منونه (@manoona65) • ONVO

انتي ممكن تتنازلي عشان حد معين؟

على حسب الشخص دا مين و علاقتنا مع بعض عامله ازاي لانه أكيد تنازلي مع أهلنا غير صحابنا غير ناس تانيه. فلو قصدك شخص متقدم مثلا فأكيد أول حاجه هنشوفها في يعض شكلنا و على الأقل يكون فيه قبول من الجهتين و بعدين نكتشف بقى و أكيد مفيش حد كامل احنا بنكمل بعض و عايزين حد فاهمنا و مقدرنا فلو العيوب دي هقدر أستحملها و هو هيستحمل عيوبي فالحوار عادي و تنازل من عندي و تنازل من عنده و الدنيا هتمشي أما لو عيوبه دي وحشه و توكسيك و هترهقني أنا كشخص فأتنازل ليه هو من بقية أهلي مثلا احنا مخطوبين عشان نعرف بعض و نشوف هنعرف نعيش مع بعض و لا لأ فلو أنا طالع عيني و احنا في البدايه فأكيد اللي جاي أسوأ و كل واحد يسيب التاني في هدوء و خلاص و العيب مش من حد احنا بس مش لايقين على بعض و خلاص

ما شاء الله شكل ايدك خطيره فممكن أسألك إيه الروتين بتاعك ليها

تسلمي يا رب ❤️. بصي أهم حاجه تعمليلها باديكير و أنا بعمله في البيت عادي و تقشير كل أسبوع مثلا مره و استخدمي اي برودكت بترتاحي معاه. و أهم حاجه متنسيش تحطي sunscreen على ايدك لانها بتعجز بدري و جدديه. و اللي يفرق معاكي فعلا الترطيب رطبي كتير أوي و لو بتغسلي مواعين اغسليهم بجلافز و رطبي ايدك بعدها و بالليل ممكن تجيبي أي جلافز عندك و حطي فيه مرطب و على ايدك مرطب و نامي بيه و خلي ضوافرك دايما تكون نضيفه بس و شيلي الزوائد اللي جمبه أول بأول و بس❤️

باين من ردودك إنك متدينه أوي

لا خالص يا أنون أنا معرفش ايه مقياس التدين عندك بس كل واحد للأسف بيقيس على وضعه لو أعلى منه في التدين و لا لأ. أما كمقياس دين فأنا في القاع خالص للأسف و عايشه حياتي فعلا للأسف برضو بسمع أفلام و ممكن أغاني و مش ملتزمه بحاجات كتير و هو الحوار ماشي بستر ربنا اللي بيستر ذنوبي عن الناس فبيتخيلو إنه أنا متدينه بس. فأنا زيكو و الله😭

عايزه تتجوزي صالونات و لا عن حب؟

طب ما نقول ميكس من الاتنين يعني هو حبني و اتقدم و نتعرف في الخطوبه براحتنا هو حد هيجري ورانا؟ بعيدا عن حرمانيته و دي لوحدها تكفي أصلا ليه بدل ما نكون خايفين و مفيش رابط أصلا نعمل كده في وسط عيلتنا و خلاص. فدا رأيي و مش بنظر على حد بس كل واحد حر في حياته و ربنا يكتب الخير لكل الناس

شاكك انك منه اللي معانا ف علاج و دا الاكونت فيك بس معنديش دليل 😂👀

تؤ تؤ كنت أتمنى و الله بس العنوان غلط يا أنون 😔

الله يعينك مهو ربنا مطلع عليكي و عالم باحوالك متنسيش انه ربنا مطلع علي القلوب و لو واحد فينا بس عزم علي فعل خير و معملوش حتي بيتكتبله حسنة ربنا ارحم بكثير اوي مما احنا متخيلين و ان شاء الله ربنا يثبتك و يعينك علي الي انتي فيه

يا رب يا رب شكرا ليك يا أنون و شكرا على كلامك و دعائك و ربنا يجعله في ميزان حسناتك يا رب 💗

هي اه طبعا سورة البقرة من الورد اليومي كده كده بس المفروض يعني والله اعلم منهجرش باقي القرآن هي حوالي ٤٨ صفحة تقريبا ممكن احسن طريقة يعني ١٠ صفح ولا حاجة في ربع ساعه بعد كل صلاة يخلي الموضوع سهل و الورد بقا اليومي اما تصحي من النوم او قبل ما تنامي حسب طاقتك يعني انا عن نفسي بحاول اقرا كل يوم جزء بس اول ما اصحي من النوم علطول عشان مكسلش بس مجربتش موضوع سورة البقرة بس اغلب الي ملتزمين بيها بيقروها كده للتسهيل يعني و الورد الي مع سورة البقرة مش شرط يبقي طويل يعني ممكن كام صفحة كده

