقدر عليه عشان نجاح الأسرة ككل واستمرار العلاقة ومستقبل افضل ليهم وللأطفال، أيا كانت طريقة تعاملهم: مشاركة كاملة بالنص بالورقة والقلم أو جزئية أو بالفضل أو لو متفقين الزوجة عليها شغل البيت لوحدها وهو عليه المصاريف لوحده.... كلها وسائل مختلفة لكن لازم الغاية في النهاية تكون مصلحة الأسرة. لكن بالنسبة لوجهة نظري في النقطة دي بخصوص الماديات، المفروض الزوج ملزم بمصاريف البيت كلها وتكاليف الحياة بشكل عام والمفروض يسعى لتطوير نفسه وظيفياً وزيادة دخله على حسب قدرته كوسيلة للترقي الاجتماعي للأسرة كلها، الزوجة مش مطلوب منها تشارك في مصاريف البيت حتى لو بتقبض أكتر منه أو معاها فلوس من مصادر تانية في النهاية دي فلوسها.... لكن كل المطلوب منها إنها تتحمل تغيرات وضعهم المادي بالسلب والإيجاب على مدار حياتهم مع بعض وتتأقلم معاه على كده ويعيشوا على قد دخله يعني من غير ما تحسسه بالتقصير لو بيعمل اللي عليه.

هو بيكون في فرق كبير بين versions of first aid for step 1 وعادي أكمل مذاكرة من First aid 2023

الفرق بيكون حاجات طفيفة خالص ماعدا سستمز الكارديو والنيورو الزيادات بتاعتهم كتيرة فممكن نكمل بالنسخة القديمة اه ونشوف السستمين دول بس وعامة في فايل بينزل في شهر ٣ على تليجرام بيكون مجمع زيادات كل نسخة عادي

ممكن توضح يعني ايه plateau في ثريد النجاح في USMLE step1؟ و new nbmbe ده يعني ٣١؟

يعني رينج اسكورك يفضل ثابت في كل النماذج رغم إنك بتحاول تحل أسباب نقصك في الاسكورك لو كانت نسيان أو فهم أو معلومات جديدة أو.... وبتحصل غالباً مع طول فترة التحضير فمش بتكون مجمع المواضيع كويس أو مع ال burnout أقصد كل النماذج الجديدة نسبياً عشان لسة Predictive الامتحان Nbmes 25:31 + new free 120

هو انت في سنة كام ؟

خامسة

يا دكتور هو تاريخ التخرج بيتحسب من بعد التخرج ولا الامتياز أنا نظام جديد وحكاية الو old graduate ببحسبوها على كام سنة؟

تاريخ نهاية الامتياز، خمس سنين في معظم المستشفيات

طب لو حد عايز جراحة 😅بس الفلوس مش هتكفي اليكتف ولا شهور كتير اوبزرفر يعمل ايه

الجراحة تنافسية ولازم الشخص يكون مغطي معظم المتطلبات بشكل كافي عشان يقدر ينافس لو مش شايف نفسه غير في الجراحة يحاول يتصرف في فلوس عشان يعمل CV كويس ممكن مثلا يسافر السعودية ممارس عام أو يروح دولة أفريقية بعد التخرج او ياخد تكليف نائي أو أي طريقة تانية يجمع بها فلوس يعني وفي حل تاني ممكن يكون مناسب أكتر ومش محتاج نفس القدر من الفلوس إنه يعكس الطريق باختصار يخلص نيابة جراحة عامة في بلده وبعدين يقدم على فيلوشيب بدل النيابات ويشوف فيلوشيب التنافسية فيها قليلة وعدد المقاعد الغير مشغولة فيها كبير وبإذن الله هيقدر يمتش فيها وبكده هيكون دخل السستم ويقدر يعمل اللي عايزه بعدين طالما في أمريكا

هو لازم نعمل اليكيتف عشان نمتش باطنة وكاام شهر ؟

المفروض بنحاول نعمل cv متوازن وفي حدود امكانياتنا الروتيشن شيء أساسي في السي ڤي.. في ناس متشوا باطنة أو أطفال من غيره بس دول حالات فردية مش قاعدة ولا ينفع حد يبني عليها خطته لو نقدر نعمل إليكتيف تمام.. معرفناش ممكن نعمل observership بداله عادي لكن لازم نغطي نقطة الروتيشن دي بالنسبة للشهور فهو انت محتاج 3 letters of recommendation ممكن تاخدهم في ٣ شهور وفي ناس بتاخدهم في شهر على حسب نزلت مع كذا دكتور ولا واحد بس لكن لو تقدر تاخد ٣ شهور روتيشن طبعا يكون أحسن ولو كلهم من مستشفيات أو حتى متنوعين بين Hospitals and clinics هتكون حاجة كويسة جداً لكن كله في النهاية حسب إمكانياتك خاصة لو عايز تمتش باطنة فالموضوع مش ١+١ = ٢ يعني وعلى حسب عوامل تانية مهمة في السي ڤي بتاعك زي تاريخ التخرج والاسكورات والريسرش

الصح أبدا مذاكرة USMLE امتى ولو في سنة تانية ينفع ابدا اذاكر من دلوقتي ولا اخلي الموضوع بعدين احسن

ده أفضل وقت تبدأ فيه طالما خلصت سنة أولى لأن كل ما بتأجل البداية هتكسل وتشيل الموضوع من دماغك بالتدريج، ده غير إن لسة في حاجات تانية محتاج تعملها غير الامتحانات والطريق طويل... ابدأ بس متحطش نفسك في ضغط نفسي من الأول وذاكر بمعدل معقول وخلي هدفك تمتحن في نص تالتة مثلاً لأنك بادئ في توقيت كويس بالفعل جرب الأول تذاكر من المصادر دي First aid, BNB, pathoma, and Uworld الموضوع هيكون صعب في الأول عشان اللغة والنظام الجديد لكن بعد كده هتتعود وتوفر وقت في التحضير وابدأ بالسستمز اللي اخدتها في الكلية الأول وبعد كده ذاكر كل موديول تاخده في الكلية من مصادر المعادلة بردو، وعلى آخر سنة تانية هتلاقي نفسك خلصت كم كبير لو جربت المصادر دي في تلاتة سستمز وحسيت إنك لسة مش عارف تذاكر، خلاص اشترك في كورس دكتور تاح أو الحسيني أو شبل أو غيرهم