آكارد (@X) • ONVO

شكرا جزيلا، جزاك الله الفردوس (أنا صاحب سؤال منهجية الفقه الشافعي)

ربنا يجمعني بيك في الفردوس يا غالي، ربنا يعلمك ويبارك فيك

رد على سؤال ابن تيمية طيب

رديت من كام يوم بس على أكونت onvo

شخص منتسب لمدرسة المذهب الظاهري هل عندك إشكال في دا؟

ممكن إشكالات أصولية، بس عموما معنديش مشكلة قد كده، أحسن بكتير من فقه الدليل عشان الظاهرية عندهم أصول ثابتة نقدر نحاكمهم بيها

السلام عليكم ورحمة الله وبركاته ممكن الاقي فين منهجية للفقه الشافعي ككتب وشروحات ليها (للاسف فاتني الرواق الأزهري)

وعليكم السلام ورحمة الله وبركاته باختصار متن سفينة النجاة مع الشيخ محمد سالم بحيري أو لبيب نجيب ثم متن أبي شجاع مع د. لبيب نجيب ثم شرح ابن قاسم الغزي على متن أبي شجاع مع د. لبيب متروحش لمرحلة الا لما تكون مخلص اللي قبلها كويس وعامل فيها دكتوراة كمان خلص دول وتعالى لو كان فيه عمر ان شاء الله وان شاء الله تلحق الرواق المرة الجاية لو مش لاقي الدروس دي ابعتلي وانا هبعتلك اللينكات

يعني دلوقتي لو بقرا كتاب وفيه احاديث كتير اعرف منين الحديث اللي اخده واعمل بيه والحديث اللي افوته 😅

اقرأ الأحاديث كأنها أوراد وتبرك بكلام النبي عليه الصلاة والسلام زي ما العلماء كانوا بيعملوا متبنيش عليها حكم من نفسك، شوف شروح العلماء على الأحاديث، متتصرفش من نفسك إلا لما توصل لمستوى عالي في علم مصطلح الحديث هتفهم ازاي تتعامل مع الأحاديث، لو حديث في الفقه (صوم وصلاة وبيع وشرا وهكذا) متفهمش منه حكم وتتعبد بيه شوف مذهبك الفقهي بيقول وقلده سواء كان مشابه أو مخالف لظاهر الحديث حتى لو كان سنده صحيح، انت كده مش بتترك العمل بالحديث انت بتتبع من هم أعلم مني ومنك ومن الكل بالقرآن وبالسنة

كيف يستقيم الإنسان ؟

أنا أسوأ حد تسأله في الموضوع ده اللي ممكن أنصحك بيه تلت حاجات 1/ أقهر نفسك وسيطر عليها 2/ أذكر ربنا طول الوقت وخلي جنبك سبحة تفكرك بالذكر 3/ حاول تبقى وسط شلة وبيئة الدين بيفرق معاهم

فيه موقع او مكان اعرف من خلاله بشكل سريع ومباشر إذا كان الحديث قوي (يؤخذ به ) ولا لا

انا عن نفسي بستخدم الدرر السنية، التقسيمة السطحية بتاعة الحديث الصحيح يؤخذ به مطلقا والحديث الضعيف نرميه دي تقسيمة ضالة موضوع الأخذ بالحديث مليان تفاصيل مهولة

ابن تيمية نشأ وتتلمذ على يد مشايخ كان فيهم عدد من الأشاعرة بل وهو نفسه في كتبه دافع عن الإمام أبي الحسن الأشعري وذكر فضله ومدح الأشاعرة في مواضع كثيرةزولم يكفرهم ولا أخرجهم من أهل السنة بل اعتبرهم من الطوائف المنتسبة إلى الإسلام والسنة رغم مخالفتهم له في بعض المسائل فليه في رأيك بعض أتباعه اليوم بيظهروا غلوا شديدًا في التعامل مع الأشاعرة ويوصل الأمر أحيانًا إلى التكفير أو التبديع المطلق مع إن إمامهم ما كانش عنده هذا التشدد؟

