rahma elfeki (@rahmaelfeki) • ONVO

ازاي بتقدري تنظمي الوقت او اليوم بيمشي ازاي

انا تقريباً اخر حاجه فدماغي حتة تنظيم الوقت والتقسيم والحوارات دي بس كل الي بعمله بصلي الصلوات في ميعادها وبثبت مواعيد الاكل والباقي بيجي بظروفه يعني

عملتي ايه فالنتيجة ؟

عادية زي كل مرة الحمدلله هعمل ايه يعني

ليه معتيش بتنزلي راندومز علي اي ابليكشن

الوضع عموماً صعب اوي انا ممكن مقدرش اشرح الي بحس بيه عموماً بس بقعد افكر كتير هو انا لو نزلت دامب مثلاً انا كده استفادت ايه ولو حد شافه مثلاً هو كده استفاد ايه وبردو موضوع ظهور الست علي السوشيال ميديا هل هو حرام ولا لا وبردو حوار ان مفيش حاجه مضمونه وخطورة ال ai فالفبركة فالوضع صعب عموماً ودوشه رهيبه هتقولولي طب ما صورة البروفايل هقولكم حتي دي بقعد افكر فيها وبجاهد نفسي كتير ف ربنا يرزقنا الاستقامه ويهدينا لم يحبه ويرضاه .

كل سنة و انت طيب يا معلم

وانتوا طيبين وبخير يولاد 💗💗💗💗💗

انتي اكيد كده بس مش عاوزه تقولي وعلي راي المثل خبي حبيبك وانتي ياختي الله اكبر مخبيه كل حاجة في حياتك مش حبيبك

فيه حاجه حلوه اوي بجد بقيت بعملها الفترات الاخيره من حياتي وهيا اني اخليني في حالي وده بجد حتي ابسط الامور الي ممكن relate to me from far انا ممكن اتغاضي عنها اساساً وملييش علاقه بحد نهائي اتمني تشيليني من دماغك وتبقي كده بردو والله الحوار ده جميل عموماً وبيريح الدماغ وبيحسن النفسيه

شكلك لذيذ يا كنج

خلقة ربنا هنعمل ايه يعني

ذاكرتي الباثولوجي منين وفيه دكاتره علي اليوتيوب ولا مفيش

لسه مبداتش فيه دماغي مش رايقه لسه ان شاءلله الوقت الي هروق فيه هبدا فيه وكله علي الله عموماً

انتي ليه بتدخلي المحاضرات وانتي متدايقه

ممكن افهم انتوا الي ليه مبتدخلوش المحاضرات وانتوا متضايقين

بيتم انطفاء ولا ايه يرحومه

حرفياً عرفتي منين

يارب تجيبي الفل في ال cns

مظنش خالص لان وقتها حرفياً مش عاوزه افتكر تفاصيل بس الدعاء يرد القدر اكيد فادعوا بقي فال CNS & special sense & GIT بالمره ولكم بمثل ما دعيتم يترد فالحاجات الي بتحبوها وعاوزينها ياربّ 💕 شكراً جداً جداً 💕💕

من فين

بلد من البلاد التابعه للمنصوره

مهتمة او معجبة بحد؟

just نسعي لان نكون خِفافاً عابدين شخصيتنا أحسن ولا نهتم بشئ غير مسئولياتنا .

شكرا عموما

علي ايه ؟

بنتعلم ريسيرش ازاي وهل ليها مصادر معينه وايه لازمته اساساً

بنتعلم ريسيرش بيبقي علي حسب اساساً اهدافك من الريسيرش ايه يعني انت عاوز تتعلمه عشان تبقي باحث كويس جداً وبالتالي دكتور شاطر جداً وده بيبقي علي المستوي انك شغال او هتنشر ولا عاوز تتعلمه ع اساس ده منهج كليه والمفروض مطلوب منك تاسك معين المفروض تنجزه هو للاسف مصدر تعلم الريسيرش ملهوش كتالوج ولكن المكان الي تقدر تفهم منه تبدأ ازاي وتمشي علي خطاه اوكيه مفيش مشكله ايه لازمته اساساً good researcher = good human in their field بيساعدك انك لو مثلاً عاوز تعمل حاجه فمجالك بتشوف الناس الاخيره وصلت لايه فبتقرر تكمل علي الي وصلوله ازاي او تتبع المسيره ازاي بيساعدك مثلاً انك لو بتفكر فحاجه مثلاً بيجيبلك كل الموضوعات الي اتعملت عن الحاجه دي مع كافة المؤثرات الي بتأثر عليها مع العوامل الي ليها علاقه بيها بيوريك الموضوع من كل الجوانب فبيبقي ادراكك للموضوع احسن ++ فيه بعض المعادلات اساساً بتطلب انك تكون ناشر عدد معين من الابحاث عشان تقبلك غير امتحانات المعادله ذات نفسها

ازيك

الحمدلله طيبه وبخير 🤍

اتعلمتي ريسيرش ازاي ووصلتي فيه لحد فين ومحتاجين skills معينه عشان نتعلمه

عارفين مقولة ان لما حد يكون عاوز يتعلم مهارة بيروح يحط نفسه فجروب كلهم متقنين المهاره دي انا عملت كده فعلاً لحد ما اكتسبت المهاره دي صاحبت ناس يعرفوا يسرشوا وبيعرفوا يعملوا ريسيرش ومش بس كده لا بيعملوا publishment كمان فمجلات اتعلمت منهم المهاره حاولت اطبقها وهكذا لا مش محتاجين skills ليه علي قد بس منبقي عارفين هو محتاج مننا ايه وازاي نسعي اننا نتعلم الحاجات الخاصه ليه من اول الكلام النظري وفهمه لحد ال practical وتطبيقه ممكن ال skill الوحيدة هيا انك تبقي عارف تكتب علي وورد وتعمل شيت اكسيل وتبقي عارف ازاي تتعامل مع برامج data entry & analysis