Rony (@raspberry_rony) • ONVO

وشرايك باللي يقولون اقطعو السكر خلال التنشيف بحجة انه يفتح الشهيه

ولله انا ضد قطع اي شيء القطع والتجنب المقصود يزيد الرغبة والتفكير بالشيء نظف اكلك وامش على خطة سعرات وماكروز تناسب هدفك وسخر تفكيرك بانك تمشي عليها مو تفكر وش تقطع

عندك اشتراك تدريب؟ اذا انا معك بالنادي تقدرين تدربيني؟ والله صادقه🥹

لا ولله ما ادرب بالنادي🥲

ممكن تتكلمين عن بدايتك بالاتزام يعني سجلت نادني من شهر ويادوب اروح ثلاث ايام بالأسبوع

باذن الله بالفلوق الجاي بتكلم عن الالتزام بالتفصيل

هل تعتمدين على الميزان كاساس تقدمك وتقيسين فيه كثير؟ + كيف تتعاملين مع انعدام الشغف بالنادي بعد فتره

انا شخصياً اعتمد على اوزاني بالنادي وشكلي بالمرايا بعدها مقياسي الثالث يكون الميزان اقيس عالميزان قليل تقريباً كل اسبوع او كل اسبوعين - انعدام الشغف راح يجيك كثير خلال رحلتك مرات بيجي جرعه قويه تخليك ودك تتركين كل شيء لكن نصيحتي خذي راحه يوم يومين اربع ايام بالكثير بعدها لا تعطين نفسك وجه اغصبي نفسك وحاولي تشوفين ليه انتي طفشانه ناديك والناس الي فيه يخربون جوك؟ معد فيه تجديد ؟ جددي ملابسك اغانيك معد فيه ادرينالين التطور ؟ غيري بجدولك اذا كل هذولي تمام فيه اقوى حل جربته وفعلاً جدد من الشغف سوي مكس رياضتك مع رياضة ثانية مثل الجري ، السيكل ، الكاليستثنكس وغيره فيه كثير رياضات ممتعه مثلاً انا عدلت جدولي المقاومه وصرت اسوي معه يومين بالاسبوع هايروكس رياضة جديدة رجعتني للصفر اتعلم من الصفر مع حماس التطور السريع الخ

Girl pleaseee ابي جدول اوصل نفس جسمك ماشاءالله شنو ابدا اسويي😔

يا حلوك شكرا🩷 تمارين مقاومة بشدة ممتازة + تقفيل بروتين واكل متوازن + نوم وراحه كافيه

ساعديني ): كل تماريني على الاجهزة كلها ماعندي شي حر ( ابغا ادخل شي حر واحترت ادخل السكوات عشان برضو اتعلم اتوازن ولا ادخل الديدليفت يصير اقوي اكثر من عضله؟

الصدق ماقدر اعطيك راي وانا ما شفت جدولك بس لا تفكرين كثير عادي حطي اي واحد فيهم وفيه تمارين غيرهم كثير ترا مثل ال rdl و bss كلهم يعتبرون حره

الله يرجع شغفك للتصوير

حالياً اصور بس بكل التطبيقات الا تويتر ☺️

التمارين اللي فالهايلايت لو مشيت عليها بيصير عندي سليبر بلد ؟ ولا هذي لها تمارين غير

السليبر بلد غالباً يكون مظهر عضلات صغيره نسبياً ونشافه وسط ، فعادي تقدرين تاخذين جدول الهايلايت و متى ما وصلتي حجم يرضيك وقفي تحفزين بناء العضلة عن طريق انك تثبتين اوزانك وشدة تمرينك وتقدرين تقللين جلساتك بعد + يعتمد على نسبة دهونك اذا كانت عاليه يحتاح تنزلينها .. والنشافه الزايدة بتحدد العضلات .. كل ما كنتي وسط كل ماكان اقرب لمظهر السليبر بلد

ماشاءالله عليك اي سنه جامعه؟ انا افكر ادخل امن سبراني لكن لو بركز على شي ماحس عندي وقت اروح النادي خصوصاً ودي اخليه شي دايم عشان صحتي و بديت افكر ادخل تخصص له علاقه بالتغذيه كيف تقدرين توازنين؟ و كيف تعرفين وش يناسبك من اكل او رياضه