زي ما ابن تيمية قال على الأشاعرة سادات أهل السنة بردو قال عليهم مخانيث المعتزلة وقال على أئمتهم جهمية بشكل غير مباشر وسلكوا طريق الملاحدة وكلام كتير بقى من ده، الشيخ ابن تيمية شخصية قلقة زي ابن عربي فيه اللي بدعه وفيه اللي قال عليه الإمام الأكبر يعني المفروض الناس تتبع الشخصيات المجمع عليها مش الشخصيات اللي حواليها كلام كتير عكس بعضه ولغط

يعني ايه مجتهد مطلق؟

أعلى مرتبة من مراتب الاجتهاد بيبقى فقيه متفرد بأصوله وفروعه مش بيقلد فيها حد

زهقت من جهل المراهقين على تويتر

الجاهل مسيره يتعلم ربنا يهدينا كلنا

الخلاف في الموسيقى معتبر ولا شاذ مطّرح

من فترة كنت شايف أنه شاذ وقع قدامي كلام كتير عكس اللي كنت معتقده انا متوقف حاليا في نوع الخلاف وان شاء الله كمان شهرين مثلا هعمل بحث مطول وهنزله هنا لو كان فيه عمر

لما سالت عن تجديد الخطاب الديني كان قصدي توجه مؤسسات الدولة الفترة الأخيرة للتجديد ف سؤالي مكنش مطلق

مش متابع أوي حاليا وغالبا مش مهتم كنت شوفت قرار له علاقة بوزارة الأوقاف والأزهر اعترضوا عليه المهم وقت ما قريته كنت مع الأزهر

حكم تارك الصلاة ويعمل إيه بعد توبته، واذكرلي رأي المذاهب الأربعة

اتكلمت عن الموضوع ده بالتفصيل هسيب لينك في الريبلاي

ابن تيمية مجتهد مطلق أم مجتهد مذهب

مجتهد مذهب وكان حنبلي

انا شايف ان مفيش حاجة اسمها تجديد الخطاب الدينى اصلا ، وكلها وسائل علمانية لتحريف الدين وتمييعه واللعب فى ثوابته باسم الحداثة ، الدين كامل وصالح لكل وقت ومش محتاج تجديد ، الناس هى اللى محتاجة تخرج من الجهل اللى هما فيه ويتعلمو دينهم كويس

تجديد الخطاب مش بيقرب ناحية الثوابت، بيتعامل مع مستجدات العصر بناء على الأصول الثابتة الدين صالح لكل وقت طبعا بس ده ملوش علاقة بسياق الموضوع انت كل يوم العالم عندك بيتغير وبتبقى محتاج تعرف موقف الشرع من القصص دي

كتب تنصح جدا جدا بيها ؟

ما لا يسع المسلم جهله - أنس السلطان رواية دكتور جيكل أند مستر هايد كتاب الإنسان والبحث عن المعنى ـ ڤيكتور فرانكل كفاية دول

ما رأيك في دعوى "الإنسانية" أو "الإنسانوية" ؟

انا مؤدب مع المؤدب وقليل الادب مع ابن المت

ايه رأيك في تجديد الخطاب الديني ؟

المصطلح عايم شوية فقولي اللوازم من تجديد الخطاب الديني اللي عندك فيها مشكلة او يهمك رأيي فيها، ولو تقولي مفهومك الشخصي يبقى كويس

بقولك هو أنا عادي لو شغلت قرآن و مكنتش مركزه معاه او حتي شغلته في البيت و أنا اصلا مش موجوده فيه كمان ايه حكم مسك المصحف بدون وضوء في المذاهب الاربعه

اه عادي القرآن بركة لينا ولبيوتنا حتى لو مش مركزين معاه، ومس المصحف بدون وضوء حرام في المذاهب الأربعة (الحنفية والحنابلة قالوا يجوز المس بحائل) لو فيه صعوبة ومش هنعرف نتوضى حاليا ممكن نقرأ من الموبايل أسهل

انا مدري وش جنون العظمة اللي عند المصريين هذا 😂 علي جمعة عالم اي عالم سباطي

قال يعني الشيوخ اللي في السعودية والخليج بيفهموا حاجة