الآء ( عبث) 🇵🇸 (@Al) • ONVO

User suspended due to spam

جزاكي الله كل خير ع التذكير يا حبيبي يارب 😘💗💗💗

User suspended due to spam

جزاكي الله كل خير يارب 💗💗💗

أولًا الف مبروك لحفظك سور القران نفع الله بك وثبتك باذن الله ممكن اعرف بتحفظي مع مين لو اونلاين ؟ وشكرًا

الله يبارك فيك/ي، يارب آمين 💗 هو أنا مكنتش بحفظ أون لاين بصراحة أنا كنت بحفظ ف المسجد عادي بس أنا معايا لينك لحلقات أون لاين للبنات بس لو أنتِ بنت ابعتيلي dm وأنا هبعتلك لينك الجروب

كل سنة وانتي بخير

وأنتَ طيب وبخير يا أنون 💗

كل سنة وانتي طيبة ❤️

وأنتَ طيب يا أنون 💗

طب ما تيجي نحقق الدعوة

لاء أنا بدعي بس يا أنون إنما أنا ف الحقيقة بكره الرجالة وبقي عندي عقدة منهم، حظ أوفر المرة القادمة ✋🏻

... لا اله الا الله أنا بحسبك هتتخرجي السنادي!!! حاولت ابعتلك بس انتي قافلة الdm

ياريت والله كنت أتمني 😭😭😭😭

هو ايه العك دا سنة تالتة ازاي انا مش فاهم حاجة

هو ايه اللي مش مفهوم طيب؟ 😭😭 أنا بقول أنا نجحت بتقدير امتياز فين اللغبطة؟ لو فاهم إني ف سنة الامتياز ف لاء

مبروك التخرج، رقم الوالد بقا عشان عايز اتجوزك

الله يبارك فيك والله بس تخرج ايه؟ أنتَ فاهم غلط خاالص أنا ف سنة تالتة، افتكر ملوش لزوم رقم الوالد بقي

عاوزه اخد رايك ف حاجه أنا اتعرفت ع حد من اربع شهور كدا هو ك اللي شيفاه واللي بيعمله تقولي انو واقع بس الفتره دي ف كذا حاجه م حساها زي انو بيقولي مافيش شغل بعد الكليه ..لبسي عادي شعري م بيبان اوي ف قالي شعرك اداريه وعاوزك تلبسي دريسات صورك متنزلهاش كذا مره قالي انو نسي ملامحي هو شافني صدفه ف الجامعه وكنا ف بعض ف جروب وكدا وبعدها لو شوفنا بعض نشوف بعض صدف بس ف قالي اتصور كتير وانزل لما رفضت اني ابعتله ف قالي نزلي استوري عادي وانا نسيت ملامحك وهو كان كلم مامته قالي ع الأقل لما اكلم ماما تاني وتقولي وريهالي يكون معايا صوره ليكي وشايف انو عادي ف م عارفه الشخصيه اللي قدامي دي كويسه ولا ايه هو بينزل قران وبيصلي

أنا فيه كلام عيب كتيير عايزة أقوله هو أولًا لازم تعرفي إنه كان غلط من الأول إنه يحصل بينكوا كلام ثانيًا اللي هو بيقوله ده كلام واحد من تلات حروف أصل يعني ايه عشان أوري صورتك لماما ده زي ماما تعبانة كده وتعالي زوريها؟ صدقيني باين إنه الشخص ده مش كويس ونيته مش تمام من ناحيتك وشوية شوية هتلاقيه بيطلب منك حاجة تانية كونه بيصلي أو بينزل قرآن ده ميدلش على أي حاجة المفروض الصلاة دي شئ طبيعي كلنا لازم نأديها إنما هو شكله مش بيعمل بصلاته أصلًا ف نصيحة بجد ابعدي عنه عشان اللي هيجيلك من وراه هيخليكي تندمي سنين قدام بجد، ولو هو عايزاك فعلًا يستني أما يخلص ويجي يتقدم إنما شغل النط من الشباك ده مش بتاعك، أنتِ أغلي من كده

😂ضحكتيني

دمي خفيف مش كده؟

أنت الخسرانة على فكره

محدش بيأخد كل حاجة

ممكن نبقى صحاب!!

