Nemat Reda (@nematreda098) • ONVO

يعني اي الدرجه ال رايحه عليها معلشي ولو نيابه صحه برضه نفس الكلام

يعني لو القسم اللي انت رايحه فيه هيكون فيه أماكن خاليه مثلا ل ٣ دكاتره وإنت واخده التخصص رقم ٣ مثلا فاللي اخذوا فبتنتظري لحد ما رقم ٣ من اللي ماشيين يخلص نيابته ويخلي من القسم وبتروحي مكانه، نيابة الصحه بتختلف لو انت نائي أو مركزي تخصص ملح أولا هتروحي تعليمي أو صحه المده بتروح من ٦ اشهر لسنه او سنه ونص وقت لما يقرب استلام تكليفكم بيتعملكم جروب وبينزلكم بوستات تفهمكم الدنيا بتمشي إزاي

هو ال واخد نيابه جامعه بياخد تكليف ف وحده صحيه برضه ؟ مدته اد اي

أيوه كل الناس بتستلم تكليفها وبتخلي منه أول لما الدرجة اللي إنتِ رايحه عليها تفضي

البروفايل بتاعك مبهج اوووووي 🩵🩵

شكراًً

وبعدين ايه اي حد دي 🫣

لا حيث كده بقي ياريت بجد متعرفنيش إنت مين

تمام انتي الكفاءه بالنسبالي ايه

اسفه دي أمور شخصية مش بتناقش فيها مع أي حد.

بس عشان ميكونش في احراج بس

من شروط الزواج الكفاءه ودي بقي بتختلف من شخص للتأني فهي مش قاعدة

لازم الخطيب يكون medical field ولا مش شرط

لما الخطيب يتقدم بشكل رسمي يبقي يعرف الإجابة

You deserve all the best, proud of you

Thanks, I really appreciate that.

بتشجعي كورة؟

كأس العالم وماتشات الأهلي والزمالك بس

لو سمحتي يا دكتورة اولا ألف مبارك لحضرتك، بالتوفيق دايما يارب، ثانيا كنت عاوز اسأل حضرتك لو حد مجموعه وترتيب في سنة اولي وتانية مكنش احسن حاجه، لو شد في تالتة ورابعة وخامسة ممكن يلحق نيابة جامعة؟

الله يبارك فيكي يارب، أيوه طبعاً حصلت وبتحصل كتيرا جداً جداً استعيني بالله واعملي اللي عليكي وذاكري وربنا هيرزقك الخير أياً يكن هو فين.

مخطوبة أقصد 😂😂😂😂😂 انا آسف مأخدتش بالى

لا

انتي مخطوطة يا دكتورة ؟

مخطوطة إزاي يعني😂😂😂

إنت جميلة يا نعمات حقيقي ربنا ينور بصيرتك ويرزقك الحكمة ويرزقك الونس وكل حاجه جميلة زيك 🤍

ربنا يرضي عنك، ربنا يرزقني وإياكي يارب🤍

البؤس ده كله علشان محتاره في التخصص

مش معني إني بشارك جزء واحد من حياتي ع السوشيال ميديا يبقي حياتي كلها متمحوره ع الحاجة دي حاجة ، ثانيا حتي لو ده كله بسببه فأنا برضو حره احدد إيه اللي يزعلني وإيه لأ .

بتحبي تسمعي لمين من المشايخ؟

لو عن المشايخ اللي بتقرأ عن قرءان فمفيش حد معين ممكن الحصري أكترهم يعني لو دروس فالشيخ أحمد السيد د/ أحمد عبدالمنعم الشيخ سمير مصطفي

نعمات إنت كيوت أوي علي تخصص النسا ده بجد

مبتتحسبش كده ياصاحبي😅

بتفكري في الارتباط حالياً ولا أهم حاجة عندك الكارير؟

الإتنين ميتعارضوش مع بعض أصلاً من وجهة نظري

في واحد او ٢ جم في بالي و غالبا كنت بافكر فيهم برده وقت ما كنت باختار برده 😆 عاوز ارشحلك اللي اخدته بس معتقدش انه في بالك اصلا 😅

إيه التخصص وعيوبه ومميزاته؟

معرفش الوضع عندكم في الزهراء ازاي للنسا بس هي تخصص stressful عموما في تخصصات كويسه و سفرها كويس بس اغلبها باطنه و شكل ال mind set بتاعك جراحات مش هتختار حاحه منهم ، ان شاء الله ربنا يلهمك الاختيار الصواب

فيه تخصص باطني وحيد فاضلي لحد دلوقتي وأنا أصلا بحبه وفيه جزء intervention بس لا مش هفصح عنه علشان عارفه إن الناس بعد ما كان اختيارهم التالت ومش في دماغهم ولا حد قبلي كان عايزه اول لما أقولهم بفكر فيه هياخدوه 😅

رأيي بصراحه ال plastic يفضل تبعدي عنه فيه جزء من المجال فيه شبهه فيفضل تأمني الجانب ال ent تخصص لطيف بس مش عملي للسفر فعلى حسب خطتك ايه

ما هي دي بقي المشكلة إن الإنسان عايز يسافر وكان بالنسباله النسا الفيرست اوبشن علشان النقطة دي ولكن اتاخدت فمش عارف بقي يسيب نيابة الجامعة بما فيها وياخدها بره ولا يجرب في تخصص تاني في الجامعه وهل هو من الإساس هيقدر يستحمل استريس النسا لو خدها بره ولا يشوف حاجة تانيه لايف استايل أهدي بس أغلب الحاجات اللي اللايف استايل بتاعها هادي مش مطلوبة في السفر ، الإنسان محتار في أمره ربنا يلهمني الصواب