أنا الحمد لله كنت وصلت لجزئين في اليوم و علو الأقل خالص أختمه مره في الشهر و على قد ما أقدر يعني. بس عايزه أدخل صورة البقره و دي أصلا جزئين و شويه و الحوار متعب ليا فبطلت الورد و حاسه بالذنب فمش عارفه فبسأل من حيث الورد نفسه ممكن أوقفه عادي على حسب طاقتي و لا أقلله و لو قللته أخليه قد ايه مثلا. شكرا يا أنون إنك جاوبتني بجد و ربنا يجعله في ميزان حسناتك ❤️

ممكن شنطة، حاجات مدرسة، سبورة مع أقلامها، ساعة، برفان، ميدالية عليها صورتكم مع بعض، مج عليه صورته

شكرا يا أنون على اقتراحاتك بجد و خلاص أخدت منهم و قررت اجيبله حاجه لذيذه منهم. و شكرا بجد ليك 🙏

تيشيرت كورة: سواءالفرقة اللي بيحبها أو ممكن بتاعت منتخب مصر الجديدة أو ليفربول محمد صلاح أو برشلونة أو الريال كورة يلعب بيها كوتشي سواء للكورة أو يخرج بيه هدوم بقا أكل: بيتزا برجر كريب وهكذا

ما هو للأسف جبتله دا كله و بفسحهه كل شهر أو شهرين و هو بيعشق الكوره فجبتله كل حاجه ريلاتد ليها من لبس و شوزات و عنده كورتين و هو أوريدي عنده لبس كتير كخروج أو بيتي و ماما و بابا بيجبوله فعايزه أجيبله حاجه جديده و يفتكرها دايما لانه كل سنه بجيبله حاجات مميزه و دايما فاكر ذكرياتها فعايزه أعملها السنادي بس معرفش أعمل ايه😭. شكرا يا أنون على ردك و مساعدتك ❤️. و لو تعرف فكره تانيه أتمنى تساعدني بيها 🙏

حساكي دحيحه ومش قصدي حاجه والله ماشاء الله وكل حاجه بس عايزاكي تنصحيني لاني ثان يه عامه واحنا حاليا ف شهر ٤ وانا مش بذاكر بالكميه الي اجيب بيها مجموع حتي ومش بعرف اخل فيزياء نهائي وله انجليزي وغلطات كتير ف العربي والكيمياء لسه مخلصتهاش وأحياء بذاكرها ومبعرفش احل ارجوا تنصحيني وتقوليلي كنتي بتعملي ايه فثانويه؟

لا عادي و الله أنا كنت دحيحه فمتخافيش😂. بصي المذاكره مش بعدد الساعات و انا طول الثانويه كلها مذاكرتش ست ساعات ورا بعض حتى فهي مش بالوقت ذاكري ساعتين بتركيز أحسنلك. حاولي تنظمي وقتك يعني اقعدي مع نفسك كده و ورقه و قلم و شوفي نفسك وقتك بضيعيه فين و كل ماده ناقصك فيها ايه و محتاجه ايه و أتمنى تبدأي النهارده و أكيد اناي بتذاكري من أول السنه فالحوار مش هياخد معاكي وقت ان شاء الله و لو مراكمه فأنا كنت براكم بالهبل و لما حصلي دروب كنت مبصيتش في العضويه و هم خلصوها فعادي أهم حاجه انتي تاخدي موقف من نفسك و تشدي جامد بمعني جامد و جيبي أخرك و بالنسبه للانجليزي امتحانه بيكون سهل أوي فمتخافيش اناي حاولي تذاكري القصه كويس و تجمعي حصيله كويسه من الكلمات و بس و بالنسبه للفيزياء فمع الحل و الله أنا كنت بغلط كتير بس حلي حلي كتير أوي و ركزي شوفي ايه سبب أخطاءك قلة مذاكره و لا سهوا و لا فكره جديده و العربي دا مش منهج على قد حل حلي قراءه و نصوص كتيره و جمعي أفكار على قد ما تقدري و الأحياء حاولي تفهميها كويس بس هي سهله و الله بس افهميها مش تحفظيها و كل حاجه بتيجي بالحل الكتير و ربنا يوفقك ان شاء الله ❤️

