Bassem Elnour (@bassemelnour) • ONVO

مساء الخير ياريس عامل ايه, عايز اخد نصيحتك دلوقت انا كنت بذاكر امبدد بس لما السوق وقف حولت باك ايند وشغال بقالي سنة اهو من وقت ماتخرجت دلوقت جايلي اوفر باكد ايند جديد احسن من الشركة الي فيها وجايلي اوفر امبدد برضوا بس محتار بقى الباك ايند شغال جافا

خليك في الباك اند

ايه القسم الي بيجهز احسن لمجال embedded اتصالات ولا ميكاترونيكس

اتصالات

انا بذاكر داتا انجينر وناس كتير مش لاقيه فرص وبفكر اذاكر تيستينج انت شايف ايه الافضل كفرص في السوق وهل التيستينج مرتباته حلوه وهل اقدر اشتغل منه ريموت أو اسافر

الداتا احسن بس محتاج وقت اطول

مجال cybersecurity فيه فرص شغل في مصر ولا فرصه قليلة

مش مجالي بس تقدر تسأل محمد ابومسلم

أنا اتصالات و الجامعة عندي مفيهاش اي مواد لل operating system اذاكر ايه او ايه الكورسات الي تنصحني بيها عشان أعوض النقص ده ؟

شوف دول https://youtube.com/playlist?list=PLF2K2xZjNEf97A_uBCwEl61sdxWVP7VWC&si=d9P7bngQsThxLWz- https://youtube.com/playlist?list=PLTr1xN4uMK5seRz6IO7Am9Zp2UKdnzO_n&si=RWtijjjcCeoQd7j4

ايه اكتر مجال من مجالات الايمبدد مرتباته عالية Automotive - Medical - Consumer electronics

في مصر الاتوموتيف اعلي شوية بس برا تقريباً كله شبه بعض

هو لو انا من القاهره ودخلت اشوف التراكس الavailable لiti ال٤ شهور وبجد ملقتش غير ٣ مثلا اللي اعرف اختار منهم ومفيش تاني طيب لو انا حابه تراك تاني اعمل ايه؟ مش موجودين في سمارت ولا cairo uni ومفيش فيهم غير fullstack.net و uiux و python&devops محتارة اوي بجد ومش عايزة حاجه اونلاين انا عايزه اروح المعهد والتزم اوفلاين علشان الاونلاين مش بينفع معايا اعمل ايه

كل التراكات بتفتح وقت منحة ال ٩ شهور اللي تقديمها في شهر ٨ قدم/ي وحدها

هل لو انا مخدتش انترن طوب فترة الدراسة في شركات دا بيأثر بالسلب عليا و بيقلل فرصي ؟ ولو انا في اخر سنة دراسية و عندي جيش المفروض هل worth it اكمل مذاكرة في التراك ولا اشوف الباك اب من دلوقتي ؟ و شكرا مقدما

فرص الانترن اصعب من الجونيور، الموضوع مش هيأثر عليك بالسلب لا وقت الشغل. المهم تشتغل علي نفسك و تعمل مشاريع

ازاي اقدر اعرف حالة السوق في مجال معين و هيكون فيه فرص ولا لا

١- عدّد الوظايف اللي بتنزل اخر ٣-٤ سنين ٢- عددٍ الشركات اللي فاتحة و شغالة في نفس المجال ٣- تتواصل مع ناس شغالة في بس تكون ثقة او رأيها محايد و تسألهم عن حال السوق

مفيش اي امل في تحسن سوق الامبيديد في اي وقت قريب ؟

من اللي باين إن شكلٍ الموضوع لسه واقف حاله شوية في مصر، لو انت لسه متخرج او متخرج بقالك فترة يستحسن تشوف مجال تاني

اخدت تراك ايه في iti

امبيديد

مش شايف نفسي في مجال غيّر الامبيديد

السوق واقف دلوقتي فلازم تتأقلم مع الوضع يأما انت هتكون بتأذي نفسك

بجد نصيحة حضرتك مهمة اوي ليا لو انا طالب كنت بذاكر ايمبدد و واصل لمستوى كويس فيه بس لما السوق وقف خالص كدة بدات اذاكر تراك تاني و معتش بذاكر ايمبدد لو دخلت مشروع تخرج اشتغل فيه ايمبدد ولا التراك الجديد الي بدات اذاكره و مش ناوي ارجع للايمبدد تاني عمتا

التراك الجديد احسن

هندسة اتصالات ولا ميكاترونيكس احسن من ناحية مجال شغل و فرص العمل في مصر (معنديش اي تفضيلات )

اتصالات

من اول سن كام هيكون عائق اني الاقي اول وظيفة في اي مجال من مجالات البرمجة؟

علي الورق ومن كلام و تجارب الناس مفيش نظرياً، بس أنا شايف إن لو فوق ال ٣٠ فرصك هتقل جامد.

لو ميكانيكا وبشفت الافضل تيستر. ولا ديف اوبس

مش فارقة من وجهة نظري الاتنين زي بعض

لو حد خاض تجربة في منحه رواد مصر الرقمية يقولنا تجربته وهل هيا ولا iti ؟

لو هنتكلم علي المنح، مفيش حاجة احسن من iti موجودة. رواد مصر دي طلعت اي كلام في الآخر من تجربة الناس.

لو أنا اول سنة ميكاترونيكس تنصحني بي ايه اعمله عشان يكون عندي فرصة في سوق العمل بعد التخرج ؟

اهتم بمواد الكنترول كويس جداً ، اهتم بال MATLAB و Simulink و اهتم بمواد الاليكترونيكس، ذاكر برمجة كتير مع نفسك خصوصاً C++ و مواد زي ال OS، اهتم بالامبيديد و اقرأ عن ال ROS و اللينكس، حاول تذاكر مواد لها علاقة بال data science ، انت صغير و قدامك سنين دراسية حاول تذاكر فيها كتير و متعتمدش بس علي مصادر الجامعة و هتكون احسن مني ١٠٠ مرة ان شاء الله. فكر كمان في الماستر و السفر بعد الكليه و قدم علي انترنشيبس كتير. ربنا يوفقك.

ايه رأيك في هندسة الطاقة؟ ليها مستقبل ولا احول ميكاترونيكس او انشائي؟

ملهاش شغل في مصر اوي غير في نطاق ضعيف، لو تقدر تسافر بعدها كمل فيها لو لا يبقي حول ميكاترونيكس او حاسبات او اي حاجة فيها شغل برمجة و اليكترونيات، شغل ميكانيكا و كهرباء و مدني و الكلام ده مبقاش بيأكل عيش

هل قسم ميكاترونيكس سيئ و ملوش فرص شغل في مصر فعلا ولا لا ؟ وتنصح بي ايه لحد لسة في اول سنة ليه في القسم ؟

أنا كنت ميكاترونيكس في AASTMT و معنديش علم عن نفس القسم في جامعات تانية بس أنا بصراحة شايف انه مش قسم مفيد غير لو ناوي تسافر و تكمل ماستر برا. فكرة انك بتاخد جزء من كل حاجة ميزة و عيب بس أنا لو رجع بيا الزمن كنت هحول هندسة حاسبات