ـر (@runotb) • ONVO

الطموح الي سرت من نجد وامست فالحوية شخصياً

بأم عينها

ياخ، عرفتي إني خريجة جامعة وانا ما حدّدت أي مرحلة دراسية عسل يا ( ر)، ضروري الآن نتعرف جاية أطب

بأنهبل لو تطلعين اصغر من كذا وتتطلعين للحب، راح اقرصك مع انك مبدئيًا كاتبة بارعة ومتحدثة رائعة فما أعطيك عمر اصغر من ٢٠

اسلوبك مشابه لإحدى الصديقات لذلك، عشان هيچ حسّيت إنكم على معرفة ببعض مع إنه لا - بسوي لك فولو الآن من حسابي الشخصي- دشيت دشة حمد .. وايضًا لا ما أعرفك والله بس يمكن أسلوبي مالوف عليك بسبب احد في حياتك

يا مرحبا 🫶🏻💗🫶🏻💗🫶🏻💗 العين أوسع لك من اكس كله

اخاف اني ما ارسل له ويكون ينتظرني ويقدم بحياته اللي ما ادري وش الحقيقة فيها، واخاف ارسل وآكلها وأطلع مضمونة بنظره .. واحيانًا تجيني مخاوف بإن مثلًا هل خطب؟ هل هل هل مع إنه طالب وما يحمل من الجدية بمثقال ذرة بس ما ادري ليه أشعر بالغيرة عليه، وأنا اكاد اجزم إنه ما يسوى أظفر رجلك (أعزنا الله) ..لكن دايمًا اقول لو هو لي بيجيني على سفر وانا مقيمة ما راح أحرك ساكن، واحيانًا اقول فات الشر وكل ما قرّرت اتجه له خطوة أشعر إن فيه شيء يردعني داخليًا احسه أكلني هووواء حرفيًا ما أعرف وش الصح أملّي علي

مافيه رجال ينتظر. مافيه رجال ينتظر. مافيه رجال ينتظر. بس لو جيتيه خير وبركة تقزيرة عليها الكلام. الشاري بيجيك! ما قدم شي من اولها وش تعتقدين بيثبت لك بعد شهور؟ مافيه شي تتحسفين عليه لا عمر ولا شخصية ولا ثبات رجولي. ولا شي. حسافتك على نفسك بس. لذلك والله تبحثين عن إجابة اخيرة انتي ما تبحثين عن نسخته القديمة، تبحثين عن الشعور اللي كان يمدك به. طيعيني وطلعيه من بالك، تشابتر وانتهى افهمي الدرس وتوبي🫶🏻 والله يجبر قلبك ويعوضك بنصيبك وحبك الحقيقي اللي يلون الدنيا بعيونك دون إنقطاع.

فانا مستغربة وجدًا تقفيلته للحساب وايضًا هجره للحساب، بمعنى كان سابقًا لما يغرّد تغريدة يردون عليه مجموعة والحساب له جماهرررررية مرة، حاليًا الجميع يتسائل أين مختفي فما أعرف هل هالشيء يندرج تحت التوبة؟ أو عاف الشغلة بسببي؟ مع العلم إنه مقفّل حسابه عني وهو مخلّي وسيلتنا الوحيدة بدون بلوك! وبدون حذف للشات من الطرفين > انت لو متاكد اني ما بجي او ما بيحصل تواصل مستقبلي الإنسان الطبيعي يمحيني من الوجود اساسًا ليه يخلي الزاوية الرئيسية معي وهو عايفني! لذلك ماني عارفة أثبت خطاي

لا مو بسببك لا تمحورين الموضوع حولك، هو بنفسه مب مرتاح مع اني اعتقد انك كنتي مبسوطة معه لأنك تشوفين على "جماهيريته المزعومة" قاعد يعطيك من وقته وجهده لك شخصيًا. العيال ما يبلكون حبيبتي، ما يبلكون. حتى بأسوأ الأوضاع. فلا ترسلين له تحت ضغط القلق والتخمين، ولا ترجعين تفتحين الباب على شيء أصلًا بدايته ضبابية وإذا كان فعلًا صادق ونيته نظيفة الرجال يعرف يوصل ويبرر ويوضح بدون ما يحدك تتوسلين الوضوح وتضيعين بين الاحتمالات. والله العظيم الرجال الصادق لو نواك بيجيك لو ايش! فلذلك أنتِ الآن أكبر مكسب لك إنك توقفين هالاستنزاف وتطلعين من الدائرة بكرامتك وهدوءك قبل لا تتعمقين أكثر، اللي استشفيته انك تدور اجابة تثبت قيمتك وانك ما هنتي وانك غير ووو بس أنا أعتذر لك والله :( ما بيشبع الفراغ هذا غير نفسك فإرجعي لها واحتوي نقصك واتفلي عليه

انا كل ما اتذكر الصورة اللي طلعت مو مثل ما تخيلت اتحسف على نفسي اللي ضيعتها هباءً منثورًا وانا شيء في غاية الروعة ومفعمة بالحياة فعليًا، أتى ذا وأطفى أم الحياة فيني .. وفعلا لا شيء أضافه لي لكن تعلقي به من غير مبرّر! يمكن لأنه رافضني أو ما ادري صراحة لكن متيقنة مية بالمية إنه شر وفات، + لما قلت لك حسابه كله ممنوعات المقصد ( بنات + شتم) يعني متعرف على بنات تحت ظل إنه شخص اخر بنفس الاسم حقه لكن بعمر اخر يعني تموووويه، ولما قلتي موضوع تقفيلة الحساب ما يمسني اخطاتِ لأنه متنكر وقفطتي له كانت عن طريق

