سُهَيْلَة آغَا (@Sohila777h) • ONVO

User suspended due to spam

حبيبتي يسلملي ذوقك والله شكرا😭🩷🩷🩷 و انتي إن شاء الله هترجعي أحسن من الأول كمان جزاكي الله خيرا على كل اللي كنتي بتبعتيه ربنا يجعله في ميزان حسناتك😊🩷

User suspended due to spam

عودا حميدا والله كنتي في بالي و جيت اشوف رسايلك لقيتها اتمسحت فجأة و بقى اكاونتك مش موجود ف استغربت كويس انك بخير و يارب تكوني بخير دايما هو كان فيه فترة معلق فعلا ف مكنتش بفتحه خالص ولا بعرف أرسم بس رجع تاني لوحده معرفش بصراحة يا هاجر ايه الحل😔

ربنا يصبرك عليها يارب

يارب اللهم آمين

ممكن تفتحي الدي ام عايزه اقولك حاجه

معذرة عن التأخير مكنتش بفتح لو لسة عايزاني أفتحه ابعتيلي تاني هنا معلش كتأكيد و عيوني هفتحهولك

لسى زعلانه على القطه ولا تخطيتي)":

هو فيه حاجات أهم نزعل عليها دلوقتي🙁 و مع ذلك لما بفتكر شكلها و هي راسها مقطوعة بتجيلي غصة غصب عني، ممكن يكون باين إنه شيء لا قيمة له بس في الآخر دي روح شاركتها جزء ولو ضئيل من أيامي و كونت ذكريات معاها ف الله المستعان

أذكار المساء والورد اليومي 💗

يااااه😭🩷 سوري لسة شايفاها جزاكي الله خيرا يا حبيبة قلبي

😦😦😦😦تحفة واااااااو روعة روعة موت يا ليلي عسولة بحب الفراولة تسلم ايدك😭🩷🩷متتخيليش فرحت بيها قد ايه

حوار انك بتنزلي مراحل الاسكيتش ده تحفه بحب اشوف الخطوات ذات نفسها اكتر من النتيجه فعاش يا فنانه👏🏻

شكرا🙏🏻 مكنتش بحب أنزلهم هنا عشان كنت فاكرة هيكون زحمة😆كنت بنزلها عالبرايفت بس قافلاه بقالي فترة عشان كنت بضيع عليه وقت و قولت أجرب هنا و حسيت عادي ف ممكن أعمل كدا دايما إن شاء الله😊

هو اي الاكل اللي ممكن يتعمل للقطط في البيت وياكلو؟

بعتذر جدا عن التأخر في الرد القطط عندنا في فترة تعبت ف وديناهم للدكتور قالنا إنه بسبب كتر الدراي فود و قالنا نعملهم لحمة او فراخ او سمك او تونة و نهرسه في خضار زي الكوسة و البطاطس و الجزر و بالفعل عجبهم هو سهل بتعمليلهم معاكم اللي هتاكلوه سواء فراخ او لحمة او كبدة أيا كان و تهرسيها في خضار و ساعات بنهرسها في عيش طري بيعجبهم بردو و بيشبعهم اوي و ممكن ياكلو بيض أو جبنه نستو يعني نوعي و اعمليلهم جدول أكل اسبوعي عشان تريحي دماغك و الدراي فود يكون تسالي كدا و فيه طريقة بيتعمل بيها في البيت و بيكون صحي ليهم أكتر بس أنا مجربتش

