Basmola 𓂆 🇵🇸 (@Basmola_Ahmed5) • ONVO

What are your interests and hobbies?

Reading - crochet - embroidery - chess (currently learning) - studying astronomy - watching documentaries - graphic design

will my dreams come true? nfsy 2gy el sana elgaya w 2ol my dreams become true

أتمنى بعد ست شهور من الماسدج دي إنك تكون حققت حلمك يا أنون

مبسوطه في الكليه؟

أعتقد بعد سنة كاملة في الكلية بقيت قادرة أرد عالسؤال دة بشكل كامل، لو هنتكلم من الناحية الاجتماعية ف زمايلي لذاذ و كل حاجة بس أنا لسة متخطتش ستيم و دة لحد الآن مسببلي أزمة نفسية لأن غصب عني بقارن بين مستوايا العلمي دلوقتي و ساعتها و بقارن بين صحابي و العيال اللي معايا و هكذا و طبعا كفة الكلية على طول خسرانة. بالنسبة للناحية الأكاديمية ف الكلية صعبة حقيقي و بتضغط الواحد جدا بس ستيل التعليم فيها كويس و نظام الcredit hours دة لذيذ، دة غير إن لو أنت داخل الكلية لشخصها فعلا مش مجرد للمجموع و خلاص و عندك شغف فعلا تجاه الحاجة اللي بتدرسها ف دي حاجة هتبقى مساعداك و مدياك طاقة. سوري عالتأخير في الرد مكنتش بفتح كيريوس كات

ادينا نصابح لعلمي رياضه يا هندسه

سوري مكنتش بفتح كيريوس كات 😭

هو ازاي في تخصص من اعدادي؟

أنا داخلة تبع المنحة بتاعت كريديت عين شمس فالتخصص بيبقى من أول سنة + الكلية بقت أربع سنين أصلا

جالك ايه

هندسة عين شمس

ازيك

الحمدلله في زحام من النعم

بحب الجملة دى اوى

tips for 3lmy reyada ta7didn pls 3shan 7rfyn kol 2ly by2olo nasaye7 byb2o 3lmy 3lom. recommend teachers, channels, websites anything

لو ستيم ف عيوني حاضر هنزل ثريد عن الموضوع دة قريب 🥰

ايه اكتر حاجه اقدر اعملها تساعدني ف تالته انا حاليا ف تانيه و كمان كنت عايزا اسأل المفروض الاسبوع ف تالته يعدي وانا مخلصا ايه عشان متزنقش و لو ينفع تريكومند مدرسين ناخد معاهم

