Zeinab Ahmed (@zezesanad3) • ONVO

اي الخاصات اللي اعرف اتعلم فيها كويس 😁

كارديو ، نيورو ، تروبيكال ، تجميل ( لو نزلت كتير ) .. ولو حد يعرف يضيف يا شباب

نزول لو قليل وراحة

كارديوثوراسيك ، نيروسيرجري ، مسالك ،أشعة

ايه كويس ف الخاصات نكتبه ف الرغبات 😭

حسب الغرض تعليم كويس ولا نزول قليل وراحة

مين شغال تخدير دلوقت

مجموعة من اللي كانوا شغالين خاصات

صح

انجم انا بقى واجاوب ولا ايه !!

إعلان النيابات نزل ولا هينزل امتى ؟

لسة ، تقريبا اول ١٢ مش متاكدة

ردي هنا

ماعرفش ، وماعتقدتش

يعني كل روتيشن بتنزلوا في الأسبوع كام مره وفي الاستقبال كام مره

في استقبال عام وإصابات ٥ مرات( الرسمي ) كل مكان فيهم في خلال ال ٢٠ يوم بتوع الروتيشن ، بنك الدم حسب عددكم ( احنا كنا ٢٧ واحد نزلنا من ٧ ل ٨ نباطشيات )

هو من بداية كتابة النيابات في شهر 1 مفيش حضور امتياز تاني ولا هتكملوا لأخر شهر 2 عادي

مكملين عادي ، مافيش غير اجازة امتحان المزاولة بس

ايه نظام حضور راوند الطوارئ وفين👀

شهرين متقسمين على ٣ اماكن كل روتيشن ٢٠ يوم ( استقبال عام ، اصابات اوضة الترياج ، بنك الدم ) حضوره لذيذ ماعدا نباطشيات بنك الدم رخمة حبتين وكتيرة عن طوارئ استقبال عام وإصابات

مش عارفة اسأل السوال ازاي بس هو طبيعي ان واحدة ميتقدملهاش حد خالص ولا حتى حد يدخل ف حياتها او يلمحلها او تحس ان فيه حد معجب بيها ف سننا دا ؟ انا طبعا مش بتكلم عن ارتباط وجواز لانه نصيب بس فكرة انه نفيش حد

اه طبيعي جدا وكتير كمان ، بصي الامور دي نصيب فعلا ومكتوب عند ربنا ، في آوانه هيجي ف ماتسبقيش الاوان ، وارد ربنا مش كاتبلك تدخلي تجارب كتير ، وارد لسة مكتوبلك تعيشي ، هوني على نفسك انا مقدرة شعورك وحاسة بيكي ولكن ده مدخل من مداخل الشيطان

بيفرق معاكي المسمي الوظيفي لشريك حياتك ولا اهم حاجه يكون شاريكي وبيتقي ربنا فيكي

لأ مايفرقش معايا الا الجماعة إياهم

معلش هو سوال غريب شوية بس معظم الناس بتجيب بكام دهب الأيام دي خصوصا هنا في المدينة ؟

مش عندي معلومة لأن الموضوع بيختلف من مكاان لمكان وحسب اتفاق الاهل

ادعيه اتجوزه

يارب لو خير يجمعكم سوا عاجلاً غير آجل يارب

اي مواصفات شريك حياتك

الشكل مش حاجة معينة هشوفه هقول هو ده وخلاص ، صفاته ( دكتور ، بيحبني ، دمه خفيف )

اي علاقة التراكمي باختيار راوند الخاصات في الامتياز ؟ ممكن توضيح اكتر

كل قسم بيكون ليه عدد معين وليكن ١٠ مش هياخد غيرهم وفي ٥٠ واحد عاوزين القسم ده ، ف بيمشوا بالتراكمي زي النيابات كدا علشان ياخدوا ال ١٠ والباقي بياخد الرغبة اللي بعدها ، حاجة شبه تنسيق الثانوية العامة ، لكل شهر ٩ رغبات *

هو ايه راوند الخاصات ده عباره عن ايه وبتنزلوه فين؟

٤ شهور بتختارهم انت حسب التراكمي في جروبك من اصل ١٩ خاصة ، ممكن تختار قسمين كل واحد شهرين وممكن تختار ٤ مختلفين

هتبدوا ا تكتبوا ال نيابات امتى

ليه السيرة دي طيب كنت عايشة في ماية البطيخ🙂 .. مش عندنا معلومة اكيدة اخر حاجة اتقالت ممكن في شهر واحد

خايفه من اسيسمنت الجراحة الدكتور قالنا أنهم سقطوا ناس فيه السنة اللي فاتت 🫣😭 نعمل اي

اقروا قراية جرايد واعرفوا معلومات من النزول بس ، واه سقطوا ناس ونجحوهم تاني عادي من غير ما يعيدوا الراوند

يارب قرب الامتياز عشان ادوق المتعة اللي انتوا فيها

اهلا اهلا بالكتاكيت ، تروقوا روقتنا وتفوقوا فوقتنا قريب بإذن الله