raء (@hooooooph) • ONVO

اشغلتينا ترا كل يوم الجنوب و الجنوب والله لو انكم جبال سويسرا

بمشيها عشان اكيد مرسلتها ودرجة الحرارة +٤٠ ومأثرة عالنفسية شوي😌

هم كذا بدايتهم بس انا لاحظت انهم قروبات لاني مبلكة حسابات و احصلهم بعدين ضايفين بعض

مادري عنه ماذكره زين بس اذكر اغلب البنات كانوا ضايفينه زينب و ع وكذا بنت وافكاره ابدا ماكانت ردبلجية ترا لمن تقولين ردبلجية يعني سعد مولوتوف وصاحب الدور وبارود وطقتهم… هذا على ما اذكر كان ضد النسوية وماكنت مع افكاره ١٠٠٪؜ بس جد ماكان ردبلجي وقتها مدري عنه اما الحين

طلع لي حساب واحد ردبلجي بالصريح و حصلتك ضايفته انا بس عندي سؤال شلون عندكم مرونة و تقبل لهالنوع من الحسابات اسال جد لان هالحسابات تخوفني

متأكدة؟ مستحيل يمكن بالغلط هذي الفئة تستفزني قبل تستفزك شاركيني اليوزر لا هنتي ما بنزله بس بشوف اي حساب تقصدين

يووووه نسيت اخبرك انا اللي كلمتك قبل فتره انقبلت صيدله رغبه اولى والجميع يقول اني تورطت وانه صعب لكن ما اهتم احسه حنكه

مبروووووككك😭❤️😭❤️ ماعليك منهم التخصص مقدور عليه الله يوفقك وييسرلك يارب

السلام عليكم الله يسعدك لو قلت لك ترشحين كتب لوحدة ودها تدخل عالم القراءة او مبتدئة تقريبا وش بتكون؟

وعليكم السلام ورحمة الله وبركاته انا المبتدئة شخصيًا ههخ بس وش المجال الي ودك فيه بشوف لو عندي ترشيحات

اذا ماعندك مانع ممكن تساعديني تقوليلي ايش جالسه تاخذي دورات تخصصي زيك صيدله ونفسي الصيف مايروح بس كذا

دورة تسويق واكاديمية بحثية هذي الدورتين الي لها علاقة بالصيدلة واذا ماعندك تدريب صيفي اجباري خذي تدريب فمستشفى منها خبرة وممكن تحصلين ريكومنديشن والله يوفقنا ويوفقك

الله يسعدك عسلل❤️ رجعوا القبول المباشر وشالوا المسارات كانت المسارات اخر امل عندي و الامن السيبراني والقانون والهندسة الكهربائية كلهم متقبلتهم بس من كثر الهدره وذا تكدس وذا عطاله ومدري ايش لاعت كبدي

امين وياك يارب دام شالوا المسارات يمديك باذن الله تحيبين ٥ وتحولين الله ييسرلك

جامعة خالد نزلت المكافأه؟ لانها مانزلت لي ما ادري ليه

يب نزلت ليلة ٢٣

اهلًا موزونتي ٩٢ جامعة خالد تخصصاتها تلوع الكبد وما معي غيرها يأس وأسى تهقين لو دخلت تمريض بقدر احول بعدين؟ يمديني اجيب ٥؟ بخاطري طب وجراحه

حلوة موزونتك بسم الله عليك+ ماعاد فيه تخصيص مباشر للتمريض بعدين تحولين طب❌من الدفعة الي قبلك صار مسار تحضيري وبعد التحضيري تخصيص ٣٠٪؜ موزونتك و٧٠٪؜ معدل التحضيري للحين هذي الدفعة ماطلعت درجات تخصيصهم فما اقدر اعطيك رقم تقريبي لكن استخيري وتوكلي على الله وتراكم احسن منا على عهدي لا هندسة ولا عمارة ولا امن سيبراني ولا لغة صينية اشوى عندكم تنوع حاولي تدورين زيادة والله يوفقك وييسرلك

