Iris (@_thebbird) • ONVO

لو اكتشفتى ان جوزك بيشرب سجاير وانتى متعرفيش رد فعلك ايه وايه رايك فى شرب السجاير عموما؟

هي عمليًا صعبة تحصل عشان اكيد قبل ما اتجوز هكون عارفة كل فسفوسة عنه، فمش هخلي ده يبقى شكل علاقتنا مع بعض، إني اكتشف فجأة مش إنه ييجي يقولي. بس لو افترضنا إنه بقي بيشربها بعد ما تجوزته واكتشفت بالصدفة، هتضايق طبعًا يعني، بس it's not like إني قفشته بيخوني، بالعكس هبدأ افكر إنه ايه وصله لكده، يا ترى مضغوط او متضايق او او، والموضوع كله أصل هيبقى من منطلق إني فعلًا خايفة عليه ومش عايزاه يعمل حاجة تبقى بتقتله بالبطيئ وبتقلل أيامه مع عيلته. بالنسبة لرأيي في السجاير فهو زي ما قولت، حاجة بتقلل أيامنا مع بعض، بتقتله بالبطيئ، بتخليه محتاج يبعد عن أطفاله في وقت معين عشان ريحته كلها دخان او عشان يدخن. وحاجات تانية كتير. فأنا مش هحب إن جوزي يبقى كده

من لما دخلت كليتي وعرفت قد ايه هي مقدرش اعتمد عليها لأنها مش هتقدملي وظيفة في الاخر حاسة بإحباط ويأس وأنه الدنيا كلها اتقفلت أنا عندي حلم اني اشتغل واطلع من الصعيد كوني بنت ربما يكون مستحيل والتعليم كان املي الوحيد بس دلوقتي بقيت مجرد كتلة من اليأس

انا معرفش انتي في كلية ايه عشان أقدر اتكلم بموضوعية. لكن خليني اقولك إن مهما كانت كليتك ايه، في الوقت الحالي فكرة إن الفرصة تجيلك في حد ذاتها بيبقى نصه سعي منك وإستحضار للفرصة دي، ونص باقي الحاجات، وطبعًا قبل كل حاجة توفيق ربنا. توفيق ربنا عشان يجيلك بيتطلب منك السعي والعبادة والدعاء، هل إستحالة الأسباب وتعارض الظروف اللي قدامك دلوقتي يعني بالدليل القاطع إن الفرصة اللي كنتي عايزاها ضاعت؟ إطلاقًا. محتاجة بس تقعدي مع نفسك وتعدلي تفكيرك، وتبدأي تعملي خطة بديلة وتشوفي ايه اللي محتاجة تعمليه مع ظروفك الحالية عشان يوصلك، ومستحيل ميكونش فيه طريقة صدقيني، تقدري تكملي تعليمك، تقدري تتعلمي لغة، تقدري تعملي حاجات كتير. عايزاكي تفكري في حاجة مهمة، دخولك للكلية اللي انتي عايزاها أيًا كانت ايه، يعتبر طريق مختصر للي عايزة توصليله، وجودك في كلية تانية ميمحيش إمكانية الوصول لرغبتك، بس بيرسملك طريق جديد، غالبًا بيكون أطول ويمكن أصعب، بس صدقيني بتكوني محتاجة كل محطة بتعدي بيها وانتي ماشية فيه، حكمة ربنا أعظم بكتير من تخيلاتنا. وربنا يوفقك يارب، وتقدري دايمًا تسأليني لو احتاجتي حاجة اقدر اساعد فيها.

لما بشوف بنات في سنة أو أصغر منى وشاكرين وعندهم مواهب وأذكى مني بقعد اقارن نفسي بيهم ودا شئ مدايقني من نفسي جدا

المقارنة اوقات بتبقى شيئ فطري في الإنسان، وفعل شائع جدًا عشان كده ربنا بيقول "وَلَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ ۚ وَرِزْقُ رَبِّكَ خَيْرٌ وَأَبْقَىٰ". أول حاجة محتاجة تعرفيها إن العيب مش فيكي، وإنك تقارني نفسك بحد ميخلكيش شخص سيئ ولا يضايقك. تاني حاجة وهي إنك محتاجة تقنعي نفسك إن مش كل المظاهر اللي بتشوفيها قدامك زي "أذكى، أحلى، أصغر.." لا تمثل أفضلية مطلقة. لأن اصلًا العادي إن يبقى فيه بنت أحلى مني في الشكل، بس مثلًا انا أذكى، وفيه واحدة تالتة نفسيتها احسن. لكن هل فيه حد مننا افضل من حد بشكل مطلق؟ لا، ولو فيه حد افضل من حد بشكل مطلق هيبقى بسبب صفات زي إنه عنده إنسانية اكبر، شخص علاقته بربنا احسن، شخص الناس بتحبه بسبب شخصيته. دي المقاييس الحقيقية والمهمة. الحاجة الأخيرة اللي حابة أقولها هي إن عيونك مش بتشوف شكلك انتي، بس بتشوف الناس اللي حواليها، عشان كده ممكن تكوني مليانة مميزات انتي مش شايفاها، حاولي تدوري عليها وصدقيني هتلاقي كتير، ووقتها هتقدري تطوري حاجات احلى وأحلى. بالتوفيق يا عسولة ❤️

التفاصيل الكثير دي زي (مين الشخص ده بالتحديد). والتنبيه علشان ميحصلش مواقف سخيفة مستقبلًا.

