عُمَرْ (@omvr) • ONVO

لو قد انك تدخل في relationship كلمها واعترفلها وشوف الدنيا مش هتخسر حاجة، لو مش مستعد كبر دماغك وانسى لحد ما تبقا مستعد مستعد اقصد(ماديا ونفسيا وعاطفيا وكل حاجة)

ONVO Guest#anon_user

هي المشكله ان الكليه دي مش موجوده غير في بني سويف تقريًبا وبني سويف بعيده جدًا عني + أنا عايز تخصص يكون العملي والتطبيقي كتير اوي اكتر من النظري شكرًا على وجهة نظرك

عُمَرْ@@omvr

Replying to#anon_user

عملي وتطبيقي يبقا كليتنا البرنامج الخاص مش العام، و بني سويف غير انها بعيد فهي بلد تقرف حقيقي هتكره حياتك فيها بس ستيل زي ما قولت كله يهون طالما بتدرس حاجة بتحبها وربنا يوفقك يباشا باذن الله تبقا حاجة كبيرة في المستقبل

ONVO Guest#anon_user

انا كنت بفكر اخش كلية علوم قسم فلك او فيزياء بس كله بيقولي لأ دي صعبه جدًا وملهاش مستقبل وبتاع وانا الحقيقيه مش فارق معايا موضوع اني اشتغل بشهادتي بس اللي فارق معايا هو اني اتعلم حاجه انا عايزها واخش في سكة الاختراعات واعمل حاجات بنفسي وكده

عُمَرْ@@omvr

Replying to#anon_user

ايوة بالظبط دا اللي بتكلم فيه مفيش كلية في مصر هتشغلك بشاهدها فعلى الاقل ادرس مجال انت بتحبه، بس من نحية الاختراعات اعتقد كليتنا افضل لان خصوصا لو هتدخل القسم الخاص لان احنا مجال تطبيقي فيه ناس عندنا حرفيا عملوا satellites و telescopes و cubesats و solar rovers فالمجال ممتع فشخ بس للي عنده شغف

ONVO Guest#anon_user

معرفش اروح فين لسه اصل انا اهتمامتي كتير يعني برسم و بقرأ في التاريخ والعلوم وبتعلم لغات و قريب ان شاء الله هتعلم فنون قتاليه فا انا الدنيا مشتتاني اوي ومش عارف احدد طريقي

عُمَرْ@@omvr

Replying to#anon_user

جميل ربنا يوفقك لكل خير يباشا، عموما الكلية دي لو جيت يعني هتلاقي كتير بيحبطك منها ان ملهاش مستقبل وكدا بس لو عندك شغف في الفضاء والهندسة فيعني معتقدش ان الكلام دا هيأثر معاك، فشوف انت ميال لايه اكتر وحقيقي متدخلش اي حاجة وخلاص ادخل مجال يكون عندك شغف فيه حتى لو مجال ضعيف

ONVO Guest#anon_user

طب ايه المهارات اللي ناوي تكتسبها او تطورها عشان لو متوفقتش في مجالك؟ لإن في حاللت كتير الحياه بتاخدك لمسار تاني غير اللي انت مخططه فا بتبدأ تعتمد على مهاراتك

عُمَرْ@@omvr

Replying to#anon_user

مفيش حاجة معينه في دماغي حاليا لسه متعمقتش في الكلية اوي اول سنة بتعتبر زي اعدادي هندسة كدا بتاخد basics وكدا فمركز اجيب تقدير عالي علشان اريح نفسي باقي السنين شوية، السنة الجاية هكون تخصصت اكتر واشوف انا شايف نفسي في ايه اكتر اتطور نفسي فيه، ناوي تيجي عندنا ولا ايه؟

ONVO Guest#anon_user

هل الكليه وكده سارقه وقتك زي هندسه وكده؟ ولا عندك وقت تمارس هواياتك وحياتك عادي؟

عُمَرْ@@omvr

Replying to#anon_user

الترم التاني واخد وقتي شوية بسبب الرسم الهندسي بحتاج افضيله وقت ورمضان وكدا بس بعيدا عن كدا الترم الاول كنت بعمل كل حاجة وبنزل الكلية والدنيا تمام يعني فهو طول ما انت منظم وقتك هتمشي فيها وهتعمل اللي نفسك فيه

ONVO Guest#anon_user

هل مجالك ليه مستقبل في مصر؟

عُمَرْ@@omvr

Replying to#anon_user

فرص العمل في مصر بمجالي محدودة شوية يا اما هشتغل هتعين معيد ودا وارد لان احنا لسه تاني دفعة في الأهلية، ياما بقا اشتغل في وكالة الفضاء المصرية ومعتقدش الموضوع هيكون سهل ومعرفش worth it ولا لا ، وعلى حد علمي في شركات خاصه بتحتاج التخصص بتاعي دا في مصر بس مش كتير، بس فرص العمل برا بالمجال دا احسن واكتر بكتير وهو دا الهدف من الاساس

ONVO Guest#anon_user

ايه رأيك في الحياه بشكل عام؟

عُمَرْ@@omvr

Replying to#anon_user

صعبة وبضان بس it is what it is و الحمدلله على كل حال

ONVO Guest#anon_user

اول مره اشوف حد اسمه لايق عليه اوي كده

عُمَرْ@@omvr

Replying to#anon_user

شكرا شكرا

ONVO Guest#anon_user

شايف نفسك فين بعد التخرج