وليش تبغين تضيفين اسباب زيادة للحسافة؟ ليه تبحثين عن شي يخليك تحسين بالشفقة تجاه نفسك؟ قاعدة تقولين ان حياتك حلوة ومليانة وإنه ما أضاف لك شيء حقيقي وغالبًا سلب منك، وهذي هي الفكرة الرئيسية! ليه تعطينه سلطة إنه يكدّر يومك ويخليك تشكين بنفسك وتدخلين بدوامة خوف وغيرة وتفكير؟ الحب يوسعك ويزيدك ويطمنك ما يحولك لشخص يراقب ويحلل ويستنزف أعصابه ! تعلقك هنا مو فيه كشخص قد ماهو بفكرة وصورة وتخمين لو كان فعلًا مناسب لك كان شعورك تجاهه طمأنينة ووضوح مب قلق وخوف وتحليل واستنزاف والله :(

بكتب لك وبعد ما اقول لك أتممت القراءة احذفي كلامي من الاونفو انا بدخل التطبيق واقرا لا تنزلينه للعلن، فيه شخص احبه واغليه طحت له على حساب بالانستا كله ممنوعات ورافضتها انا ودايم اعطي تنبيهات بخصوص حدودي مع ذلك لمسها - علاقتنا بدون مسمى - وهو رجُل .. لكن كاذب بكلّ الأساسيات مثل الحساب والعمر وعايش قصة في مخيلته على الغير هههه، ولنا الان من ٥ اشهر الى ٦ بدون ادنى تواصل لكن ( قفّل الحساب اللي قفطته فيه وخلاه برايفت من يوم الإشكالية للان) ومخلي وسيلتنا الوحيدة بدون بلوك .. وش ممكن يفكر ؟ وابادر؟

أعتذر مبدئيًا عن صراحتي، لكن فعلا راجعي نفسك واحتياجاتك الحقيقية. عبّي وقتك بأشياء تنفعك وطوري تفكيرك وحسّني تواصلك مع أهلك وصديقاتك، الرياضة، التغذية، العناية بأبسط شي يرفع دوبامينك الطبيعي أنتِ الأولوية! كل ما اشتغلتي على نفسك أكثر بتكتشفين إنك أكبر بكثير من التعلق بشيء بهذا المستوى. وغالبا بعد كم شهر بتستغربين أصلا كيف شغل بالك. ثانيًا أنتِ موهومة. تحبينه على أي أساس؟ لا عرفتي حقيقته فعلًا ولا حتى الصورة اللي قدّمها كانت بمستوى علاقة واضحة ومحترمة. وش الشي الحقيقي اللي أضافه لك؟ وش اللي خلاه يستحق كل هذا التفكير والاستنزاف؟ ولا حتى بتزييفه كان قد ترسيم العلاقة! ومسألة تقفيل الحساب ما يعني شيء عميق بالضرورة حتى لو صادف نفس الوقت ومتأكدة ما يمسك البتة فغالبًا انقفط قفطة اشين منك، لو فعلا كان حريص عليك وخايف يخسرك كان واجه الموقف وتلاحقه وبرّر ورقع وحاول يتمسك فيك بوضوح. بس ترا مايسوى. انساقت عليك مره واشغلتيه فماش مب فريسة مناسبة له. بنسبة كبيرة كنتِ جدول لا أكثر ولا بنظرته لك جدية حتى ١٪؜، مب مثل ما (تتخيلين).

وش مراييل القاعده وش كنتم تلبسون انتم

المدارس اللي درست بها تابعة لقواعد/مدن عسكرية، كانوا يوزعونها علينا بشعار وزارة الدفاع او إسم القاعدة تحديدًا لين الثانوي تغير النظام وصار توفير المريول مسؤولية أهل الطالب،يشترون تجاري ككل المدارس وبدون شعار.

الفلوس لا جت ف يد الحرمه🤣

😢الله يرزقك من واسع فضله

حرف الر إستشارة سريعة تخص موضوع عاطفي وإذا ممكن ينفع ما تنزّلين كلامي للعلن؟ وإذا قلت لك إني أتممت قراءته تحذفينه من الاونفو بحيث محد يقراه غيرنا؟ بليز 🥹

ما أدري على أي اساس توجهتي لي، بس اسلمي بحاول اساعدك باللي ودك

ليش سويتي سوفت بلوك

ما جزتي لي

انتِ بالمدينه؟

لا !

لا كنت احط على مزاجي واصلا حطيت من اول ماكان حسابك جديد صفري توه محد يعرفه لكن راحت علييك

ما جزاء الإحسان الا الإحسان

لو سمحتي بشيل لايكاتي فكي البرايفت

هههههههههههههههههههه هههههههههههههههههههه هههههههههههههههههههه مافيه والله

مختفيه

مشغولة هاليومين احتروني

محد مهتم بجرحك ترى

اهتموا سهلة

موضوع قهوتكم حنا عكسكم حرفيا بيتنا مايشربها الا انا بعد ماكبرت بعد

حتى السعودية😧سحب جنسية

ياحلو سوالفك

هكذا تبدأ الشيخة صباحها أحسنتم

ريما؟ مشاركة من طرف ثالث

خطا

طيب عرفتي مين يكتب لك والا لا

لا ما يعني لي