اما اي سنه جامعه😭 حبيبتي انتي اساليني كم سنوات خبرتك😂 شوفي كدراسة التخصصات التقنية زيها زي اي تخصص علمي هي مب سهله وموادها ثقيله وعلميه بحت لكن حتى باقي التخصصات العلمية بتاخذ وقتك ومجهودك عادي ، وعادي سالفة الموازنة بينه وبين الرياضة انتي قادره عليها بس تحتاج تنظيم وقت منك وأولويات لا تحكرين عمرك انك تسوين شي واحد تقدرين تسوينهم كلهم بس نظمي وقتك والجامعات صار فيها نوادي تقدرين تروحين لها وقت البريك الدنيا سهالات بس سهليها لا تصعبينها

امانه كم طولك؟ احسك قصيره بالحيل وهذا سبب بروز العضلات بهالشكل صح؟

هههههههههه يعني ما يعضل الا القصار! مو منطق غير صحيح ماني قصيره طولي ١٦٢

جدوووول تمرينك اذا مافي خطر على حياتك

تعبت وانا اقولكم بهايلايت انستقرام FAQ بس للامانه هالفتره مقللته

هلوو كيف الواحد يبدا رحلته التغذويه و الرياضيه ماعندي علم كافي بهالمجال وودي ابدا كمان ماعندي فلوس حق اشتراك نادي مع اني كنت ارفع حديد بس ماكنت اشوف نتايج ففففف بليز هلب

يمشي على نظام سعرات يناسب هدفه يقفل احتياج البروتين يتمرن مقاومة ب((((جدول ثابت ))) لفترة طويله يطبق الزيادة التدريجية ينام ٧-٩ ساعات يشرب مويه كفاية ١٠٠٪؜ بيشوف نتائج

برفض خطيب ما ساعديني بأجوبة مقنعة غير إني صغيرة والخ

اما تتعبين نفسك تدورين أجوبة مقنعة عادي عطيها وضعية المهمومة المكتومة وقولي ما ارتحت له

وش الهدف من وضع احبال المقاومه على البنش بتمرين الصدر؟

للثبات لا اكثر

كم طولك ما شاء الله

نسيت اخر مره كذبت عليكم كم قلت

أوزانك ثابته؟ ماتحاولين تزيدينها

اوزاني الثابته غالباً ثبات مقصود ، عضلاتي العلوية راضية عن حجمها فمعد اهتم للتطور فيها

ممكن تقولين لنا طريقة عنايتك بالشعر الكيرلي من ناحية الشامبو و الكريمات

شوفي تتوريل (ليل التميمي) بالتيكتوك انا اقلد طريقتها ويضبط معي مهما كانت المنتجات، انا مو خبره بمنتجات الكيرلي فمابي اتفلسف عليك

هل البيلاتس تغني عن التمرين؟

لا .. لا .. لا

عندك اي نصائح عن كيف توازنين بين الرياضة والشغل او الدراسة الخ؟ مثلاً إذا ودي اركض كل يوم صباح بس عندي مدرسة من 7 لين4 وشغل في الليل؟

ترتبين اولوياتك وتخططين لأسبوعك من بدايته مثلاً بوضعك عندك دراسه وشغل وتبين تدخلين الجري الجري بيكون كفاية مرتين بالاسبوع خلي يوم يوافق يوم الويكند حقك ويوم ثاني اصحي بوقت الدوامات من الفجر واطلعي اجري او اجري بعد دوامك لو دوامك ينتهي بدري تقدرين تجرين بعده لو من بداية الاسبوع انتي عارفه مثلاً الجمعه والثلاثاء هي ايام الجري بيسهل عليك انك توازنين وهالشيء ينطبق على باقي الاشياء كل شيء بحياتك كيفيه على وضعك ومقدرتك

تعرفين مكان يمدي اوكض فيه لوحدي؟ انا بنت

حدائق الاحياء الي كلها عوائل 🤝 انا هذي الي اجري فيها