TURKI (@TuNeuron) • ONVO

السلام عليكم دكتور ، كيف الحال، عندي سوال هل فرق معك شرا قرينبيرق ورقي؟ وايش الكتب الاخرى الي تويد شرائها

عليكم السلام حياك الله تقريبا كل الكتب المحورية عندي ورقي.. وأنا صاحب مكتبة حتى في غير الطب فمن المعيب في نظر نفسي لي أني لا أقتني كتب تخصصي لكن كل شخص بحسبه من تعود على الكتب الإلكترونية يستطيع الاكتفاء بها، لكني أرى أن المتخصص لابد أن تحوي مكتبته الكتب المحورية في تخصصه.

فيه واحد اسمه فارس او فراس الزبدة من العجمي هو ومهتم بالفلسفة وين حسابه؟ ادور عليه

خدمة العملاء قدام يمين

تحب الطب مثل حبك للفلسفة ولا تشوفه وظيفة و اختصاص لازم تقرأ فيه و تخلص منه عشان لقمة العيش بس؟

لا أحبك أنت

تيل من صباح الله خير تذكرت ذاك اللي نشر خبر وفاته وقال زوجة اخيكم غارت فغاظت هههههههه الشاهد اللي يخصك اني تذكرت كلامك معه وهو متخفي بحساب وهمي

والله ما فهمت شيء .. بس صباح النور

اقرأ قصيدة بديوي الوقداني ( ايامنا والليالي كم نعاتبها ) قصيدة حكمة جميلة

من أول ما حفظت من القصايد الشعبية وما زلت أرددها وعلى لساني دائما

يعني أن دخلت مديسن وببالي النيورو ما راح يجيني تساؤل هل أنا بالمكان الصحيح؟ ولازم أكون عارف 100% إني بدخل نيورو فقط أو راح يكون فيه اختلال بالواقع، تدري عاد بدون مبالغة لو عندي حياتين كل حياة دخلت واحد 🤣 لكن بستخير ثاني مرة وإلى الآن الكفة لتخصصكم والله ييسر من عنده، مشكور دكتور

الاستنزاف النفسي والوقتي بالنيورو مايقارن بغيره أبدااا.. عموما الله يوفقك

غريبة صرت رحيم !!! والله اشوفك حتى انت تغيرت وصرت تراعي وتطبطب على مشاعر المتابعين🤣🤣 راحت ايام الجلد

لا ياخي طلاب الطب أحباب الله .. صعوبات تعلم وحاقة صعبة

كنت ابغى اقولك طقطق على طلاب الطب اللي في السنين الاولى بس احس اخلاقك ما راح تسمح لك بعدين يقولون عنك متكبر فمدري والله الصدق بعصة على قول اخواننا اللبنانيين

والله تجيني رغبة ثم أهون.. طلاب الطب غلبانين وحياتهم فيها ما يكفيهم ما يحتاج أزود الضيم عليهم

ممكن توضح لي إذا ما عليك أمر ليه تنصح بالمديسن أكثر؟ لعل كلامك ممكن يوضح لي شيء اجهله

إذا دخلت النيوروسيرجري وفي بالك أي تخصص آخر، بتتساءل كل يوم الصبح تروح فيه للدوام وبكل لحظة ضغط أو إجهاد وكثيرا ماهي.. هل أنا في الطريق الصحيح ويبقى شيء عالق فيك، وفي كثير من الأحيان ينتهي بك الحال وقد حولت من التخصص، وهذا مشاهد بكثرة. إذا ما كان النيورسيرجي رغبتك الوحيدة دون تردد فلا تدخله وإلا فالضغط والتعب مع وجود التردد سيجعل حياتك جحيم والله أعلم

عندك أكونت علي الفيس بوك

لا للأسف

بليز يادكتور اذا ممكن تشوف ال DM

بإذن الله بس صبرك علي

وش في الاونفو كله جدي وطب وما طب!!!! يرحم ايام الكيريس كان كله استشارات نفسية واسئلة تشوفها تافهة فتقعد تجدول وتطقطق علينا🤣 حسابك اللي قبل افضل كنت اقرب للعوام وما حولك طلاب طب نفس الحين

أشاركك الرأي .. مطلوب خلطة كيف أصرفهم إذا خلصت اختباراتي برجع أكتب عن الفلسفة وحاجات برا الطب ونصهم بينحاش

لا عادي واقعية جدا يمكنه ملول بعد 😂 أنا مثله وفكرة إن الواحد لازم يخش سيرجكل او مدكل مفروض اندثرت مع نظرية الاخلاط بس عشان يقرر ببساطة يشوف وش أكثر شي جذبه بكل واحد ووش أكثر شي بيضحي فيه لو دخله وهل مو مستعد ياخذ هذا الرسك مقابل البنفت او لا

وش قاعد تقول أنت.. ما فهمتك والله شلون اندثرت والفكرة حديثة سيرجكال وميديكال والأخلاط قديمة .. مفروض العكس وش ما فهمت شيء لكن انت صح مبدئيا.

