T 🍷 (@Teva) • ONVO

اسألنا د عبد الرحمن ازاي نبدا في طريق الريسيرش أو الأوراق العلمية

ماتشرفنا فالنقاش يعم متتكسفش

معرفش بس كنت بقلب في صفحتك و شوفتها ، بعد نتايج الماتش حاسه ان الدنيا مش وردي زي ما كنت متخيله و خايفه انه بعد سعي طويل الواحد ميلاقيش نفسه ، مش في ناس كتير بتنجح ؟ ليه الماتش بتاعنا مش كتير؟ طب افرض اضطرينا نكمل هنا، ايه الي هيحصل

(وان ليس للانسان الا ماسعي وان سعيه سوف يري) احنا بناخد بالاسباب انما الي هيحصل ايه دي مش بتاعتنا ولعل المنع كان في حد ذاته عطاء

إزاي أتغلب على خوفي من إني أتعامل مع االبيشنت؟ خصوصًا لو خوفي سببه إني خايفة أعمل حاجة غلط تأذي المريض لمجرد إني حاسة إني ما عنديش العلم أوالسكل الكافية علشان أشتغل عليه

كثره الممارسه هتخلي عند تعود ، اما بالنسبه لنقطه العلم ف انت دورك انك تجتهد وتذاكر ومع الوقت هتكتسب المهارات ، وعلي حسب التخصص الي بتشتغله ممكن ارشحلك كتب كويسه ولو وصل الموضوع تاخد كورسات عادي استثمر فنفسك لو حابب نكمل النقاش ابعتلي رساله علي اي platform

شكلك كاريزما

حبيبي الله يخليك

هو اتطبق قرار ٦ شهور في الجامعه للامتياز؟

هو ثابت دايما اصلا بقاله سنين مش جديد

منين ي تيفا؟

الشرقيه - فاقوس تيڤا *

هو دا طبيعي إني بعد عملية قطع ACL بسنتين أينعم قصرت كتير في التمارين لحد دلوقت فيه شد فظيع في رجلي وبتوجع لو مشيت أو وقفت فوق دقيقتين بالضبط وحاسس رجلي كأنها قطعتين تحت الركبة وفوق الركبة فاهمني اللى هو قبل كدا مش بتحس بتقل أو أي مقاومة دلوقت كأنهم زى مفصلات باب مش مرنة يعني وعذرا على التشبيهاا الغبية بس أنا مش فاهم فيه ايه أساسا علشان اتوجه واشتغل صح

محتاج دكتور يبص عليك لان الوصف غير انك تفحص الحاله ولكن اذا حابب ندردش شويه تشرفني عالخاص

برجك ايه؟؟

كاتبلك فال bio اني عايش tripolar life ماطبيعي ابقي جوزاء

هو الصح اننا نجرب كل المجالات وبعدها نختار اللي شايفين نفسنا فيه قصدي يعني نجرب اورثو وبيد ونيورو الاول ولا اشوف على طول اللي انا شايف نفسي فيه ؟

الاتنين صح ولكن انصحك ابدا بالي بتحبه كتجربه بعدين جرب الباقي ، انا كشخص كنت عايز نيورو بس اما اشتغلتها لقيت انه لا انا صحتي مش هتجيب دا انصحك بالتجربه لكل شئ واختيار افضل المتاح اكيد مش هتكون قاعد ف السنبلاويين وتقولي عايز اشتغل burn مش منطق

اي اللي ممكن اعمله عشان جامعه تقبلني معيد وهل gpa 3.3 احلم اصلا اني ابقي معيد ولا بعيده وشكرا ليك

انا 3.08 وعندي امل اكمل فالجامعه عادي ولو انت ملقيتش كمل واعمل ماجستير وهتتعين ان شاء الله اهم حاجه الدعاء ربنا قادر علي كل شئ

طب ولو حد معجب بيك

غالبا اعجاب ظاهري او ب اراء انما اعجاب الي بيقلب بحب ف انت لازم تكون عارفني واتعاملت معايا مده online / onsite بعدها تحكم الشخص دا مناسب ولا لا

معجب بحد؟ وناوي تتجوز امتي

لا ناوي امتا دي ليها شقين ماديا انا عايز لما اروح بيت اروح بإمكانياتي اللي من تعبي مش امكانيات اهلي والشق التاني انا مش عايز جو الحق عشان السن انا عايز واحده اكون شايفها هي المناسبه لان بصراحه نص الناس مش ناضجه ولو مش هتضيفلي واضيفلها ف ليه نوجع دماغ بعض

السلام عليكم لو واحد داخل عالخمسين سنة بيحس بخدل واطراف صوابعه بتنمل جامد خصوصا قبل ماينام كده محتاج يروح لدكتور علاج طبيعي صح ؟

فيه شويه حاجات محتاج ت check عليها زي السكر والضغط وبعدها اه بنسبه كبيره هيحتاج علاج طبيعي

ممكن طريقة الإضاءة ولو ينفع تقولنا ديكور حلو يساعدني اذاكر ويغير من الاوضة

عاملها بحاجات اقتصاديه😂 لمبه من اللي بتتحكم ف الوانها ورينج لايت عاديه وهسيب لينك الشراء - ديكور الاوضه دي انت ودماغك ممكن بس محتاج تنضف الاوضه او تغير مكان المكتب متحطوش قدام حيطه او تجيب ستيكرز بتحبها دور عالحاجات الي بتحبها ولو عايزني اقترح عليك قولي انت بتحب ايه https://amzn.eu/d/8qTYpHl

اسم الكتاب اللي منزل فيه التويته جنب كوباية الشاي ؟ وياريت تعرفنا مين kate دي ؟😂

اسم الكتاب Neurological intervention for physical therapy 4th edition (Martin|kessler) انما kate دي الي بتشرح كورس تبع الجلطات وازاي تبدا من العيان من اول وهو قاعد لحد ما يقف https://sites.google.com/mq.edu.au/train-program/home