☆ (@ii7em_) • ONVO

لو رحتي ميكب ارتست وماعجبك شغلها بتقولين لها ولا لا في وجهها او تسكتين؟ وخصوصا لو انتي دافعه مبلغ٢٢ عالي

مابقول بحاول تخليها تعدّل قدر الأمكان الشي الي مو عاجبني وأصارحها أقول هذا مو عاجبني شيليه وجذي، والصراحة؟ أنا اشوف الميكب فن كغيره من الفنون وكل وحدة لها بصمتها الخاصة فأنتي تكونين شايفة مقاطع لميكبها وطالبتها على أساسه ، فاذا ماعجبج ممكن يعجب غيرج وهكذا ، ممكن بعدين ارسلها بحسابها كنقد بناء عشان تتطور مو اسب وجذي

يوم السبت بسافر مكه تبين شي من مكه ؟

دعواتج ان الله يهديني ويثبتني وان اختي ماتصفقني

الله يسعدك سعاده تقولين وش بقى للجنه 🩷

وياكم يارب

حبيبتي انتي غلطانه شنو ٢٠٢٧

مو غلطانة

السلام عليكم لو سمحتي ابغى نصيحة ، انا معجب ببنت وابغى اتقدم لها وماصار بينا كلام قبل ومابغى يصير كلام صراحه لأن بالنهايه حرام هالشي وابغى اتقدم لها مباشره هل نسبة الرفض تكون عاليه بالزمن ذا ولازم يكونو يعرفو بعض؟؟

وعليكم السلام ورحمة الله وبركاته اذا من الخليج ممكن موضوع القبايل يأثر لو مو من الخليج اظن تضبط ان شاءالله خل وحدة من محارمك تتواصل معاها وكذا

لو ياج حد معجب فيج بيتقدم لج تعطينه ويه

عاد والله معجب مو معجب يدل دربه بالخطبة ماعندي هالسوالف والله

انا خلاص قررت اتزوج معاد ابي اصير ‏ Independent woman ‏ابي اكون ربة منزل تدلع زوجها انا انهرت من ضغط الإختبارات

اهلا فيج بفريقي

شنو هي الطريقه الصح ل صلاه الاستخاره تعرفين

اقري من موقع ابن باز

تستاهلين كل خير سبحان الله احياناً مانعرف الشخص معرفة شخصية بس من كلامه نلتمس نقاء معدنه و نظافة سريرته وهذا انطبق عليج والله هذا واااااااقع

كلامكم يذبحني ، انا مو شخص جيد لهالدرجة

الواحد ودّه الناس إلّي يدشون حياته يكونون أفقه و أعلم وأوعى منه ، أفضل منه على جميع الأصعدة حتى بالفكاهة وشراحة الصدر، نبي نتعلم نبي نقتدي نبي نستفيد.

اتفق

امي تقول لي اذا صار نصيب لا تسوين خطبه بس حفل كتب كتاب حق الي نعرفهم ؟تمام انا النيه اسوي خطبه بس مابي اسوي عرس ابي نصيحتج احترت اسمع كلامها اولا

سوي الي تبينه بس اذا ندمتي باجر كوني قد قرارج ، صراحة أشوف ان كل شخص يسوي الي يبي عشان باجر ماتلومين احد انه ماخلاج تسوين الي ببالج

الله يحبج وعشان تتقربين منه اكثر يحطج في مواقف صعبه عشان تلجئين له ‏هذا دليل انج انسانه طيبه وفيج خير ‏الله يسعدج ويوفقج يارب

أجمعين يارب الله يرضى عنج🤍🤍

السلام عليكم ابي رايج ونصيحتج لا تنزلينه تل ام المعرس امس جافتني تمام واعجبتها اتصلت على امي اليوم تقول لها الرالد يبي يجوفوني هالاسبوع هو وامه واخته بيقعد يسألني اسئله ماعرف شنو بيسأل مستحيه مب متعوده غششينيي شنو ممكن يسأل انا اكبر حفيده ماعندي خلفيه شنو مفروض البس تحسينن ماعرفف

وعليكم السلام ورحمة الله وبركاته عادي مو لازم تعرفين اسئلته جاوبي واسالي انتي بعد عن الامور الي تناسبج انتي وشخصيتج لازم تعرفين منو انتي عشان تسالينه اسئلة ترسم حدود لج انتي ، تلبسين شي مستر اهم شي وموفقه يارب

من قلة المروءة الواحد يتدخل فيما لا يعنيه .. بس مو موقف حاصل قدام الكل يا بهيمه و فيه ظلم و تبين الناس تسكت

انتي عاد مايحتاج نتكلم عن مروءتج على هالالفاظ الله يعينج على نفسج شوف من يتكلم عن الحق ههههههههههه

وش احلى قصايد بدر عبد المحسن عندج

ماسمعله

على طاري الدراسه برمضان والله اني اتمنى من كل قلبي تنلغى الدراسه برمضان من غير شر هو مره وحده بالسنه ماودنا نقصر فيه حرفيًا ما ردني ادرس جامعه غيره

والله اتفق

وين تنباع سياره جيلي بريفيس فالكويت

مادري والله لا تسألوني عن سيارات

تعالي الدوحه

يلا احجزيلي تذكرة وتم

جايننن لكم ضيوف مثلا ماتبين تقعدين وياهم وش تسوين

اقعد بغرفتي

السلام عليكم ابي نصيحه بس لا تنزلين كلامي تويتر انا متوتره بيجون يجوفوني جوفه شرعيه عقب المغرب بعد ساعات الوضع يوتررر صج مانعرف اذا بيجون كلهم ولا بس الاب والام والوالد ماقالوا اذا بيجون الاخوات اولا ماعرف شنو مفروض البس ماعندي خوات كبار وش تنصحينيي بليز

والله مانتبهت للرسالة ، بشري شصار؟