Abdelrhman Essam (@gentle_lion_445) • ONVO

أنا فأولي كلية وحاسس اني تايه جدا ومش عارف اعمل ايه فالسن ده

اسمع كلام الكبار، عيش سنة واستمتع بالوقت ده، ذاكر محاضراتك وأخرج واصرف فلوس، وعيش….متحاولش انك تخصصه لمسؤولية اكبر من سنك…عدت سنين الكلية وكل اللي فاكره هي الطاقة السلبية اللي حطيت نفسي فيها، وقت ايه وقتها كنت شايف الدنيا سودة لاني كنت بفكر فحاجات تتخطي مرحلتي العمرية، النتيجة تساقط شعر وحزق ع الفاضي، مع اني مكونتش مضطر وأهلي كانوا شايفيني. معقد الأمور وأصعبها علي نفس …..سبحان الله كان مكتوب ان كل حاجة تحصل في وقتها، وانا دلوقتي مش واصل الي عاوز لكني في نعمة كبيرة ماكونتش اتوقع اني أوصلها فالتوقيت ده، والحمد لله.

مبتحبش ليه شغل الأطفال برغم اني بحسك حد لطيف

والله أنا حد لطيف وكل حاجة، بس شغل الأطفال بالنسبالي ليه ناسه…عاوز صبر وحد بيعرف فعلا يكبر دماغه وعاشق لترجيع الأطفال و روايحهم الفواحة، وانا مش واحد من الناس دي، ومش حاسس ان المفروض الإنسان يضغط نفسه فحاجة مش حاببها.

انا مش ضد الشغل ولا معاه انا مع انو الواحدة يكون لها أولويات يعني لو حست انها مقصرة في بيتها أو تربية أولادها وأنها تتعلم وتعلمهم دينها فشايفة انو ملهوش لازمة انها تشتغل بس فى الاخر هي وجهات نظر وكل واحد حر

بالظبط وجهات نظر، مفيش حد فيها غلط، كل واحد بيختار اللي يريحه…

مش لازم انه عشان الست مشتغلتش أنها كده مش هتعرف تاخد قرار او يكون ليها رأي مش منطقي الصراحة

مقصد كلامي، ان الشغل عامةً بيعلم، وانا مش بتكلم علي وظيفة بعينها، او كار معين، امي كانت كلية تجارة، و حد مجتهد جدا جدا واتعلمنا منها كتير، أنا بتكلم فالمُجمل، ف انسان بيجتهد فحتة معينة اياً كان مجال الدراسة….مش مقتنع تماما بان الست يبقي كل شغلها الشاغل ازاي تعمل محشي او صينية بطاطس، ومش دي الشطارة من وجهة نظري. وفالاخر ده مجرد رأي اللي مش شرط أبدا يكون صح ومش لازم يكون غلط.

بتعمل ايه فالاجازة

روتين ممل جدا اتوكع انك مش هتحب تعرفه لو مش متخرج