مسمية الأسباب الثانية ترقيعات وخليت الغالب الي اتفقنا عليه على أي أساس؟

ترقيعات لفئة معينة مو ترقيعات بشكل عام

كلامك مب صحيح الرجال متفقين ما بخطبون الي يرونها أعلى منهم لكن الدكتورة -إذا سلمنا أنها أعلى لمجرد أنها دكتورة- تشتغل في بيئة سيئة ما يختلف عليها اثنين ودوامهم طويل ومرهق ذهنيًا ليه بتزوج وحدة تشتغل بمكان مب مريح لي؟

خلاص اهم شي اتفقنا على اول نقطة المبررات الثانية موجودة عند كثير من الرجال انا ما جعلت سببي هو الوحيد لكن اتعجب من عدم ذكره والتركيز على اسباب تتشارك فيها عدة وظائف

السلام عليكم ورحمة الله وبركاته سألت أحد المشايخ عن حكم وضع صورة كرتونية أو أنمي كصورة عرضك، فأفاد بأنها لا تجوز حتى وإن طُمست ملامح الوجه، وذلك لأن الأصل في هذه الصور هو التجسيد المحرم وكمسلم، أرى أنه من واجبي أن أنصح وأذكّر، عملًا بقول النبي ﷺ: “الدين النصيحة…” وأحب أن أقول لك بكل احترام: يجب عليك تغيير هذه الصورة، وإلا فإنك تتحمل الإثم، لأن من بلغته الحجة ولم يستجب، فقد عرّض نفسه للمسؤولية أمام الله اللهم إني بلغت، اللهم فاشهد

جزيت خيرًا انا ما وضعتها الا بعد ماشفت فتوى تبيحها ماقصرتي

اذا وصلك ولا ودك تردين قولي هنا بعد عشان اعرف و مو لازم تطلعين الكلام بكيفك

مدري سؤال صعب حاليًا هاجسي وهمي كله اتوظف واسس لي مصدر دخل المستقبل مايندرى عنه ممكن امل وافضل البيت الله اعلم بس السالفة كلها اذا توفر ما يغنيني عنها اكيد بفضله عليها

عندي سؤال ملقوف جدا عادي اسأل و تجاوبين او تسحبين هنا بدون ما تنزلينه بتويتر

تمام وشو

ادعيلي بعرفة لاهنت بجوامع الدعاء، حسيت اني بجيح بس عادي

ان شاء الله ادعي لكم جميعًا

كتبت الكلام و كثرت السطور ثم فكرت شوي و حذفته لان ماله لزوم و لا ادري عن ظروفك و كله هرج سعة عالعموم الله يوفقك و يستر عليك و يغنيك عن الإختلاط

تم امين

اكتب و الا معلق لاني ناوي استرسل دامك سمحتي

ايوه زان

ودي الصدق اناقش كلامك هنا بس ما ودي بنفس الوقت اتطفل فاذا الامر ما يضايقك فانا فعلا عندي رأي باللي كتبتيه و اشوفه خطأ

ايوه عادي

طيب الله يوفقك مدري حسيت انه يناقض فكرك و نظرتك للحياة وعالعموم موفقة و ما قصدت اتطفل لان احسك تضايقتي بس اني كذا احب افهم الناس اللي اتابعهم و يعجبني تفكيرهم و انظر لهم كتجربة انسانية كاملة بافكارهم و تناقضاتهم و احسه شيء ممتع

لا أبدا ما يناقضني لأنه مو تفضيل شخصي مني قد ما انه واقع مرغمين نعايشه طبيعي لو فيه خيار وظيفي بعيد عن الاختلاط انه بيكون رغبتي الأولى امين اجمعين

طيب الجزء الثاني من السؤال عندي فضول جدا لاهنت اللي يخص التخصص و الوظيفة والاهل

مافيها فضول بالعقل داخلة التخصص برغبة تامة وبعلم اهلي يعني اكيد متقبلين وبالعكس داعمين ولله الحمد