سمعت انو مكافأة الجامعة تبقى مستمرة مع مكافأة الامتياز ؟ هل هذا الكلام صحيح ؟ يعني في الامتياز تنزل لنا ٩٢٠٠+٩٩٠ = ١٠٬١٩٠ولا ؟
(وأنَّ سعيهُ سوف يُرى) / senior medical student 🩺
سمعت انو مكافأة الجامعة تبقى مستمرة مع مكافأة الامتياز ؟ هل هذا الكلام صحيح ؟ يعني في الامتياز تنزل لنا ٩٢٠٠+٩٩٠ = ١٠٬١٩٠ولا ؟
تصحيح مكافأة الامتياز 8200 + مكافأة الجامعه990
لازم ادخل سادس وانا مراجعه جراحة خامس؟ جاني هلع
الصدق جابوا لنا اختبار مكس فيه من سادس وخامس ورابع🥺 لكن بوقت مذاكرتك مري على المواضيع المهمه بسنه خامس واسألوا ايش الأشياء اللي المفروض تتراجع والأمور سهالات ان شاء الله
تذكرين سنة رالع كيف كانت؟
من أجمل السنوات وأكثر سنه ارتفع معدلي فيها
كيف مذاكره اختبار الهيئة سهل ولا
ولااااااااااا
طيف الله يرزقك جاوبيني انا طالعه ثالث ولا ابي وضعي كله ادرس واختبر ابي اتطوع ادخل دورات بشرط تفيدني وتزيدني معلومات ولا اشياء مالها داعي ، بس انا ما اعرف وش افضل الاشياء اللي اعملها وانا ثالث وتنفعني ولا اعمل اشياء مالها داعي لان احترت اول سنتين كنت مركزه على الجامعه بس احس مليت ابي استفيد اكثر واكثر بالله ساعديني وش افضل الاشياء اللي تنصحيني فيها ولو ترجعين ثالث راح تعملينها لانها مفيده سواءً دورات تطوعات مشاركات اي شيي غير تطوع الحرم والامور هذي
اهم شي ركزي على دراستك ثممممم لو بنصحك بتكون النصيحه انك تشاركين في بحث مع ناس ثقه وتدخلين هالمجال وتعرفين اهم الاشياء الاساسيه، مجال الأبحاث مهم في الطب جدًا وادركت هالشي في السنوات الاخيره.
المعدل عندكم من ٤ ؟
صحيح
ف اي سنه استغنيتي عن الخصوصي؟
من السنه الثالثه
لو اخلص ثاني بمعدل ٣.٢ ان شاء الله لان هذا اللي اقدر عليه اعتبر نفسي بوضع امان؟
بالنسبه للأمان صعب احدد لكن انه يرتفع بإذن الله بيرتفع
يارب تردين علي ، منجد اول سنه كانت مو كويسه من ناحيه التغيرات والروتين والمعدل انخسف طمنينا ان يمدينا نعوض بالجاي😢
يمديك بإذن الله وبالراحه جدًا هذي ميزة ان سنوات الطب كثيره
ما شاء الله كيف جبتي تحت ٣ وما انخسف التراكمي ووش كانت اصعب سنه بالنسبه لك
هههههه مين قالك ما انخسف لكن ربي ستر احس لو تسألين عن اسهل سنه افضل والجواب الامتياز🥰
شرايك بواحد معدله التراكمي 3.15 وتوه داخل ثالث🥰
قو اهيد باقي عندك ثمااااااااااان فصول ترتفع فيها
اسوا معدل لك كان باي سنه؟ وكم جبتي اذا عادي عندك تقولين
سنه خامس الفصل الأول تقريبًا الفصلي ماوصل ثلاثه بس التراكمي لحقني ورقع الوضع والحمدلله الأمور تيسرت ومشى الحال
مرا شفت لك تغريدة تقولين انو اصعب سنه عليك كانت أولى ، حبيت. أعرف قصدك ثاني اللي متعارف انها اول سنه طب او التحضيري
قصدت اول سنه لي بالجامعه
طيب لو مخلص ثاني ومعدلي 3.15 من 4 شلون نرفعه ذا
بالدعاء والعمل بالاسباب باقي قدامك حوالي ثمان أترام اجتهد وابدأ بدايه جاده وخلي هدفك واضح راح القليل وبقي الكثير اللي تقدر تعوض فيه بإذن الله
السلام عليكم انا خلصت اولى طب بتراكمي ٣.٧٣ ودايم اسمع ان السنين الاولى اهم شيء المعدل يكون عالي، والله اسال منجد هل معدلي يعتبر مرتفع وحلو؟ جيت اسال هنا لان مافي حولي اطباء او طلبة طب اقدر اسالهم 😢
وعليكم السلام يفرق لو كان معدلك من ٤ او ٥ اذا من أربعه (لو منتي أولى كنت جلدتك بس لأنك أولى معذوره) معدلك حلم الكثير ماشاء الله تبارك الله ولو استمريتي بنفس المجهود بيرتفع اكثر بإذن الله الله ييسر امرك ويوفقك
اهلا كيف حالك احتاج مساعدة شوي :( اخوي خريج ثانوي وعلى اخر لحظة قرر انه يبي طب والظاهر انه ضغط من الوالد شوي وانا احاول افهمه انه ما ينفع ياخذ هالقرار اخر لحظة واعلمه بصعوبات الدراسة بالتخصصات الصحية *انا ادرس صيدلة* لانه اللي اعرفه كان مهتم بتخصصات الحاسب ولكن مدري اخاف اظلمه ان تركته واخاف اظلمه ان رديته بس والله حق انه ما يذاكر ويذاكر على اخر لحظة بكل شيء صدق اخاف يتعب على الفاضي وانتي عارفه المنافسة شلون على الريزدنسي ما ودي فيه بهذه المعمعة وحتى ماعنده خطة بعد الكلية
أهلين غالباً محد دخل الكليه وهو عنده خطه لبعد الكليه دامه إختار الطب حتى لو على آخر لحظه خليه يجرب نفسه والمذاكره اول بأول تجي مع الوقت والتعود بالنهايه لو ما ناسبه يقدر يحول
روحي الله يفرج همك ويشرح خاطرك وييسر امرك الله يفتح لك ابوب الرزق والتوفيق الله يسخر لك خلق الله ما تتخيلين شكثر هونتي علي ماراح انساك من دعواتي مرره شكراً❤️
ياااااارب الله يسمع منك ولك بالمثل وزياده يارب❤️❤️❤️
ما بقى شي من واخلص اول سنة وللان فيني خووووف من باقي المشوار وشايله هم جدًا كيف السنة الثانيه خايفه منها اكثر شي
اولًا مبروووك مقدمًا خلصتي سنه شاقه معروفه سنه أولى تكون نقله نوعيه في حياة طالب الطب ثانيًا خوفك هنا طبيعي لأنك تسمعين كلام عن صعوبة هالسنه لكن الحقيقه ان الوضع سهالات بتلقين نفسك أفضل ومذاكرتك تحسنت وجالسه تستوعبين اكثر وعارفه الدنيا كيف ماشيه وربي مثل مايسر لك دخولك للطب ويسر لك اول سنه بييسر لك سنه ثاني وثالث ولين تتخرجين ان شاء الله
كم معدلك
أربعها اسئله لاتسأل المرأه عنها ١-عمرها ٢-وزنها ٣-طولها ٤-معدلها بس ماعليه معدلي لو عندك اصرار عليه ارجع/ي اسأل/ي نهاية هالترم
مين يسمع عبادي😂
بالله احتاج حسابك عشان ابلكك ماعندي مكان للي يخالف رأيي😣