كيف انت R6 وتنزل اول انكول لك ؟ مو مفروض من R1 تبدا ؟

من قال أنه أول اونكول 😂 مشوار أشرح وش الفيرست اونكول وش السكند اونكول بتعرفها بحينها إن شاء الله

ذا العيد فيك نشاط وحيوية في تويتر الله يبارك لك ويزيدك😂😂

والله لا أخفيك اني منزعج أن فيه كثير عرفوا حسابي أنا إنسان عدو للشهرة وحسابي القديم حذفته لما انشهر وحذفت سناب لما انشهرت قبل ٨ سنوات يمكن وغيرها + اني مكلف وطفشان لو كنت بإجازة سحبت عليكم

بليز دكتور جاوب اسئلتي دامك موجود انا طالب مسكين فيرست جنريشن نتفني الطب ماحولي احد

فيرست جنريشن هذي تصريفة جيل الألفين بس لا تحطها براسك تراها سوالف ولا فيه ذاك الفرق إلا لو الاسرة كلهم أطباء أما فيرست وسكند وعشر طعش والله فروق غير مؤثرة إلا لو الشخص مصمم عليها. الدفعات السابقة بالعادة أكثر دفعة مفيدة لك عموما جاوبت على اغلب الاسئلة مدري لو سؤالك منها

بيتنا مافيه اطفال عاد ذحين في العيد غزونا قوم قريش وذي اول مرة في الحياة انقطع عن المذاكرة ثلاث ايام والموضوع موترني مشكلتي اني اتنرفز على اقل شيء حتى صوت الحمام على الشباك ينرفزني

الله يعين تصير تصير

أنا بسنة ثالث وما قدرت أحدد تخصص أبغاه ومدري حتى وش معاييري وكيف أبي أعيش بعدين وهل التخصص جراحي ولا لا أصلًا؟ هل هذا طبيعي؟ مرات أحس بالضغط تجاه الموضوع ويشغل بالي وأخاف من القادم المجهول بشكل مقلق

يا رجاااااال أنسى الحين وركز بدراستك والمعدل هذي أمور قد ما تعرفها إلا آخر سنة ويمكن بالامتياز وأحيانا تضطر تسرفس بعد حتى تعرف المهم رتب أولوياتك حاليا، وخل الموضوع بذهنك ولاحقاً بتعرف

ممكن تتكلم عن اللايف ستايل لتخصصك هل الشخص يكون قادر على القيام بمهامه اليومية (يكفيني النادي والنوم الجيد) بكل واقعية ومصداقية وبدون إجابة "إذا نظمت وقتك" لو سمحت 🫣

غير تضحي بشيء .. تبي تروح النادي بتضحي بالمذاكرة النوم يمكن يحصل لك ويكند بالشهر تقدر تنام فيه ويختلف الوضع حسب السنوات السنوات الأولى أكثرها ضغط وتحتاج وقت حتى تعرف وزينتك والوضع يختلف حسب حرصك واهتمامك بحضور العمليات حتى الي ما تكون مشارك فيها وعدد المتدربين معكم بالسنتر وظروف أخرى بس هذا كلام مجمل ممكن يفيدك.

أرجو الرد هنا في البرنامج وعدم نشر الرسالة في تويتر سؤالي الذي يشغلني منذ فترة: هل يستحق تخصص الأنف والأذن والحنجرة حقًا كل هذا العناء؟ لقد تعلّق قلبي بهذا التخصص منذ السنة الرابعة، وما زلت أرى نفسي منتمية إليه، غير أن ما يثقل نفسي بحق هو البيئة المحيطة. فكثيرًا ما يُعامَل الإنسان فيها وكأنه آلة للعمل والاستنزاف، تحت ذريعة أن التخصص شديد التنافسية، وأن على الجميع أن يبرهنوا جدارتهم باستمرار، حتى يبلغ الأمر أحيانًا حدّ التجريح وتحطيم المعنويات راودتني فكرة تغيير التخصص مرارًا، إلا أن أكثر ما يدفعني للاستمرار حاليًا هو رغبتي في تغيير المدينة وخوض تجربة الرياض، لعلني أجد بيئة أكثر احترافيةودعمًا وإنصافًا. ومع ذلك لا يزال التردد يلازمني: هل يستحق الأمر فعلًا كل هذا السعي؟ الاتاتشمنت، والعمل بلا مقابل، والبقاء في المرتبة ذاتها تحت مسمى clinical attachment (انترن بلس) يؤرقني أن أبذل كل هذا الجهد، ثم أكتشف لاحقًا أنني لم أعد أرغب في التخصص أصلًا، أو أن كل ما قدمته لم يكن سوى استنزاف طويل بلا جدوى. لكن كل الذي أعلمه الآن أن التخصص الوحيد الذي باستطاعتي الاستيقاظ له من ٥ فجرًا هو الاينت

حياك الله .. التخصص تنافسي ويستحق بذل المجهود لمن يحب التخصص خصوصا أنه رغبة قديمة لديك. الطب عموما مليء بالتنافسية فكيف بالتخصصات التي هي بطبيعيتها تنافسية فالوضع فيها أصعب للأسف هذا واقع موجود، لكن الذي بيدك هو بناء متانة وصلابة نفسية وآليات مرنة للتعامل معها .. تغيير الواقع قد يكون صعب. وبوجهة نظري في حال كنت مقتدرة على خوض تجربة الاتاتشمنت غير المدفوع فأنا أرى أن الإنسان يصرف سنة واحدة سيرفيس لأجل تخصص تنافسي بعدها يذهب إلى الخطة ب إما تخصص آخر أو دولة اخرى حسب المستطاع والظروف المحيطة -ولكل إنسان وجهة نظر في مدة الانتظار- لكن أكثر من سنة هو استنزاف دون مقابل. وإذا كان هدفك تغيير المدينة فقط فأي تخصص يفي بالغرض .. لكن يظهر لي أنه ليس الهدف الرئيسي عندك عموما. والحياة عموما هي رحلة مليئة بالمخاطرة والمجهول لكن المطلوب منا بذل الأسباب المؤدية للهدف وتفويض الأمر لله واستحضار الغاية وللوصول لذة تنسي هذا التعب والله أعلم.