انت لسة رايح/ة تانية أصلا؟ و لا رايح تالتة؟

انتي حولتي من ستيم ف تالته ؟ لو اه ممكن تقوليلنا تجربتك بعد التحويل 🥲؟

لا محولتش

ادينا تريكات مذاكرة يفنانه

الحقيقة أنا مش أحسن حد يدي نصايح في الموضوع دة بس هقول كل اللي أعرفه و معظم الأحيان بعمله ، غالبا هتبقى حاجات بديهية بس يمكن تفيد حد. ١- حسن علاقتك بربنا ، مثلا حاول تخصص كل يوم ركعتين قيام ليل و بعدها صفحتين قرآن مش هياخدوا عشر دقايق و بجد بتفرق جامد في بركة المذاكرة و اليوم ، و يفضل تخليها عادة عندك في الحياة عموماً. ٢- علاقتك بأهلك و أخواتك من أهم الحاجات اللي لازم تحافظ عليها عشان تقدر توفر لنفسك جو صحي و هادي في البيت بدون عصبية و ما إلى ذلك. ٣- اختيارك لصحابك مهم أوي أوي ، ابعد عن الناس السلبية اللي بتصيح بلا هدف و قرب من الناس الشاطرة الذكية اللي تشدك لقدام و تشجعوا بعض على كل ما هو مفيد مش بس المذاكرة ، بجد أنا من غير صحابي مكنتش هقدر أعدي حاجات كتير أوي. ٤- جداول المذاكرة و الto do lists قد تبان إنها حاجة مثالية أوي و ملهاش لازمة و بتاع بس لا بجد بتفرق جامد ، بتبقى منظم دماغك هتعمل ايه النهاردة و كل مادة أنت مخلص منها ايه و فاضلك فيها ايه و اللي فاضل دة هيتذاكر من أنهو سورسز ف الموضوع بيبقى منظم ، أهم حاجة تخليك عارق إن مش شرط تخلص الlist كلها و مع الوقت هتتعود ازاي تحط تاسكات مناسبة لليوم و حاجات مش خزعبلية. ٥- التلخيص مهم أوي أوي ، إنك تكتب أنت فهمت ايه من الكونسبت الفلاني أو الشابتر مثلا دة بيسهل عليك المراجعة بعدين لأنك ملخص فهمك بطريقتك ، مش مهم الملخص يبقى منظم و لا ملون ، حتى لو هتلخص بالعامية و تكتب المصطلحات بالإنجليش برضو جميل ، طبعا الموضوع دة بيختلف من شخص للتاني بس جرب مش هتخسر حاجة. ٦- مهم تعرف إن لكل واحد طريقة للمذاكرة مختلفة عن التاني ، في حد بيحب يلخص في شكل mind maps و حد بيحب يسجل فهمه لكونسبت ما صوتيا و يرجع يسمعه في المواصلات مثلا ، حد تاني بيحفظ بكتر الكتابة و حد تاني بكتر التسميع ، طب ازاي أعرف أنا ايه أحسن طريقة بالنسبالي؟ الموضوع بييجي بالممارسة و تجربة الطرق المختلفة لحد ما توصل لأحسن حاجة. ٧- صحتك مهمة أوي و مفيش حاجة تعوضها ، متخليش المذاكرة تيجي عليها عشان الحوار هيأثر بالسلب بعدين ، كُل كويس و كتر من الحاجات المغذية اللي مليانة أوميجا ثري عشان تساعد عالتركيز ، خلي جنبك و أنت بتذاكر دايما ازازة مية عشان متبقاش حجة تقوم كل شوية و عشان متنساش تشرب ، اقعد على مكتب و كرسي مريح و بلاش مذاكرة السرير أو قعدة الجمبري 😂 اقفل باب أوضتك عشان محدش يخش عليك كل شوية يعطلك. ٨- النوم ثم النوم ثم النوم، أول حاجة كلنا بنعملنا لما نتنزق في المذاكرة إننا نيجي على نومنا بس دة غلط بجد ، النوم الكافي بيخليك رايق و مودك حلو و قادر تركز و تثبت المعلومة بشكل أحسن. ٩- وقت الفجر دة فرصة ذهبية للإنجاز ، الدنيا بتبقى هادية و الناس نايمة و إنتاجيتك بتزيد أوي بجد ، استغل الفترة دي كويس و ذاكر فيها أصعب حاجة في اليوم أو أكتر حاجة بتستنزفك ذهنيا. ١٠- قد تبان حاجة تافهة بس بجد كانت بتفرق معايا ، الستيكي نوتس و الأقلام الملونة و الهايلايترز و الحاجات دي كنت بحبها أوي و كنت بستنى وقت المذاكرة أحيانا عشان بس أستخدمهم 😂 ف مفيش مانع تبسط نفسك بقلم عليه أناناسة 😂❤️ ١١- الrewarding system كان حاجة لطيفة برضو و كان بيشتغل معايا أحيانا ، كنت بقول لو خلصت النهاردة الto do list أو معظمها هدي لنفسي جايزة آخر اليوم بإني أعمل حاجة بحبها سواء حلقة مسلسل أو رواية أو جيم سودوكو ، مش معنى إنها فترة مذاكرة إنك تمنع نفسك عن الحاجة اللي بتحبها المهم إنك تعملها حدود.

ايه مواصفات فتى أحلامك او جوزك المستقبلي؟

محتوايا حاليا هو مواصفات جامعتي المستقبلية للأسف

ازيك يا بسمولة

الحمدلله في زحام من النعم يا أنون

منين

عاملة فيها من بنها

كام سنة

منين في بنها يا بسملة🙊

ليه هتيجي تزورني و لا ايه يا أنون

ياريت بجد عايزه انزل عندكم بنها 🥺 😂 + انا اللي بعت الكيو 🙊

أنا مستغرب ان طلع في حد تاني في ستيم من بنها انا معرفوش. حرفيا الفرق بيني وبنها الكوبري😂

بنها مليانة استيمرز بس مستخبيين 😂 تشرفنا و الله يا أنون

بجد انتي تقريبا كدة 5 او 6 حد اعرف انو من بنها

يا رب بسمولة تجيب محموع حلو💙

شكراً ربنا يخليكي و انتي كمان بإذن الله 🥺💖💖💖

بتدرسى اى

لسة طالبة في تالتة ثانوي ستيم شرقية

مذهل بجد

شكرا ربنا يخليك / يخليكي💖💖

انا ثانوي عام لغات عاوز اعرف بتاخدوا اي ف ٣ ستيم والمواد اي وهو نفس المنهج عندنا؟

بالنسبة لعلمي علوم بياخدوا biology, geology و علمي رياضة بياخدوا math, mechanics و الchemistry و الphysics مشتركين بينا احنا الاتنين ، زي ثانوي عام عادي بس احنا كنا بناخد جيولوجي و ميكانيكس من و احنا في أولى دة الفرق بس. بالنسبة للمنهج ف لا مش بيبقى نفسه ، قد يكون في بعض الحاجات المشتركة بينا و بين ثانوي عام بس معظم الوقت بيبقى عندنا حاجات زيادة.