ربنا يكرمك بالخير كله يارب وباذن الله تنفع معاك وتساعدك فالمذاكره يارب

اللهم آمين و لكم المثل و شكرا يا أنون للمره التانيه بجد🙏

ساعات بتحصل عكوسات ده اغلب الوقت قبل الاستجابة ده خير هو كله خير ان شاء الله ده انتي لو صبرتي دلوقتي مش هتتخيلي الجزاء و العوض الي هتاخديه دنيا و آخرة و متخليش الشيطان يضحك عليكي او يلعب في دماغك و معلش ربنا يهون عليكي صلي ركعتين شكر لله علي الي حصل ايا كان و متنسيش حديث الرسول عَجَبًا لأَمْرِ المُؤْمِنِ، إنَّ أمْرَهُ كُلَّهُ خَيْرٌ، وليسَ ذاكَ لأَحَدٍ إلَّا لِلْمُؤْمِنِ، إنْ أصابَتْهُ سَرَّاءُ شَكَرَ، فَكانَ خَيْرًا له، وإنْ أصابَتْهُ ضَرَّاءُ، صَبَرَ فَكانَ خَيْرًا له و ربنا يهون عليكي

شكرا ليك يا أنون على كلامك أوي بجد و ربنا يجعله في ميزان حسناتك و تلاقي دايما اللي بيهون عليك. و شكرا إنك تعبت نفسك أصلا كمان في الكتابه

بصي انا معرفش انتي بتدعي باي ولا اي الي حصل بس بجد بلاش كلمة مستحيل دي مع ربنا لان هو رب المستحيلات و اوعي تبطلي دعاء او تفقدي الامل يمكن ده اخر اختبار لربنا عشان يشوف يقينك او اخر زقة الي بعدها هتحصل الدعوة انا بردو في دعوة بتمناها و لسا محصلتش و بقالي كثير بدعي بس حتي لو محصلتش الدعاء ده اعظم عبادة و في ناس بتقعد سنين تتاخر الاستجابة بس عشان ربنا بيحب يسمع صوتهم كل ليلة او يمكن ربنا شايلك حاجة احسن عشان تستاهلي احسن عشان ربنا عارف الغيب و احنا لا بس ربنا قال ان الدعاء دايما مستجاب حتي لو

شكرا يا أنون على كلامك بجد بس هو حصل العكس في كل حاجه و أنا بتكلم إنه عمري ما اتخيلت العكس و بجد كان أرحملى معيش اللحظه دي بس سبحان اللي خلى فيه سكون في قلبي و الحمد على لساني فأنا بالنسبالي خلاص سلمت أمري لربي و ارتضيت الحمد لله و أكيد زعلانه و هموت بالمعني الحرفي و كل اللي عملته اتهد على راسي حرفيا و كل حاجه بتبوظ بس الحمد لله و مستنيه عوضه اللي هينسيني أي حاجه حصلت و أتمنى أشوف حكمته قريب عشان أهدى شويه حتى

كفاية قهوة بقي 😅

لما آخد من قهوة بيتكو يبقى تعالو اتكلمو 😠

لا مش هابعد 😶😅

أنا حذرتك و انت براحتك

عايشه دى يبقي النفسية على الأرض 😐😂

كلنا عايشين يا أنون

اخبارك ايه

عايشه

من المنوفيه ودكتورة كمان 😅

منوفيه مين دي استغفر ربك على اللي قولته

كام سنة ومنيين

دي معلومات سريه دي

امتي ممكن تقرري تاخدي خطوة انك تتخطبي او تتجوزي

مستحيل حاليا بالمعني الحرفي أنا لسه صغيره و دا حقيقي أكيد لو هفكر فبعد الدراسه و الله أعلم بعدها علطول و لا بعدها بفتره لاني عمري ما بصيت للجواز نظرات البنات انه حب و خلاص بالنسبالي أكبر من كده. فأنا عمري ما هاخد الستيب دي الا و أنا متأكده إنه أنا جاهزه ليها جاهزه نفسيا أكتر كمان و إنه هعيش مع حد الباقي من عمري فأكيد الاختيار هيبقى صعب و لازم ميجيش لحظه ندم على اختياري و هختاره كأب و كزوج و أنا أكون متأكده إنه هقدر أعمل واجباتي و هقدر أكون زوجه و أم صالحه و هعرف ابني بيتي زي ما أنا عايزه و أحقق طموحي معاه برضو و حاليا أنا مش مستعده و عمري ما هقدر أوفق أصلا