Nashwa Amr (@The_weeping_willow) • ONVO

نفسي تفضلي موجوده دايما هنا كل كلمة منك بتكون دافيه اوي

أنا موجودة أهو 😭 بس سؤال، هل أنا الشخص ده فعلاً، ولا جايز روحك اللي بتصبغ صفائها على الآخرين، فيبانوا بالشفافية دي؟ :)

أنا بأنس بالتويتس بتاعتك كل صباح. أتمنى لا تنقطع لك تلك العادة. Have a nice day.

أشكرك جداً صباحك صباح مأمول ومعمور 🙏🏻

بعتذرلك ،صبحك الله بالخير

ولا يهمك، من غير اعتذار، يمكن أحيانًا التعبير يبان مبالغ فيه لحد ما نلمس خلفيته. صباحك خير ونور 🙏🏻

يعني ايه النوم موتك المحتوم ؟😅 معلش بس ليه الجعلصة😅😅

بيتهيألي الجعلصة الحقيقية هي إنك توصف جملة تعبيرية -لمجرّد إنها مش متوافقة مع قاموس لغتك- من ٦ كلمات بال"جعلصة"؟

the morning begins when you post the picture you take

صباحي بيبتدي بيكوا، صباح الخير 🥺♥️

ممكن تدعولي انه يكون من نصيبي 😭 و ربنا يكتبلنا الخير

يارب تتجوزوا يا سيتي 🥺🫂

عايزة حد يمسكني يحطني على بداية طريق ما ويقولي ده اللي هتلاقي نفسك فيه وده انتِ، وانا هحارب هناك، بس مش عارفة احارب ف كل اتجاه كده .. + خايفة أطلع بالآخر حدا مبيعرفش يعيش انا كمان، حاسة الدنيا بتحصل وبتتعاش حواليا وانا واقفة مكاني، بتتعاش ازاي دي اصلاً انا مش عارفة (مفيش أسئلة، دي دماغي بقالي كام يوم بس فقولت أقول ده لحد) صباح الفل 💋

ممكن نضم لبعض، ونمشي في نفس المتاهة سوا، يمكن الرفقة تخفف من حدة التيه؟ أصل مين مقفل لعبة الحياة، ومن غير ما يستنفذ كل محاولات الوجود؟ هتلاقي نفسك بتخوضي حروبك الخاصة في كذا جبهة، لحد ما تتقابلي ويّا استراحتك في مكانك الخاص في النهاية، وهيبقى وقتها المكان اللي نقدر نشاور عليه وننطق اسمك بصوت عالي. ولو ماحصلش وعيشتي باقي عمرك سايبة نفسك للتيار مطرح ما يحطّك، فهتبقي ظفرتي بالنجاة، حتى لو ما كانش العَيش ذاته. ممتنة للمشاركة، وبعتذر عن التأخير. مساء الفل يا جميلة 😘، يارب ليلك هادي، والأهم يشبهك ♥️

هل الزواج يريح قلب الإنسان فعلًا؟

في المطلق؟ لا طبعاً، الجواز ده كلمة سر كبيرة، حروفها من حروف شخص مؤهل وبس.

أنت= الساوند بتاع I have a secret I'm a mommy

والله I’m just a girl

ممكن رقم دكتور هانيا بعد اذنك او اي حد اونلاين

أوي أوي +20 114 1055503

انا حاسة ان مفيش حد بيحبني و لا متقبلني حاسة ان معنديش ثقة في نفسي

مش هجادلك في احساسك، مش هقولك إن ده مش صح، وإنك مفوّتة عليكي حقيقة ما في مقابل وهم الانصياع لصوت الذات الخايفة والظنون، مش هصادره باسم العقل والاحتمالات. همشي معاكي للآخر وهأيد كلامك، وأمنحك شرعية الوجع ذاته. بس تفتكري لو كانت فرصتنا الوحيدة لزرع ثقة ما في نفسنا، هي من سقيا الآخرين، هل هيكون في إمكانك تلمسي أي ثمرة في ذاتك على الإطلاق؟ طب تفتكري أنا هقدر أثق فيكي، أو أمدّك بثقة ما، جدرها من الأساس بدايته مش عندك؟ تفكتري هديكي حب وتقبل يتجاوزك، ويتغلب على غياب نفسك وثقتك فيها وعشانها؟ هسيبلك انتي الإجابة.

نشوي أطيب من كدا 😭

تفتكر يا أنون؟ بقيت أشك 😔

مش عارفة بتقولي ع المسج بتاعتي و لا بس حرفيا ملقتش حد اكلمه و اقوله اني زعلانة متأسفين

ما كنتش أقصد تبكيت خالص، ولا رسايل حد بعينه بالعكس. حرفياً بtroll على نفسي 🥲 فوق راسي والله، وبستنى ألتقط نفس ما عشان أتعمق في كل جوانب الطرح، وأرد بشكل كافي ووافي. هرجع أقولك استرخي وافردي ضهرك، اللي عنده حاجة ضدك سواء بمعرفة شخصية أو غيرها، خسارته، مش خسارتك 🫂

ايه اخر اغنية سمعتيها ؟

Where Do Lovers Go - Ghostly Kisses.

بأي معنى أملأ سكون أيام لم أختر فراغها؟ aka أجازة

أول ما قرأت السؤال ما جاش في بالي غير زرع الأفكار والمشاهد الخضرا شكلاً وموضوعاً. ازرعي أخضر بس :)

فيك ملامح مشتركة من عبير الصغير

بيقولولي آه قمورة وعسولة أوي، بحبها

Naashwa pleaaase

We’re not following each other anymore, and I’m not sure why, he just unfollowed me, so I did the same. Also, I don’t talk to guys privately, so I’m not able to pass on your message. Sorry, I wish I could help.

حلو الفيلم؟

مؤلم وقبيح، هو خارج عن إطار إنه يتصنّف بحلو أو وحش، يستحق المشاهدة؟ آه، صالح للمشاهدة؟ مش للكل.

كام سنة وكلية ايه ؟

كلية سنة تاسعة جواز

Could you please help me deliver a message to someone ?

Yes, sure.