لو بنت ف أنتِ بتسألي بجد؟ تعالي dm علطول 😘💗💗💗 لو ولد ف ورينا عرض أكتافك 🤨🤨🤨

يا رب تلاقي قصب حلو ومسكر وساقع لو كنت جمبي كنت عزمتك عند أحلى محل في الحياة بيعمل قصب يا رب تدخلي الجنة وتشربي وتاكلي أحلى حاجة هناك

يا حبيبي تسلميلي والله انبسطت أوييي بدعوتك والله يارب والله يارب ولكي بالمثل 😭😭😭😭💗💗💗💗💗💗💗

يا قلق فاكرة لما بعت لك من فترة، فترة طويلة الحقيقة عن الولد اللي عمل لي فولو ومحتواه شبه إباحي وأنه مش مريح وقلقانة من وجوده عندي كنت بأبدأ أبانيك أصلًا، ولما قريت كلامك هديت بس للأمانة ما قدرتش أمسحه برده بالذات لما قلبت في الأكونت ولقيته متكلم وحش عن بنت شالته فخفت من البني آدم ده أكتر الحقيقة والحمد لله ربنا أنقذني وهو اللي شال نفسه بنفسه وأنا بقيت مرتاحة وزي الفل وحياتي بقت حلوة وبأشرب قصب وباكل هوهوز وبأمتحن دلوقتي ادعي أنجح صافي

فاكراكي يا روحي، والله كويس إنها جت من عنده بلا قرف ريح واستريح 😂 يارب تجيبي امتياز مش تنجحي صافي بس ☝🏻 "أنا كمان عايزة قصب 😞"

اهلا يطلع لكم اليوزرات هنا؟

بمعني؟ لو قصدك اليوزر الريل ف لاء إنما بيكون فيه يوزر مجهول كده

ممكن تقبلى الاد علفكره فهمتى البوست غلط ومش بغلط ف اسم الاكونت بجد انا كدا كدا بسمى الاكونت اسماء كدا بردو بس تعليقى كان العصير مع حاجه تانيه وكل مقصدى كان كدا وعمرى مقللت ذوق مع حد والله الحمدلله اتقبلى أسفى

حصل خير يا روحي ❤️

يا بنت الحلاااااال

خير يارب 😖

يا عبث أنا محتارة في ولد عمل لي فولو لسه عامله إمبارح بالظبط وأنا قبلته ورديت الفولو عادي بعدها لقيته بينزل محتوى مش إباحي صريح بس بينزل يقول أنه بيحب أجزاء معينة من الجسم أو في أنه في حالة معينة لما قبلت الفولو قلبت في الأكونت كان عادي، أنا الحوار ده قلقني هو ما عمليش حاجة ومش عاوزة أرميه بالباطل بس عارفة لما يجي لك شعور أنه فلان ده مش مريح ولو سيبتيه هتحصل حاجة مش مريحة أنا عاوزة أمسحه بس خايفة يكون شكلي غريب وبيننا ناس مشتركة كمان فحاسة مهما هربت هأخبط فيه ممكن في اسبيس مثلًا هو عرفني في اسبيس آسفة عشان بعت لك حاجة زي دي بس أنا متوترة ومش عارفة أعمل إيه

آسفة بجد إني اتاخرت عليكي، بصي أنا مش هقولك اعملي انفولو اعمليله بلوك يا روحي مفيش حد ليه حاجة عندك، اكونتك وأنتِ اللي تقرري تعملي لمين فولو وبعدين طالما مش مرتاحة خلاص مش محتاجة كلام، أصل عليكي ب ايه وجع الدماغ ده؟ وبعدين متديش حد أكبر من حجمه ف مجتمع تويتر هو مجرد اكونت ف متقلقيش نفسك ولا تخافي ولا أي حاجة، ومش محتاجة أسف يا روحي والله ولو احتاجتيني ف أي وقت أنا موجودة

بحب بنت مووت بقالي سنتين متكلمتش معاها و لا مره ،، عملتلها ادد من حوالي سنه و عملتلي بلوك بعدها بدقيقتين حاولت ابطل احبها بعدها بس حبيتها اكتر

والله مش بحاول استخف بمشاعرك بأي شكل وفاهمة إنه مشاعرنا أوقات مش بنعرف نتحكم فيها بس دي واحده عملتلك بلوك بعد دقيقتين مستني ايه اللي يحصل بعد كده؟