﮼عمر،علي🇵🇸 (@OmarASalah4) • ONVO

شكرا لحضرتك ،يا دكتور

العفو في اي وقت

فى قطة شارع بحطلها اكل واتعلقت بيا وانا كمان عاوزة أحدها البيت ايه تطعيمات مفروض تاخدها عشان تبقى امان وازاى اعودها تبقى نضيفة

وديها العيادة اللي في الشارع اللي في وش مسجد الزهراء لو انت من سوهاج او اي عيادة بيطرية تعرفيها هيدولها كل التطعيمات اللي محتاجاها وهيطمنوكي عليها وهينضفوها بتكلفة مش كبيرة باذن الله ربنا يكرمك على اهتمامك

موجوذ في الشرق الاوسط؟

هتلاقيه ان شاء الله

ببدأ مذاكرتها منين

كتاب اسمه notes & notes تبدا في الشابتر اللي يعجبك واسمع اي حد تحبه على اليوتيوب

السلام عليكم يا دكتور لو حد في الامتياز وعايز يبدأ يذاكر طب نضيف من الاول خالص ايه الكتب او الشرح الي يساعدوه مبدأيا على دا يعني هل مثلا يبدأ في مجال المعادلات حتى لو مش ناوي ع سفر حاليا

وعليكم السلام الMRCP في الباطنات من الحاجات الممتازة اللي هترتب دماغك جدًا في النقطة دي ولو جراحات الصراحة معرفش اوي فيها عشان مش حتتي

دكتور ايه رأيك ف النيورو في الصحة

في سوهاج للاسف سيء في القاهرة ممتاز جدًا جدًا جدًا

شكرا تانى 🙏🙏🙏

العفو يا انون لا شكر على واجب في اي وقت

احسن

لو وصلتك جامعة اه خدها طبعًا حتى في بنات كتير فيها ومش هتحس نفسك لوحدك وقسم كويس الحقيقة مش وحش يعني

🙏🙏🙏صدعت حضرتك بمشاكل تبان تافهه

ابدًا والله ومش تافهة خالص انا بس مش عاوزها تاخد حجم اكبر من حجمها لكن مش تافهة ابدًا والله دا مستقبلك وحقك تقلق طبعًا بس ان شاء الله مفيش حاجة

شكرا لحضرتك يا دكتور 🙏🙏🙏🙏🙏🙏🙏

العفو يا انون ومفيش داعي لحضرتك دي انا مش عجوز اوي كدا😂…في اي وقت لو حسيت نفسك تايه في الحوار دا انا موجود اسال براحتك كلنا مرينا بالفترة دي وباذن الله ربنا يختمهالك على خير بالحاجة اللي تحبها وفيها الخير باذن الله

يعني ايه استقبال عام

يعني بتنزل تستقبل اي حالة داخلة الاستقبال ايًا كان التخصص بتاعها وتتعامل معاها وتبلغ بيها التخصص بتاعها

بعيدًا عن الجراحات ١-الاطفال ٢-الكارديو ٣-الاشعة بس بشرط تاخدهم في اماكن كويسة في تعليمهم مش في المطلق وطبعًا كل تخصص ليه مسؤولياته سواء مذاكرة او سعي كتير كدا ايه أماكنهم الكويسة

الكارديو ١-معهد قلب سوهاج ٢- مستشفى طهطا المركزي الاطفال ١-سوهاج العام ٢-سوهاج التعليمي (ضغط شغل شوية) ٣-المستشفيات المركزية عمومًا وكدا كدا الاطفال سيلف ستدي وهتشتغل وهتلاقي ريت في اي حتة عادي الاشعة ١-معهد الاورام فقط لا غير وممكن سوهاج العام على استحياء بس هتحتاج تشتغل على نفسك اكتر يعني

قصدك فالمستشفى اتعلم حاجة اى حاجة ولا حاجات تخص التخصص اللى فبالى

لا اي حاجة عادي ليك انت بعد كدا في المستقبل ان شالله حتى تركيب كانيولا او سحب ABG اي حاجة ولو محدد تخصص يبقى ياريت تمام تنزل فيه اكتر طبعًا

ايه كويس بره الجامعة وفلوسه حلوة فالبرايفت

بعيدًا عن الجراحات ١-الاطفال ٢-الكارديو ٣-الاشعة بس بشرط تاخدهم في اماكن كويسة في تعليمهم مش في المطلق وطبعًا كل تخصص ليه مسؤولياته سواء مذاكرة او سعي كتير كدا يعني

واجب الوقت دلوقتي ايه واجبنا كامتياز نعمله ويتكتب لينا خير فالطب

واجبك دلوقتي الوحيد انك تسعى انك تعرف تقلل التخصصات اللي هتختار منهم ويا سلام لو استقريت على تخصص ولو لو ليك نفس ورايق وحابب تقرا او تسمع فيديوهات تتعلم بيها موضوع معين بعينه تمام ودورك بردو لما تكون كدا كدا نازل المستشفى حاول تتعلم حاجة ولو بسيطة خالص طالما انت كدا كدا في المستشفى بالفعل فبالمرة يعني بس كدا وتهدى نفسيًا شوية وتاخد الامور ببساطة عن كدا

هى مستشفى تعليمى سوهاج كويسه وفيها تعليم فعلا خصوصا انى فالغالب مليش نيابة ؟ وتنسيقها اى ؟ والنيابة فالصحه كام سنه؟ وببدا خلال سنين النيابة فالصحه احضر ماستر ولا لما يخلصوا تماما ولا اى؟ عايزة تخصص مريح وفلوسه كويسه فالبرايفت فممكن زى اى؟!

-كويسة في تخصصات معينة -التنسيق على حسب التخصص وتنافسيته -نيابة التعليمي ٥ سنين نيابة باقي هيئات الصحة ٤ سنين -بتبدا تحضر ماستر بمجرد ما يجيلك التخصص -موضوع اختيار التخصص دا بقى حوار كبير وواسع وعلى حسب ميولك وظروفك وبتدوري على ايه بالظبط يعني مثلًا جراحات ولا باطنات ولو باطنات عاوزة حاجة فيها شغل كتير وتحضير ومذاكرة ولا حاجة هادية كدا يعني دي كلها حاجات ترجعلك بس النصيحة اللي اقدر اقدمهالك في النقطة دي انه محدش بياخد حاجة مش هتاخدي راحة وفلوس وبرستيج وكدا فلازم تبقي عارفة انت مستعدة تضحي بايه بالظبط وعلى اساس دا بتحددي التخصص

خطوة

نعم؟

لو مليش نيابه جامعه و مجموعي يعني متوسط بعد الجيش و التكليف هتعين فالصحه علي اساس ايه و هل هيبقي ف اماكن فنفس محافظتي ولا برضو حوار لعنه المجموع دا ممكن يشوحني محافظات بعيده و كدا

على اساس محموعك بردو هو اللي هيحدد مكان تكليفك ومكان نيابتك وتخصصك بس طالما متوسط زي ما بتقول الدنيا هتبقى مش اسوا حاجة يعني ان شاء الله

استنى ايه وتقولي ايه بس يا ابو لاڤ كامز فيرست وانس اين أ لايف تايم 😉😉😉😉😉 مبروك عامة يارب دايما مبسوط

مبروك على ايه يا عم انت😂😂 تسلم والله بس هو حرفيًا مفيش حاجة 😂

NHI اختصار ايه

National Heart Institute معهد القلب القومي