أولًا، الشخص ده حد انت متعرفهوش. ثانيًا، الشخصيات اللي في الكلية بالنسبة ليا مش محور الكون ومش كل حاجة بتحصل في حياتي يبقى تتعلق بيهم. في حالة حدوث مواقف سخيفة؛ انا هعرف اتعامل معاها أيًا كانت من مين. فياريت نقفل المواضيع دي عمومًا. وعلى كل حال شكرًا على النصيحة.

مش نظرية مؤامرة ابدًا ومش ده الغرض من الرسالة بس فى .تفاصيل كثيرة متعرفهاش اعتبري الرسالة تنبيه مش أكثر.

ايه التفاصيل الكتيرة؟ وليه التنبيه؟

عارف إِني مينفعش أسترسل، ولكن الشخص اللي عامل اكونت بأسمي وبعتلك ده مش أنا واللي باعت أبيات الشعر دي واللي قبلها كذلك ده مش أنا ،معرفش هو مين وغرضه ايه ولكن كان لازم أوضح منعا لاي حرج أو سوء فهم (ياريت الرسالة متظهرش)

هو أيًا ما كان الشخص بس هو مش عامل اكونت بإسمك. هو عامل اكونت بإسمه هو عادي. ومفيش غرض خفي مثلًا لأن الإسم ده فيه منه ١٠ في كل شارع مثلًا، مجاش في بالي حاجة اصلًا لأني مش بفكر بنظرية المؤامرة

وَمَا كُنتُ مِمَّنْ يَدْخُلُ الْعِشْقُ قَلْبَهُ... وَلَكِنْ مَنْ يُبْصِرْ جُفُونَكَ يَعْشَقُ

الحل هو غض البصر لتجنب المواقف الحرجة اللي زي دي

عايزة اعرف السكريت والشنطة في اخر صورة منين

السكريت من براند Ravin الشنطة كانت من محل عشوائي في القاهرة مش فاكرة اسمه حتى بس تقريبًا في السيدة زينب، المحل كان جنبه التوحيد والنور من ناحية ومن ناحية تاني فرع لفودافون تقريبًا

"أُلامُ عَلى هَواك وَلَيسَ عَدلًا ‏إِذا أَحبَبتُ مِثلَك أَن أُلاما!"

من مصلحتك إنه يبقى عدل، عشان مكنتش هتنازل وأعطيك من الرمان اللي هفصصه في كل الأحوال

بسم الله ما شاء الله احلى حاجه فيكى دماغك نضيفه وموزنه وباين انه متعوب عليها جامد ربنا يباركلك والله

ذو العَقلِ يَشقى في النَعيمِ بِعَقلِهِ وَأَخو الجَهالَةِ في الشَقاوَةِ يَنعَمُ كل مُمتلَك له ضريبة، وتلك ضريبة ما عندي بهزر، شكرًا ربنا يسعدك يارب

الواحد بيعيش الاغنيه دي ابص لروحي فجأه لقيتني لقيتني كبرت فجأة كبرت تعبت من المفاجأة ونزلت دمعتي قوليلي إيه يا مرايتي قوليلي إيه حكايتي تكونش دي نهايتي وآخر قصتي

يارب قريب نعيش الدنيا ربيع والجو بديع عشان خلاص

لا مش Ai والله هو مجهودى وشويه search هو انا مش sweat talker مع الكل والله بس طلعت من جوايا مش عارف ليه

يا سلام على الناس اللي بتطلع اللي جواها ومتعرفش ليه

مش انا ال بعت المره الأولى والله اتمنى اكتبلك او ابعتلك شعر كل يوم لكن تعجز الكلمات عن وصفك

طيب وانت كمان ده مجهودك الشعري ولا AI؟ شكرًا، بس الsweet talkers دول بيقلقوني بالفعل والله 😂

Yes , you can say that

Be careful, I get scared by sweet talkers.

إنِّي رَأيتُكَ مُـنـذُ ألْــفِ قَـصِيـدة فِي خَافِقي وُلِدَتْ لتُنْجبَ بَسْمَلهْ. وُلِــدتْ لتَـتْـلُـو سُـورَةً مَـكِّـيــةً فيُجِيبَ ترَتِيلِي فُضولَ الأسْئلَهْ.

الله على الموهبة الحلوة الله. حاسة بالخجل جدًا والله لدرجة إني مش عارفة أرد. شكرًا شكرًا

No, I mean current picture

The moon?! Are you flirting right now? 😭

It's the first time you put your real picture on Twitter

You mean the one in the red dress? There were some other pics long time ago, but I deleted them all.

الأبيات لشعراء معروفين الأول للبوصيري الثاني لعبد الغني النابلسي مع تعديل بسيط الثالث لابن نباتة المصري وده عدلته تعديل كبير حتي لا تختل الوزن والقافية وبدون Ai والله

ما انا حسيت إن الأول للبوصيري بس ترددت شوية. عمومًا شكرًا جزيلًا على المحاولة. انت ممكن تكون نواة شاعر ما شاء الله، استمر.

ما صانَها نَقْصُ الكمال وَلَمْ تَفْتْ في الحُسْنِ بَسْمَلَةُ الكِتابِ الحَمْدْلَهْ فبسملة الأسماء هي اذا بدت تكون بآثار المؤثر في الأثر فاقت الكرام على تقديم عصرهُم فكانت بسملةً فى القوم وعنوانا

أستحلفك بالله يا أنون دي مواهبك الشعرية ولا بمساعدة AI؟

افتح التتش يا بيبو

نفسي افهم الناس اللي بتبعتلي هنا بتقول ايه