أحمد علي (@AAli_RN) • ONVO

اصل كل كلامك علي إن في حد فا ها في حد ولا ايه 😉

يعني لو كاتب كلام عن الكعبة أبقى عملت عمرة؟ 😂 لأ حضرتك أنا بكتب كتابات غزلية من زمان، ودي مقتطفات من كتابات قديمة ليا أو حاجات مألفها عادي لتويتس عاجباني :"

خطبت ولا لسه

لسه مش من النوع الي بيخبي :"

ايش هيا الدعوه الي دعيتها في قمت اليأس و استجابة؟

اللهم أخرجني من حولي وقوتي وتدبيري إلى حولك وقوتك وتدبيرك. لا إله إلا أنت سبحانك إني كنت من الظالمين. وبقول "يا رب" كتير، وهو العالم بما في الصدور :))

أرى انك انسان ومحترم جداً وأرجو أن تكونَ كما رأيت ذلك صادفني بالصدفه بوست موقف السيده التي تتبع نظام الطيبات بغض النظر عن الموقف نتحدث في تفاصيل ذلك لاحقا لكن رأيت أحدهم يعلق تعليقا لا يمس للنصيحه بصله فقط يسب ويأخذ ذنوب لو انه اتبع وصية رسولنا قل خيرا او اصمت لكان خيرا لنا جميعا لكن ردك كان في قمه الأدب رغم تجاوزه اكثر من مره اشكر لك ذلك فقد علمني شخصيا

شكراً لكلامك ولحسن ظنك، نرجو من الله أن يجعلنا كما يحب ويرضى وأن يغفر لنا ما لا يعلمه الناس.

https://www.facebook.com/share/v/181pmWiiR5/?mibextid=wwXIfr

🫡🫡

شكرا لتعبك وبذلك المجهود في إنك كلمت ناس تسألهم، وشكرا لردك الطويل، جزاك الله خيرا..

على الرحب والسعة، جزانا وإياكم

سؤالي عن الذنب وضميري وكدا لما قولت لو ممكن تستفتي لي حد كان عشان كدا تصريح الدفن وشهادة الوفاة بتاريخ مختلف خالص عن التاريخ ف حتى مع علم الأهل بدا ورضاهم كنت عاوزة فتوى هل هيبقى حرام عليا؟

هو الأساس طبعاً تغيير التواريخ والحاجات دي أوراق رسمية وقوانين وفيه ناس بتعملها عشان موضوع المواريث وخلافه حرام. بس طبعا الحكم مش مطلق كده في حالة زي دي لأن ده مجرد سهو عادي (مش وراءه شيء كده ولا. كده على حسب كلامهم). فلازم حد يكون قريب منك يعرف كل التفاصيل ويكون عارف الناس والكاتب والدنيا عندكم، لو شيخ أو مفتي في بلدك أنتي يكون أفضل.

مديرة الوقائي في الإدارة قالتلي خليه يوثقها هو كمان عشان يبقى شايلها كلها لو لا قدر الله حصل حاجة وإن شاء الله مش هيحصل لما بسألها بيقول غلطة الناس وكدا قالت قانونا اه وإنه هي لها كذا مخرج يعني المشكلة إنه لما هي طمنتني وكدا قالتلي كلميه يخلصها في أقرب وقت وادوا للناس الورق ع ميقعدوش يسألوا أكتر من كدا ف كلمته أول امبارح قولتله يخلصها لما يجي السبت يخلصها وإني إجازة السبت ومش رايحة ف كدا أكلمه تاني الصبح اقوله متسجلش حاجة باسمي؟ أنا مش همضي🥲🤦 ولا مادام هو هيسجل ويوثق ف خلاص

ما هو مفيش جديد عن الي قلته في اللينك. هو عادي وارد الحوار بمشي سلس خالص ومحدش يركز، وإن كان دي بتحصل كتير فعلاً. بس ليه أجازف أصلا.؟ وايه جابرني على كده؟ لو أنت عاوزة تمشي الدنيا خلاص براحتك هو شخصيتك متعاطفة بس شويتين تلاتة ومش عاوزة تاخدي أتتيود الشرير (وده مش شرير ولا حاجة دي مجرد حقوقك عادي وتأمين لنفسك). وبكل حال رأيي يا يتسجل بتاريخ قديم، يا يتعمل ساقط قيد، يا تخليهم هما يشيلوا الحوار وليلته كلها ويتحملوا مسئوليته. لو مش مقتنعة خلاص براحتك، بس اعرفي إنك لو هتسلكي المسار ده لازم حزم وشدة وأوقات ممكن يحصل شوية تصادم عادي، بس أنت القانون والحق عموما معاك فما يهمكيش حاجة. لو مفضلة السكة التانية براحتك بردو أنا قلتلك رأيي الكامل عموماً

مشكلة الصيدلي: لأ أنا بالفعل وقفت وقفة جامدة وبعتت مذكرة لإدارة التفتيش الصيدلي وناس جت الوحدة وبعد فترة أجبرته يقدم ع طلب نقل وراح وحدة تانية وقولت مشوفش وشه هنا طول ما أنا شغالة فعمل انتداب ولو حصل ورجع فأنا كدا كدا معايا صورة من المذكرة اللي رفعتها لإدارة التفتيش الصيدلي وهم عارفين عادي وساكتين🙂

طب خلاص فين المشكلة بقا؟ 😂 عموماً كويس موقفك لوحده هيديهم هنت عنك ويعملوا حساب للحاجات دي بعد كده

