شجرة (@Shahd_Tree) • ONVO

لحقت الاكونت ده قبل ما توتير يختفي من الكاش قفلتي ليه ؟

شوية وقت من غير مشتتات

السلام عليكم ورحمه الله وبركاته ما تشاركينا كده ايه الرود ماب أو الطريق اللي اتعلمتي منه تراك الدوت نت

هرد ب لينك لبيدج بشمهندس عبد العزير منزل كل حاجة بالتفصيل بالريسورس

إضافة للترشيحات اللي قالوها في كتاب اسمه أدب النساء جميل أوي كانت قناة ملكة عاملة وبتعمل له مجالس

جزاكم الله خيرا يا انون

مساء الخير ازيك يا شجرة يارب تكوني بخير محتاجة أسألك لو مفيش ازعاج ليكي على حاجة انا دلوقتي في اولى كمبيوتر ساينس وداخلة تانية باذن الله اخدت الترم الاول في الجامعة C والترم التاني #C دلوقتي بدأت اذاكر مع نفسي++C واحل بروبيليم سولفينج أقدر أعمل ايه جنبها أو فيه أي رود ماب اقدر امشي عليها علشان أأسس نفسي كويس قبل ما أخد خطوة التراك بعدين

الحمد لله فى احسن حال يارب انتى كمان تكونى كويسة 💗 كملى صح الكلية بتديكى خلفيه بس انت محتاجة ال تذاكريه يكون بعمق وبتطبيق C++ وبعدها oop و data structure والداتا بيز هتاخدى عنها ف تانيه او ذاكريها مع الدسوقى كدا انت عندك خلفيه تدورى ف التراكات

عندى سؤال معلش بدأتى مذاكرة التراك امتى وايه نصيحتك لحد لسه بيذاكر التراك

بدأت وانا فى اول تالته بس كنت بنقطع عشان الدراسه ودا غلط تداركته فى رابعه نصيحتى ماتعطلش لما تلاقى حاجة مش فاهمها كمل واتحمل شعور ان الحاجة تقيله والتوبيك رخم محتاج وقت بس

ممكن تقولي لقيتي شغل فين وايه الحجات الي ساعدتك ف دا

لقيت شغل ف شركه بس لا داعى لذكر اسمها الحاجات اللى ساعدتني كنت بدعى بس كنت دايما قلقانه ملاقيش عشان ماعرفش حد يعملى ريكومنديشن بس ربنا كرمنى اكتر بكتير مما تخيلت فالسببب الدعاء الدعاء الدعاء والله مش مبالغه

اتخرجت بس مش عارفة اعمل اي بساعد في البيت بس حاسة بملل رهيب وبقدم في فرص بس مفيش رد تفتكري اعمل اي طيب🥲🥲🥲

المساعده فى البيت مطلوبة اكيد بس لو مذاكره حاجة احتمال تنسيها لو فضلتى بعيده عن المذاكره ابدأى بانك تمشى ايدك ف مشروع صغير لو مخلصه تراك لو لا حددى كل يوم كام ساعه للمذاكره بس بعيدا ان اى حاجة عشان ماتنسيش ولما ربنا يكرمك بفرصه تبقى جاهزه

ليه لما بعتلك دايركت مرديتيش؟

مش عارفه ايه محتوى الرساله بس انا برد لو حد محتاج مساعدة فى التراك

هنعمل ايه بعد التخرج

هنتجوز

هل الطريق كان صعب و مشتت في بداية مذاكرتك لحد لما قدرتي توصلي لأول بوزيشن بفضل الله ؟؟

الشتات كان جاى من فكرة طيب هو انا هلاقى شغل ولا لا وانى بذاكر لوحدى ومفيش مينتور بس الحمد لله كملت واول ماخلصت ربنا رزقنى بشغل حرفيا من حيث لا احتسب بجد مش كناية

