منذر الأحمد ☤‏ Munthir Alahmed (@Munthir) • ONVO

دكتور هل برايك خطوه سديده ان اقدم ER بالرياض وبعد البورد انتقل واستقل بالشرقيه؟ بمعنى هل يضيف لي اي امتيازات اذا اخذت بورد بالرياض بحكم مستشفياتهم ؟

ماراح يضيف لك شي كبير الا لو تبي تقدم الفيلوشيب في الرياض المستشفى بيكونوا عارفينك لو انت من برا الرياض، تقدر تعوض هذا الشي بروتيشنات بالرياض اما بخصوص الرزدنسي مافيه فرق كبير بصراحة يعني فيه ناس ينقبلون فيلوشيب في مستشفيات الرياض، وهم مخلصين بورد من مختلف مناطق المملكة نصيحتي خلك قريب من اهلك احسن، لان مافيه فرق كبير مستقبلاً الرياض اجاراتها اغلى، وزحمة ، انت في غنى عنها

دكتور من ناحية الدخل بالخاص ايش احسن تخصصات غير جراحية

ما اعرف عن باقي التخصصات كثير بس بالنسبة لتخصصات الباطنة عندك الكارديو، قاسترو، نفرو لو كملتي تخصص فيه Dialysis مثلاً هذي تخصصات مدخولها ممتاز

ايش المعايير اللي تخليني اختار تخصص عن غيره ؟ هل اهتمامي لعلمة يكفي؟

حبك للتخصص، اهتمامك لعلمه ، او انك تستمتع لما تذاكره، هو احد المعايبر، وقد يكون بداية حبك للتخصص بسببه ولكن فيه نقاط اخرى مهمة: - طبيعة العمل: عيادات، راوند، اونكولات، عمليات او مثلاً اشعة طبيعته مختلفة او باثولوجي - نوع المرضى: اطفال، بالغين ، كبار سن - التواصل والاحتكاك بالمرضى: فيه تخصصات ماتحتك بالمرضى، اشعة وباثولوجي فيه تخصصات احتكاك اقل مثل العناية المركزة فيه تخصصات احتكاكها بالمرضى عالي وهي كثيرة - المدخول المادي مستقبلاً: - الفرص الوظيفية في القطاع الخاص، لو تبي تجمع بين الحكومي والخاص - اللايف ستايل

هل اختياري لبورد الاشعة مع انه عندي معدل عالي يعتبر قرار خطأ؟

ماله علاقة المعدل برغبتك، ولكن قولي الحمدلله انه عالي وتصيري في بر الامان صحيح المعدل بيعطيك فرصة في المنافسة والقبول على تخصصات تنافسية اعلى، ولكن ليه اقدم عليها لو انا ماعندي اي رغبة لها

دكتور انا رزدنت باطنة وابي اسوي فيلوشب على icu شرايك دكتور ؟

والله ممتاز جدًا، الـ ICU بعد الباطنة من التخصصات القوية وعليه احتياج كبير بالسعودية هالفترة. بس أهم شي قيسها على نفسك، طبيعة الحالات متنوعة وكونها حالات حرجة، ونظام الدوام شفتات. وفيه شغل procedures كثير، مثل الـ central line والـ arterial line، وتتعامل مع الـ sedation والـ ventilation الـ ventilator settings تتعامل معها بشكل يومي تقريبًا. ايضاً التواصل اقل مع المريض ( اغلبهم Sedated) او حالتهم حرجة والتواصل معهم قليل او مايتكلمون معك اصلاً اذا ماتحب الاحتكاك الكثير مع المرضى، تحب الProcedures ، والتعامل مع الحالات الحرجة، فهو تخصص ممتاز

ماقدمت على البورد هذي سنه واحس ندمت هل في سكند ماتش اقدر اقدم عليه ولا لا ؟

التقديم على البورد قفل للسنة هذي السكند ماتش يكون للمتقدمين اللي ماجاهم قبول مايفتح من جديد الا لتقديم السنة القادمة

هل قد قابلت في برنامج البورد السعودي اجنبي امه مو سعوديه وانقبل لانه انا جالس اسمع انه مسموح بس نجي للواقع ماقد شفت احد

سمعت ان فيه ناس انقبلوا، ولكن بدون راتب افيدونا 🙏🏻💐

ايش الفرق بين الرفرنس والريكومنديشن

تكلمت عنها هنا 👇

كيف تقول مطلوب منك شيء واحد، وتعدد ٣ اشياء ؟

مؤسس الاستقعاد 🤣

السلام عليكم ممكن اسأل سمعت ان السعوديين مايقدرون ياخذون البورد الامريكي بالجراحة بشكل عام سواء جراحة عظام او مخ واعصاب او غيره البرامج مقتصرة على طب الباطنة او الاطفال او التخدير وغيرهم من التخصصات هل هالشي صح؟

على حد علمي ان المنافسة في التخصصات الجراحية صعبه، واصعب بكثير من باقي التخصصات. ولكن هل ينقبلون هناك ولا مستحيل هذا الشيء، م اعرف بصراحة ممكن المتابعين يفيدونا

في مستشفى شرق جده ابغى اعرف كيف اقدم وكيف طريقك التواصل معهم لانه ما حصلت لهم آلية تقديم مثل باقي التخصصات Summer training بقدم

افيدونا🙏🏻

محتاره بين الاطفال والباطنة واحب الاثنين والسنه القادمة بإذن الله بتكون امتياز بس ما عندي اساس كويس في التخصصين فنصايحك

