Ahmed (@dr.a.almuhammady) • ONVO

كم ياخذ وقت لنشر بحث بافتراض ان البحث جاهز؟

يعتمد حسب المجلة الي ب تنشرون فيها بعض المجلات تاخذ فتره قصيره بعضها تاخذ شهور ، ابحثوا بموقع المجلة غالبا حاطين قد ايش ياخذون عشان النشر والخ…

ايش المجلات المعتمدة من الهيئة لنشر الابحاث؟

اي مجلة تحقق واحد على الاقل من هذه الشروط فهي معتمدة: 1- مجلة سعودية تبع جامعة او جمعية ما تفرق 2- pubmed index 3- WOS index

ليدر للدفعة يبقى ثابت ولا يتغير مع بداية كل سنة سواء ميل أو فيميل

حسب الدفعه اذا ب يغيرون عادي اذا الليدر يبغى يستمر و الدفعه محد معترض عادي

تغيرت مواعيد اختباراتكم؟ راح تخلصوا بوقتكم

التواريخ زي ماهي ولكن فقط بدلوا ب نوع الاختبار كنا ب نبدا مقالي اول شيء حاليا ب نبدا ام سي كيو وراح نخلص تاريخ 25 مايو

رابع يخصلو فاينل قبلكم بكثير ؟ ليه ما يرتبوكم نفس وضعهم

لان عندهم الكتف اجباري احنا لسى باقي لنا الفاينل بعد اسبوع ان شاءالله

كم المعدل في البيسك اللي يحطني بالسيف سايد في الكلينيكال؟

مافي معدل معين بس حاول تطلع ب اعلى معدل تقدر عليه

خامس متعبة مقارنة برابع ؟

خامس اتعب سنة بكل الطب، بتدرس 9 تخصصات في سنة اول ترم 3 تخصصات و ثاني ترم 6 تخصصات، رابع مقارنه ب خامس نعيم والله اعتذر لو اجابتي قاسيه بس استمتع ب اجازتك كويسس 😂😂 ومعروف عن خامس انها اغث و اصعب سنة بس تتسهل ان شاءالله

كيف الكلينيكال مقدور على ال اي بلس ولا؟ وهل اشوفه اسهل من البيسك؟

مقدور بس يبغالها شدة حيل، البيسك اسهل لان الاختبارات اخف و معلومات اقل بس الكلينكال امتع بكل شيء

اختباركم اورثو الاحد؟ ومتى تخلصوا اختبارات البلوك مو غريبة للان تختبروا وما استعديتوا للفاينلز

الاحد اوسبي روماتولوجي الاثنين اوسكي اورثو الخميس mcq بعدها اسبوع استعداد بعدين فاينل 6 تخصصات ب اسبوع و يوم و بعدها نفتك من السنة المقرفة ذي

ايش مشكلة الخمول اللي يجي وقت المذاكرة رغم اني اكون نايم كويس ومآكل وأموري تمام

1- نقص فيتامينات 2- بعقلك حاط ان المذاكره ملل و تجيب النوم فكل ما تبدا تحس بنعاس، افضل غير مكان مذاكرتك و حاول تمشي وانت تذاكر و تتقبل فكرة ان المذاكرة روتين و بيروح الخمول باذن الله

يستاهل اخذ تدريب صيفي بعد البيسك مباشرة؟ وكم افضل مدة اسبوعين ولا شهر؟

صراحه مو ذيك الفايدة افضل شيء بعد رابع بس لو فاضي الصيفيه كامله خذ و جرب لو اسبوعين ما يضر، بالتوفيق

اليوم إختباركم كان موحد ؟

البروقريس ؟ يب موحد للكل

السلام عليكم ايش افضل سنتر في المدينه للاشعه التشخيصيه؟ رتبهم لو سمحت اذا ممكن وايوه كيف مدينه الملك سلمان فيها، كويسه؟ هل فيه متطلبات للتدريب للامتياز؟ او اذا عندك طرق تواصل مع اشخاص يقدرون يساعدوني بكون شاكره الله يسعدك

وعليكم السلام و رحمة الله و بركاته ما عندي خلفيه عن التخصص و افضل سنتر، افضل اسألي رزدنت او دكتور مصطفى الحسن ممكن يساعدك، بالتوفيق

التخصص عندكم فيه حقد وحسد بينكم بين بعض بشكل ! ايش السبب مع انه كل واحد في النهاية ما ياخذ إلا قسمه ورزقه

التعميم غلط، لا انكر وجود العينه ذي ولكن هم قلة ولا يمثلون الا انفسهم و التخصص بريء منهم

السلام عليكم تعرف متى يفتح التحويل الخارجي لجامعه طيبه وايش الشروط المطلوبه برضو اداره تخصص الاعمال فيه تحضيري او لا يارب ترد

وعليكم السلام و رحمة الله و بركاته، يتم الاعلان عنه عن طريق القبول و التسجيل، غالبا نهاية شهر 12 او بداية شهر 1 و ايضا يعلنون عن الشروط وقتها ما عندي خلفيه عن تخصص إدارة الأعمال، بالتوفيق

البحوث عندكم عادي اشتغلوا عليها فيميل وميل ؟

البحث الإجباري من الكلية لا بس عادي بحوث خارج الكلية

قالو لكم عن آخر يوم فاينل

يوم 25 مايو

نزلات المستشفى عندكم كيف نظامها وعندكم اوف؟

مقسمة ب الاسبوع ما بين نزلات مع الدكاتره و اتاتشمنت ( تنزل لحالك) حاليا مافي اوف بس افتكر برابع كان في يوم اوف و حسب جدولك و حظك

كيف اول يوم في الأورثو؟ التقييم العام

الاورثو تخصص جميل بس مشكلته جاي نهاية السنة و الطاقة 0 😂 التقييم بإذن الله نهاية الروتيشن

السلام عليكم أخ احمد ممكن نعرف مين دكاترة الاناتومي عندكم ؟ والميديسن

وعليكم السلام و رحمة الله و بركاته الاناتومي الي افتكر؛ د عيد، د إياد ، د ياسر الحسن، د سيد الميدسن عندنا دكاتره كثير حدد ب اي تخصص تبغى