معرفش انت هتعتبر كلامي دا ايه بس هقوله و خلاص انا شخص بحب الموسيقي بالذات جدا و بحب الغني و كان حلمي اني انمي الموهبة دي و اتعلم اعزف آلات كتير و لكن اما كبرت بحثت و اتأكدت ان كل دا حرام، فكنت حابة اقولك ان انت كمان تدور و تبحث عشان تكون مقتنع فعلا انها حرام، الموضوع هيكون صعب جدا و عارفة اوي احساس ترك حاجة بتحبها بس كله يهون عشان هدفنا الأكبر الجنة، ربنا يهدينا جميعا I hope you have a nice day:)
متأسف عالتأخير لكن مكنت عارف افتح اونڤو، ممتن لك على النصيحة، بحاول اكون دايما في تحسن، ربنا يهديني و يهدينا كلنا
مش فاهم هي شتيمة ولا لا، بس شكرا 😔
مش فاهمها تماما، لكن شايف واحد بيصطاد نجوم من السما، و اتنين جنبه بيرقصوا حوالين نار، -النار مش موجودة لكن انا متخيلها ك تكملة للرسمة-
بخصوص تعلم عزف الجيتار ،بجد ده حلمي من وأنا صغيرة بس مجاتش فرصة ، حاليا في فرصة اني اشتريه بس الفكرة اني بشتغل و بصرف على نفسي (مش موضوعنا متقلقش معايا فلوسه و زيادة بس بوضح اني السيولة معايا مش اجمد حاجة)، عندي مشكلة في التركيز مع اكتر من جزء في جسمي في نفس الوقت فخايفة مكونش اشطر حاجة فيه ، هل اشتريه و اجرب و لا اخد دروس مثلا الاول ولا افكس لان دي اشارة واضحة ان الجيتار مش ليا؟
الأمر له كذا جانب ف هجاوب كل واحد لوحده و القرار لك، الجيتار هو أسهل حاجة تتعلمها لو ادتها وقتها، في الأول هيكون رخم بعد كدا هيكون سهل و بدون تركيز منك اوي كsecond nature زي المشي كدا، مش محتاج دروس لأنهم مش مفيدين تماما، كفاية فيديوهات اليوتيوب و تتعلم اللي على ذوقك الشخصي، لو دي دي حاجة لها تشخيص ف معرفش هيأثر بشكل جامد أو لا، لكن حتى انا كان بيواجهني الصعوبة دي و الوقت بس بيتحسن، موضوع الفلوس، لو ظروفك تسمح بانك تجيبي حاجة تعتبر رفاهية هاتي، لو لو متاح هاتي، الجيتار كدا كدا له رينچ كبير من الأسعار و في حاجات مش غالية خالص
هموت انا كنت فكراه نواه
كان نفسي انا كمان يكون نوح، لأن مش بحب اسمي الصراحة، مع ذلك مش بحب حد يندهني بغيره لأن بشوف إن دي علامة احترام مش لقب أو إسم عيلة او أب أو دلع
اسمك نوح؟
لا لا، مجرد إسم بحبه
رقيقة خالص و لطيفة خالص، و مرسومة حلو ما شاء الله، الرسم ب تابلت؟ +متأسف جدا مخدتش بالي منها الأول
تسلم والله💗 الرسم بتابلت ايوة منتبهتش انها صغيرة اوي غير لما خلصتها😭
جميل خالص، الرسم هنا صعب محتاج تابلت عشان الواحد يعرف يعمل حاجة منظمة على الاقل 😔
ده حقيقي فعلا انا يعتبر قعدة اشخبط
صباحو بقا
لو عايز اشتغل و أنا لسه طالب اعمل إيه أنا حتي مش عارف المفروض اكون متعلم ايه عشان اشتغل بيه فاهمني
مش هعرف أفيدك أوي لأن أنا مشتغلتش و انا طالب، لكن هي ليها عوامل كتير زي انت كليتك هتحتاج شهادة للشغل ولا لا، مهاراتك، اللي انت حابب تشتغله، و حتى ممكن الموضوع يحتاج فقط علاقة تزقك في الشغل
نفسي احكم العالم
مين قال إن اللي بيحكموا العالم هم اللي بيحكموا العالم فعلا، لو معاك موبايل ب كاميرا أبدا مشوارك في انك تحكم
Start receiving messages from friends