ممكن اعرف شغاله ايه وفين وهل في امكانية recommendation لو .net

Full stack ريموتلى اه اكيد عرفنى/ عرفينى ولو فيه امكانيه بإذن الله هقولك

السلام عليكم ايه السبب الجوهري اللي خلاكي تبدأي فكرة انك تنشري يومياتك وكل يوم بيعدي عليكي لازم تكتبي الfeedback بتاعته هل فيه سبب رئيسي مخليكي تعملي كدا ؟ في رعاية الله وربنا يوفقك الي ما يحب ويرضي🤍

وعليكم السلام ورحمه الله وبركاته كان فيه فترة سيئة على المستوى الشخصى و الفترة دى كنت خايفه من اللى جاى بعدها من مشروع تخرج و كورس لسه ماذاكرتوش والخوف دا كان معطلنى ،، قررت فى يوم ان كل يوم هذاكر من غير مابص لليوم اللى بعده وهدون دا عندى ، وانا مش بإيدى حاجة غير المذاكرة واحدة واحدة نسيت الخوف استعنت بالله ابتديت اذاكر وبس كدا . شكرا ع الدعوة ولكى بالمثل يارب 💗

ماشاء الله تبارك الله، انا معرفكيش شخصيا بس بجد ربنا يوفقك ويسعدك ويكرمك بكل حاجة انتي تتمنيها 💕

شكرا خالص يارب ولكى بالمثل 💗

تحفة 😭

اللهم بارك أنا بشوف التغريدات اللي بتنزليها كل يوم وبنبهر وأنا أصلًا مش عاملة متابعة، أنا على العموم من اول رمضان وانا بعاني في تنظيم الوقت ونظام النوم، فرجاءً اقتراحات للحل او لو تقدري تشاركي نظامك في تنظيم الوقت يبقى جزاكِ الله كل الخير، وربنا يوفقك ويثبتك ويعينك وتفضلي متفوقة

تسلميلى يارب جزاك الله خيرا 💗💗 انا مش منظمة اوى برضو يعنى رمضان مع الكليه بيبوظ النظام اللى عملاه لرمضان مخصوص ف كل يوم بيومه كدا بحاول اظبطه انى من العصر اكون مستعدة للبيت او المذاكرة وبعد التراويح للفجر مذاكرة او اخرج شوية وبعدها مذاكرة وبنام بعد الفجر ، مبدأى ما لا يدرك كله لا يترك جله ف كل يوم بنحاول :))

مش عارفه هي المسدج دي وصلتك قبل كده ولا لا كنت في انترڤيو وانا قبل كده اشتغلت في كذا مكان علي سنوات متفرقة يعني من ٢٠١٩ ل٢٠٢٤ اشتغلت في ٣ اماكن المهم البنن علقت علي اني اشتغلت كذا مرة وبتقولي بتتنقلي كتير انا مش فاهمه هو فين الكتير هو ده كده كتير؟؟؟ ولا المفروض بعذ كده اكذب ومقولش كل الشغل اللي اشتغلته علشان محدش يعلق انا كنت فاكرة ان دي حاجة مهمة كخبرة😂!

بس الشغل خيرة كويسة فعلا ردها غريب 😂 بس لو حد هنا اكبر واشتغل قبل كدا يفيدها:)

بتنظمي وقتك ازاي في رمضان من حيث المذاكرة و كدا

انا ماكنتش عايزة انزل اسك خايفه من السؤال دا عشان انا ليا نظره مختلفه شوية لو ذاكرت ساعة ف رمضان ف دا مجهود يشكر ف بستغل وقت فاضى بعد ماصحي من النوم مباشرة و الليل لحد الفجر جزء مذاكره وجزء نوم وجزء التروايح

شوفي البرايفت بليز

تم

كيف ل anon ان يجد اول intern

بنسعى وندعى السعى تظبط cv وكل يوم تدخل ع لينكدان تشوف ايه الفرص الموجوده وبيكون موجود ناس منزله ع التايم لاين وتقدم فيها وفيه قنوات وجروبات واتساب بتنزل فرص شغل ( لو عرفت بس ايه ال req للtitle ال هتقدم عليه ف انت كدا استفدت ) ودعاء كتير بيقين انه ربنا هيبعتلك رزقك فى الوقت المناسب ( عن تجربه )

الاستاذة شجرة عندها كام فرع

لا أعلم لأنها متجددة دائما