موقفي تجاه الصيدلي دا خد مني كتير قعدت شهر ونص يوميا في ضغط شديد من الناس ف الوحدة ومن حواليا وقولت معلش استحملي لله فيها أكل مال عام تحت اسمي وهكون بشارك في منكر كبير والموضوع وصل إنه ناس كل شوية بقت تكلم أهلي ع أتنازل خايفة يتكرر دا لو أنا رفضت التسجيل وللأسف خايفة أقف الوقفة الشديدة دي قصاد الراجل دا ومش قد الضغط دا تاني خصوصا داخلين ع فترة تخصص وأنا مضغوطة من غير حاجة شور عليا أعمل ايه.. ولو ممكن تستفتي لي حد بخصوص تاريخ الوفاة دا مع علم الأهل حرام عليا ولا لا؟ يبقى كتر خيرك

الحكاية مليانة تفاصيل الصراحة فحاولت أتكلم بشكل يربط كل الحاجات ببعضها قدر الإمكان. ده لينك فيه إجابتي كاملة: https://jpst.it/4YyVO ولو عاوزاني أحذفها أو أحذف اللينك براحتك. وبردو لو الموضوع أكبر مما اتقال كده فمفيش مشكلة لو بعتتي تلجرام أو dm وبإذن الله أساعد بما أستطيع

https://www.facebook.com/share/p/1QzmmGe82i/?mibextid=wwXIfr ربنا ينفع بيك

هذا بالنسبة لي مراد الطب وغايته والله، بارك الله فيهم :)) بس غريب عرفت منين؟ 🧐

ربنا يصلح حال البيوت ويرزقنا اللي بنرجوه يارب

يا رب آمين آمين

آمين يارب يارب معاك تماما أنا بشوف دا حواليا في كذا بيت بس أنا مش هحب بيتي يكون كدا خالص بالعكس تماما هحب إنه نستناه أنا والعيال ونقضي وقت مثمر سوا يعني أنا بشوف بعيني بيوت لما الأب يحضر فيها للأسف كإنه الأمان انتزع اللي هو يلهوي للدرجادي فيه خلل في العلاقة سواء علاقة الأب بالأم أو علاقته بعياله عشان دخوله عليهم كإنه مصدر تهديد! ومش مرتاحين وخايفين شيء مؤسف وحزين بجد.. وشغل حد واحد منهم على العلاقة دي مش هيكفي وهيكون كإنه بينحت في صخر، لازم يكون فيه محاولة من الطرفين ما دام اتضح إنه فيه مشك

حاجة تخوف والله ربنا يعافينا ويجعلنا خير ونس وخير سكن

https://t.me/Alaawagih1/7474

برأيي حتى تداوله في صورة كوميكس وهزار فهو نتاج خطأ من أحد الطرفين (أو كلاهما بالأغلب) معبر عن خلل ما في علاقتهم دي. فبتلاقي (لتسكنوا إليها) مش متحققة كما هو مفروض، ده ممكن بسبب طرف منهم: لو الزوجة طباعها مش كويسة/نكدية/لسانها سيء..إلخ. ولو الزوج عصبي/طبعه وحش/بيدقق على كل حاجة..إلخ. أو بردو الظروف لو المعيشة صعبة والحال متعسر، فمهرب كل واحد منهم "لوحده" اختفى. أو هم الاتنين كويسين بس مش متفاهمين ببساطة ومفيش بينهم الحميمية المذكورة في اللينك كده. أنا لو عليا ما أسافرش/أسيب البيت/أمشي وأبعد عن صحبة وونس أحبابي خالص طول الوقت، ما بالك زوجتي وأولادي. وهي نفس الكلام مفروض تحب وتتمنى كده. فكون ده مش الطبيعي (حتى لو عشان هو متعود على كده مش إن فيه بينهم مشاكل) فده بردو خلل ما وجب علاجه ومداواته. الزواج نعمة عظيمة وشيء مقدس للأسف ناس كتير لا يعلمون قدره. ربنا يرزق الجميع الونس والسكن والمودة والوعي الكامل بقدر هذه النعمة.

https://www.facebook.com/share/v/18QoBvttHL/?mibextid=wwXIfr

يا أخي يخلوك تبغي وأنت تبغي 🥲 ربنا يرزقنا جميعاً يا رب ❤️

اه طبعا اوووماال

أمال هيكون ايه غير كده؟ 😪

هو ايه حوار الليمون اللي الرجالة بتفتح التلاجة تطلعه دا وهم في العادي مش بيقتحوها غير وهم لما يبقوا فاضيين خالص مش لاقيين حاجة يعملوها يقوموا يفتحوا التلاجة ويعلقوا عاللي جواها🙂

كتير خيرنا إننا بناخد بالنا من التفاصيل وحريصين على نظافة وسلامة كل ما في التلاجة 😏

صوتوا يمكن حد يلحقنا😂🌚🌚

😂🚶🚶

https://www.facebook.com/share/v/18TZ4VFELp/?mibextid=wwXIfr

https://www.instagram.com/reel/DWb1VpEjEOU/?igsh=b245bW50dDloOGpz

شكرررنن😂 كللل يوووم ايه الافترا دا اللهم لا حسد رفاهية مش عندي الحمدلله🙂

والله ولا أنا 😂 بس هما معظمهم شغلهم بيخلص الصبح ومعظمهم مش متجوزين بردو ففيه إمكانية شوية لحاجة زي دي. كلها فترة وهتبقى كل فين وفين 🥲