القط البرتقالي نوعه ايه

معرفش أوي في الأنواع بس أظن شيرازي

ينفع أخذ القط الأصفر اللي أنتِ منزلاه؟

لا للأسف🙁

اذكار المساء+الورد اليومي

جزاكي الله خيرا يا حبيبة قلبي قولتهم الحمد لله ربنا يبارك فيكي و يحفظك

الورد اليومي+سورة الكهف

جزاكي الله خيرا يا حبيبتي ربنا يجعله في ميزان حسناتك، جمعة مباركة🩷

اذكار المساء+الورد اليومي

جزاكي الله خيرا يا حبي💖 ربنا يكرمك و يسعدك و يبعد عنك أي ضيق

بنعمل ايه لما كل الاماكن تضيق بينا وفعلا بنبقي الدنيا ملهاش اي معني في نظرنا حاجات وامال نفسنا فيها بس متاخره جايز تتحق بس محتاجة الصبر يعني الانسان عجول ايوه لكن بيبقي نفسه يفرح يعني بجد بحس ان الواحد نفسه ي ينام والغرفه لا تتسع لاجنحته من الفرحة حاسه نفسي اجرب الشعور ده اوي فعلا ونفسي دعوتي تتحقق اخرت اوي ليا ٦ شهور بدعي بنفس الدعوه بين انتكاس و حماس و تراجع واحباط ويعني بحس احيانا اني مطمئنه واحيانا خايفه ومرعوبه واحيانا بهدي نفسي ان دي دنيا فانيه المهم الاخره بس فعلا ازاي الانسان يهون علي نفسه طيب ازاي ممكن يتخطي صعوبه ان يلاقي اكتر حاجه بيحبها متاخره او مرعوب من فكرة انها تضيع من ايده بجد حاسه ان الضيق والاستعجال كفيل بقت*لي نفسيا انا مش عارفاكي لكنك ظهرتيلي في يوزرس اونڤو ادعيلي دعوة جميله لعل الانسان ينال بدعاء اخيه ما لايناله بنفسه

ملكيش غير السعي و اللجوء لربنا و رددي دايما يا حب يا قيوم برحمتك أستغيث ربنا مش بيأخر حاجة غير لسبب يمكن بيبعد عنك شر أو مجهزلك خير فمتيأسيش من الدعاء، ساعات بالفعل بنيأس بس دي وساوس متخليهاش تتغلب عليكي و من يكثر قرع الباب يوشك أن يفتح له ف خلي أملك كبير و ربنا ييسرلك الأحوال و يقدملك اللي فيه الخير عاجلا غير آجل إن شاء الله، هي الدنيا كدا للأسف و صبرك عالشيء اللي انتي نفسك فيه بشدة عظيم و ربنا هيجازيكي عليه، النبي صلى الله عليه وسلم قال: ما يصيب المسلم من نصب ولا وصب ولا هم ولا حزن ولا أذى ولا غم، حتى الشوكة يشاكها إلا كفر الله بها من خطاياه. ف احتسبي كل دا أجر عند ربنا و حاولي متكتأبيش أو تزعلي و طلعي نفسك من أي مود سيء لإنه مش في مصلحتك و هدعيلك يا حبيبتي بإذن الله ربنا معاكي و يعينك💙

انتي سهيلة أيمن؟

مين دي بجد الرسالة دي اتبعتتلي قبل كدا مرة😭كنت كاتبة اسمي الثلاثي قبل كدا بس مفيهوش أي أيمن

أنا وأهلي بنعتني بيهم عادي وعندنا خلفية عن الموضوع، فلو ممكن ناخد قط يا ريت وعرفي والدتك طالما هي قلقانة

تمام بإذن الله أول ما تتاح الفرصة هحاول أقترح عليها تاني و لو وافقت هقول هنا إن شاء الله

ينفع أخد قط من اللي عندك؟

أنا كنت بالفعل اتكلمت مع ماما من يومين إنهم لما يكبروا شوية نعرضهم تبني بس لينا تجربة سيئة مع الموضوع ف هي رافضة الفكرة للأسف وعايزاهم يفضلوا معانا، غير كدا كنت هعرضهم عادي و اللي عايز ياخد، بس لو غيرت رأيها هبقى أقول إن شاء الله

بتقفلي الريبلايز ليه دي تاني مرة عايزة ابارك

بحس بتقل من ناحية الحاجات دي مش عايزة أتعب حد بصراحة أو أحس إني محرجة أنا بنزلها و خلاص😆بس اعتبريها وصلت تسلمي🥰

كل سنه ونتِ طيبه وبخير ي جميل 💗

حبيبتي و انتي طيبة و بخير🥰💙