في سنة الامتياز بتضطري انك تراجعين كل اللي درستيه ، استعداداً لاختبار الهيئة، المعلومات بتصير حاضره، والعلم يجي مع الوقت. عشان اطمنك، في سنة الامتياز ماحد متوقع او يطلب منك انك تكوني ملمه بالتخصص، مطلوب منك شيء واحد الالتزام بالحضور، والاهتمام بالتعلم، بالمرضى. بيني انك عندك الرغبة وحابه التخصص، هذا اللي يخليك تثبتين نفسك، مو كمية المعلومات. المعلومات لوحدها لاتكفي، ممكن واحد يكون كنز معلومات، مدرك التخصص، بس اسلوبه سيء ومايهتم بالحضور ، ماحد يبيه

طيب وفي المقابلات نفسها تفرق كثير؟

مابي اكذب عليك واقول لك مافيه فرق بين المتقدم اللي عنده ابحاث واللي ماعنده، اكيد يفرق، خصوصاً في المستشفيات الكبيرة والمدن الطبية مثل التخصصي، الحرس، وغيره. يبقى عندك فرصة انك تنقبل، ولكن فرصتك اعلى لو عندك ابحاث. حتى ابحاثك اللي تشتغل عليها وتنتظر رد المجلات اذكرها في الCV

السلام عليكم دكتور وش رأيك بتخصص جراحة القلب مره عاجبني وهو من اسباب دخولي لكلية الطب ولكن كثير من الدكاترة يقولون خلاص اكتفو منه وصار الانترفنشنال يشتغل بكثير من الامور الي كانو يسوون لها فهل تنصحني اغامر ب٧ سنوات رزدنسي او انه افكر بتخصص اخر مثل الجراحة العامة

فيه بعض العمليات صحيح يتم اجرائها عن طريق القسطرة في تخصص الانترفنشن كارديو ، ولكن فيه عمليات كثيرة لازم تتم عن طريق جراحة القلب، فهو اخصص لاغنى عنه. تخصص ممتاز، والدخول فيه قرار ناجح وليس مغامرة كمستقبل ومدخول مادي، اما بخصوص لايف ستايل لو يهمك، الافضل تسأل ناس في هذا المجال، ولا تسأل احد غير مختص فيه لان بتسمع التهاويل

السلام عليكم دكتور، ايش أهمية الأبحاث في قبول البورد خاصة إذا كان تخصص مو تنافسي (باطنة/ نيورو) لاني مقبل على الامتياز وللأسف ما عندي بحث منشور إلى الآن، فيه بحثين معلقين في مجلتين وننتظر ردهم

الابحاث عليها 5 نقاط في الموزونة ف راح تفرق معك كثير في المنافسة والترشيح للمقابلات في أي تخصص ناوي تقدم عليه

السلام عليكم دكتور، أنا طالبة مقبلة على الامتياز و للأن CVمحتارة بين الباطنة و طب الأعصاب، و حاليًا أحاول أبني يخدمني في الاثنين و عندي بحثين باطنة و ١ نيرو بس دايم ما ألقى نفسي اعطي الأولوية للباطنة، و من ناحية كثير من الزميلات يخوفوني من الضغط من ناحية الباطنة مع إني أحاول ما أعتمد على تجارب غيري وأشوف الموضوع يعتمد على الشخص نفسه. أتمنى تفيدني برأيك

ممتاز جداً، انك تجهزي الCV للاثنين، بشكل عام في مبالغات على الضغط وحياة طبيب الباطنة، وزادت اكثر مؤخراً بسبب وسائل التواصل الاجتماعي، بالنسبة للباطنة في فترة الرزدنسي صحيح فيه ضغط مقارنة بباقي التخصصات الاخرى ( وهذا مايعني ان التخصصات الباقي راحة، من ضمنها طب الاعصاب، الضغط يتفاوت نسبياً )، ولكن تذكري أن حياتك الوظيفية مو كلها رزدنسي، هي فترة مؤقتة. ف الضغط والاونكولات بتخف عليك كل ماتقدمتي في السنوات. الاونكول لما تكوني جونيور رزدنت مو نفسي لما تصيري سينيور، ولما تصيري اخصائية/ رجسترار مو نفس لما كنتي رزدنت والاستشاري كذلك، الاستشاري ياخذ الاونكولات من البيت ، لو احتاجوه الرزدنت أو الرجسترار بيتصلون عليه ، ياخذون رايه في الخطة العلاجية للمريض. المسؤولية تكبر مع الوقت بس الضغط والشغل يخف عليك مع الوقت ، خصوصاً الاونكولات وشغل الورق والكتابة وهالاشياء.

ايش رايك بالتدريب قبل سنوات الكلينكل؟

بتستفيد اكثر لو كان في سنوات الكلينكل، خصوصاً لو نزلت تريب في تخصص انت درسته، ولكن ممكن بعد سنة 3 كذا، تقدر تستفيد تتعلم تاخذ التاريخ المرضي ، وبعض مهارات الفحص السريري لو مر عليك مرض جديد انت مادرسته، تروح تقرا عنه،

دكتور ابي ادخل فرص بحثية تخص الطوارئ 🙏🏻

بنزلها في تويتر

كيف اقدم على عضوية في جمعية سعودية ؟ هل لها طريقة معينة؟ ابغى احطها في السيفي قبل المقابلات

تواصلي مع الجمعية ، ويقولون لك طريقة التقديم

لو سمحت ابي اعرف السبب ليه الكثير يقول لحد يحط الsteps بالسيفي؟ انا اشوفها شيء ايجابي يعني

في المقابلات ممكن ياخذون انطباع انك ممكن تسحب عليهم في نص البروقرام ماتكمل، وتروح امريكا